Ku ts’a’abal k’ajóoltbil le u túumben oochelil Institucional le noj molay H. Congreso Yucatán.

2021-10-20

Tu noj kaajil Jo’, Yucatán, 20 ti’ octubre 2021.

Ki’ichkelem, tsiik óolil, yéetel  k’uban óolil, bey u chíikpajal tu túumben oochelil le LXIII legislaturai le noj molay H. Congreso Yucatán, bey beeta’ab tumeen le xi’ipal náajalt le u keltamil, u aj xoknáal Licenciatura ti diseño gráfico digital ti’ le najil xook Universidad Interamericana para el Desarrollo

Tu kúuhcilil Salón Maestra Consuelo Zavala Castillo” ts’a’ab k’ajóoltbil tumeen le u Presidentei le Juntai Gobierno yéetel Coordinación Política Víctor Hugo Lozano Poveda (PAN) láak’inta’an tumeen le Diputados Vida Gómez Herrera (MC), Crescencio Gutiérrez González (NA), Eduardo Sobrino Sierra (PRD) yéetel le u  Presidentai le  Mesa Directiva, Pilar Santos Díaz (PAN),

Táan Diputados yéetel medios ti’ comunicación, Aaron Rivero tu tsolaj, tu jetsaj u tuukulil úuchik u yilik bix u najil Congreso, bix beeta’an le u noj kúuchilil Sesiones ti’ Pleno tu’ux ku je’ets’el t’aan tu yóolal u yutsil kajnáalo’ob, le u eebilo’ob ku yilal bey u joolnajil ookbal ti’al kajnáalo’ob ti’al u béeytal paklamtsikbalil kaaj yéetel u yantal palkam alab óolil

K’a’ana’an u táanilkúunsa’al le paklamtsikbalil ti’al u yantal utsbisbáail yéetel kajnáalo’ob ikilu kaxantá’autskíinajil ti’ le talamil ku máansik kajnáalo’ob je’ex ti’ economía, tu tooj óolal ti’al u bin to’ob jach táaj utsil. Bey tu tsolaj.

Le u noj tuukuil uchik u beeta’al le oochelo’ob ka jóok’ok ki’ichkelem,nuka’an, ka u t’óops alab óolal yéetel mina’an u boonil ti’al u luk’sa’al u tuukulil partidos políticos

Beey xan k’e’ex le u ts’iibalil números romanos ti’al u táakbesa’al le u ts’iibil mayas te’e tu numeroi 63 ti’al u táakmukta’al u mootsil ek chi’ibalil, le óolal ts’íibta’al ich maya le u numero le Legislatura, ichil le oochelo’ob táakbesa’an le glifo maya ku k’áat ya’al paklamtsikbalil tumeen leti’e unaj u yantal ichil kajnáalo’ob yéetel le Diputadosob

Le Diputado Víctor Hugo Lozano Poveda tu tsolaj,le meyaja’ leti’e u nooyil paklamtsikbalilku yúuchul bejla’ Congreso, le óolal ichil le Juntai Gobierno ch’a’ab u t’aanil ma’ leti’e Diputados kun beetik le túumben oochelob ti’al ma’ u táakbesa’al u boonil partido politico, ka ts’a’abak u páajtalil ti’ kajnáalo’ob u jets’ik u beeta’al.

Le Diputada Pilar Santos k’ub le reconocimiento ti’ máax beet le oochelo’ob

K’a’am 12 ocheelo’ob tu yóolal le convocatoria jóok’sab tu k’iinil 24 ti’ septiembre tu’ux túuta’ab ti’ ajxoknáalo’ob ti’al u táakpajlo’ob ti’al u beeta’al u oochelil le LXIII Legislatura