Diputados ku séebankuunsko’ob u xaak’alil le u máansa’al le jejeláas najilo’ob ts’aakankil ti’ u molay IMSS

2021-11-04

Tu noj kaajil Jo’, Yucatán, 4 ti’ noviembre 2021.

 Le u diputadosi le Comisión Permanente ti’ Presupuesto, Patrimonio Estatal yéetel Municipal keetchaj u tuukulo’ob tumen jach táaj k’a’ana’an u séebankunsa’al le u xaak’alil le iniciativa túuxta’an tumen u Jala’achil u lu’umil Yucatán tu’ux ku k’áatik ka’a máansa’ak tu k’aaba’ ti’ le u molay IMSS jo’op’éel najil ts’aakankil, ichile’ ti’ yaan le Hospital Regional ti’al Ticul.

Le diputado Víctor Hugo Lozano Poveda (PAN) tu túuxtaj u t’aanil ti’al u láak’ diputados ti’al u k’ubik u yóolo’ob u séebankunsa’al le xaak’alil jach nu’uka’an je’ex bix u tusbeeltik a’almajt’aan ti’al u aprobarta’al le iniciativao táan Comisión ku ts’o’okole’ ka máansa’ak Pleno.

Tu tsolaj, ku k’áatik ka’ séebankunsa’ak ma’a chéen ti’al u jan aprobartal le iniciativao, ti’al u séebankunsa’ak tumeen junp’éel ba’ax jach k’a’ana’an ti’al u yantal u kúuchilil ti’al u ts’a’akal kajnáalo’ob tu nojolil ek lu’umil.

Le u diputadai Morena Alejandra Novelo Segura tu tsolaj, le meyajo’oba’ junp’éel noj áantajil ti’al kajnáalo’ob, bey túuno ku jach chíikpajal ku béeytal u chukpaxta’al le compromisos ti’al u ma’alo’ob kuxtal kajnáalo’ob

Le u diputado Nueva Alianza Crescencio Gutiérrez González  tu ya’alaj tu favor yaan ti’ le iniciativao tumeen ku taasik utsil ti’ 40 mil kajnáalo’ob ti’ u xóot’ ek lu’umil beey xan ku mu’uk’ankúunsa’al le u meyajil ts’aakankil ti’ ek noj lu’umil.

Le u presidentei le Comisionob Jesús Pérez Ballote tu tusbeeltaj le Secretaria General ti’al u beetik le u proyectoi le dictamen ti’al u paklamxak’alta’al ti’ u láak’ Sesión.

Ichil asuntos generales t’o’ox ti’ el diputadosob le iniciativa ti’al u jeltúumbensa’al le u a’almajt’aanil Hacienda ti’al u lu’umil Yucatán k’uban tumeen u Jala’achil ek lu’umil Mauricio Vila Dosal yéetel u xnojk’abil María Fritz Sierra 

Perez Ballote tu tsolaj, ku k’áata’al ka’a jeltúumbensa’ak tu yóolal le tusbeeltil subcontratación wa outsoursing ti’al u tse’elel le bajux ku bo’otal ti’ impuesots tumen empresas.

Táan le u sesioni le Comisionob le u presidenteilo’ tu ts’áaj ojéeltbij, bey tu k’áataj le diputado Víctor Hugo Lozano Poveda, túuxta’ab oficios ti’ le túumben alcaldes k’áata’am ka k’e’exek u Ley ingreso wa yojelo’ob beey xan wa léeyli u k’áato’obe’, ku ts’a’abal óoxp’éel k’iin ti’al u núuko’ob.