Le LXIII Legislatura tu túuxtaj t’aan ti’al u yantal u páajtalil ti’ jmeeyjilo’ob le u béeytal u táakpajlo’ob ichil le kaambalil virtual

2021-09-22

Tu noj kaajil Jo’, Yucatán, 22 ti’ septiembre 2021

Tuláakal le u Diputadosi le Partidos politicosob tu múuch’ aprobarto’ob junp’éel Punto de acuerdo ti’al u ts’a’abal u páajtalil ti’ taatatsilo’ob kex tu kúuchilmeyaj u láak’intiko’ob virtual u paalo’ob ku xooko’ob tu yóolal le pandemia covid 19, le propuestao tu beetaj PRI, chúukbesa’ab u ts’íibilil tumeen u Diputadai PAN Karla Salazar González.

Le Acuerdo ku jets’ik u páajtalil ti’ le noj molay Congresoi Yucatán yéetel u tsiikalil le u túuxtik t’aan ti’ u Jala’achil u lu’umil Yucatán, ti’ le 106 Ayuntamientosi ek lu’umil, ti’ Organismos autónomos, beey xan ti’ jejeláas kuchil meyaj privadas, je’ex  bix u páajltalil ti’obe’ ka u ts’a’ob u súutukil ti’ máax’oob ku meyajo’obi’i u láak’intiko’ob kex virtual le u xook u paalal taatatsilo’ob ti’ preescolar, primaria, secundaria yéetel preparatoria

Le je’elo’ ka’alikil le u máan le pandemiao ti’al u béeytal u ka’a suutk xook je’ex suukile’ le xoknáalo’bo’ xma’a sajbe’entsilil ti’ u tooj óolal, ba’ale le ba’ax ku k’áatalo’ob ma’ ti’al u je’elsa’al meyaj ti’ jejeláas kúuchilo’ob.

Le jo’op’éel Sesión Ordinaria ti’ le LXIII beeta’ab xan le u jeets’t’aanil ikil u aprobarta’al le Minutas ikil u jeltúumbensa’al le u wakjaatsilil le articulo 77 ti’ le u noj a’almajt’aanil u lu’umil Yucatán tu yóolal bix kun beeta’al le Informes municipales, ti’al u beeta’al le Cabildo abierto, 30 Ayuntamientos tu núukajo’ob ku béeytal, 76 ma’ tu núukajo’obi’i b’alae ku na’atal bey ku ejéentiko’ob.

 Le u ts’ook óoxp’éel Minutao ti’al u je’ebel le u kúuchilo’ob Control interno municipal, ti’al le je’elo’ob k’a’am 29 constancias.

Léeyli aktáan le Plenariai le miercolesa’ tu kúuchil “Constituyentes de 1918”, túuxta’ab ti’ le Comisión ti’ Presupuesto, Patrimonio Estatal yéetel Municipal le iniciativa ti’al u jeltúumbensa’al le articulo 9 ti’ le a’almajt’aan Ley de ingresos ti’al u kajil Celestun ti’al u ja’abil 2021 bey tu túuxtaj le u Presidenta Municipal Yulma García Casanova, beey xan le propuesta le u Presidenta Municipal u kaajil Chicxulub Pueblo Guadalupe Canto Ale yéetel Verónica Esparza

Túuxtan léeyli ti le Comisiono le iniciativa i’al u jeltúumbensa’al le articulo 12 ti’ le u a’almajt’aaniol Ingreso u kaajil Tixkokob ti’al u ja’abil 2021 túuxta’an tumeen u Presidente Municipal yéetel Secretario Municipal, Eric Quijano González yéetel José Sabido Lara

Ti’ le Comisión ti’ Puntos Constitucionales yéetel Gobernación túuxta’ab ti’ le iniciativa ti’al u táabsa’al le u túumben ka’a jaatsilil le articulo 2 ti’ le u noj a’almajt’aanil u lu’umil Yucatán k’uba’an tumeen le u Diputadosi PRI

Táan le Sesionob ts’a’ab ojéeltbi k’a’am Oficio ti’ le Subdirector ti’ Asuntos jurídicos ti’ le u molay Dirección ti’ Gobernación ti’ u Ayuntamiento Jo’, Jaime Acopa Brito tu yóolal jump’éel solar kun k’e’exel beey xan k’a’am junp’éel Oficio ti’ u Legislaturai Zacatecas
Ichil asuntos generales, le Diputadai Morena Alejandra Novelo Segura tu k’ubaj u Agenda Legislativa, tu tsolaj, yaan u kaxáantiko’ob u beeta’al reformas ti’al u yutskíinta’al u meyajil kaambesajil, u meyaj kolnáalo’ob, u yáanta’al nojochwíiniko’ob, discapacitados yéetel junjaats kajnáal séeba’an u loba’alo’ob, beey xan ku chuumbesik u meyaj ti’al u keet chíimpolta’al xko’olelo’ob’, ti’al u kaláanta’al úuchben miatsil yéetel u yaanchajal a’almajt’aano’ob ti’al u tsikal derechos humanos

Le u Diputadoi PAN Esteban Abraham Macari na’ak Tribuna u t’aan tu yóolal kun p’íintkunsa’al le presupuesto federal ku ts’a’al ti’ Jala’achil Yucatán ti’al  u meyajil kaambesajil, u ts’a’akal kaaj, ti’al infraestructura, ti’al u ts’a’abal áantajil yéetel ti’al seguridad publica

Le bukaj tukulta’an u xupik Jalachil ti’al u ja’abil 2022 kun éemsa’al tak 9 % je’ex bix ti’ le u ja’abil 2021, ma’táan u túuxta’al le subsidios ti’al Jala’achil yéetel ti’ municipios, le u t’aak’inil le Convenios, le aportaciones federales, ichil u láak’ taak’in ma’te u túuxta’al

Convocatoria
Tu kúuchilil Sala “Consuelo Zavala Castillo”, le u Diputadosi le Comisión ti’al Postulación ikil u k’u’ubul le Chíimpolal “Medico del Año” ti’al u lu’umil Yucatán tu múuch’ aprobarto’ob le u Convocatoriai ti’al u ts’a’abal u yojéelt le u óoxjaatsilil Jala’achilo’ob, ti’ u múuch’ kabil kaaj ku meyajtiko’ob  u meyajil tooj óolal, ti’ medios ti’ comunicación.

Le je’elo ti’al u béeytal u ts’íibta’al u k’aaba Candidatos wa Candidatas ti’al u náajalta’al le Chíimpolta’al tu ja’abil 2021, ku béeytal u ts’íibta’al u k’aaba máaxo’ob nuka’an meyaj ku beetik wa ku ts’aik xook tu yóolal ts’aakankil ti’al u yutsil u kajnáalilo’ob ek lu’umil

Le páayt’aanob ku jets’ik bix yéetel ba’ax k’iin kun k’a’amal u k’aaba candidatos wa candidatas ti’al u xak’alta’al yéetel ka’a beeta’ak le u dictamenilo’