U noj molay Congreso ku chíimpoltik le múulmeyajil ku yúuchul ichil Gobierno Federal yéetel Estatal tu yóolal turismo.

2021-11-18

Tu noj kaajil Jo’. Yucatán, 17 ti’ noviembre 2021.

Tak tu noj ts’ikbe’ebil le u Tribunai Poder Legislativo ku chíimpolta’al le uts múul meyaj ku beetik u Jala’achil u lu’umil Yucatán pa’tej yéetel Gobierno Federal ti’al u béeychajal u beeta’al le Tianguis turístico 2021 tu kaajil Jo’, junp’éel noj máak’inal tumeen ku taasik u páajtalil u chíikbesa’al u jats’utsil  ek lu’umil ti’ le máaxo’ob ku taalo’ob xíimbal meyaj beey xan ku nonojkíintik u náajal taak’ininil.

 Le diputada Karla Salazar González (PAN) na’ak tribuna u tsol ba’axo’ob seen utsil ku taasik le u beetpajal le much’áambay waay kaajob tumeen ku beetik u k’uchul xíimbalwíiniko’ob ti’al u k’ájóolta’al ek lu’umil, u miatsilil, u ki’ki’janalil yéetel u jejeláas jats’uts kúuchilil ti’al u béeytal u náajalta’al táak’in ikil u káajal le Reactivación económica.

Tu jets’aj u t’aanil, tak tu noj molay Congreso, le Comisión ku xak’altik u meyajil turismo yaan u ts’áakuba ti’al u tojkíinsa’al a’almajt’aan ti’al u utsilmeyajta’al le turismo wey Yucatán.

Le diputadoi Nueva Alianza Crescencio Gutiérrez González na’ak tribuna u túuxt t’aan ti’ Gobierno Federal ti’al u tubseelt le u Secretariai tooj óolal ti’al u béeykunsik le u ts’a’abal u láak’ junp’úul le vacunai Covid-19  ti’al tuláakal máaxo’ob ku meyajo’ob tu molay kaambesajil, tu ya’alaj, le ajka’ansajo’ob yéetel u jmeeyil administrativos chi’ichnak u yóolo’ob tumeen ma’ ojéela’an wa jach ma’alo’ob le yáax vacunai ts’a’abanti’ob walki wakwináalo’ob tumeen chéen junp’uul.

Aprobarta’ab le dictamen túuxta’an tumen le Comisión Permanente ti’ Presupuesto, Patrimonio  Estatal yéetel Municipal ikil u jeltúumbensa’al le u a’almajt’aanil Hacienda ti’al u lu’umil Yucatán tu yóolal subcontratación.

Táan le Sesionobo túuxta’ab ti’ le Comisión xak’altik u meyajil tooj óolal yéetel Seguridad Social le iniciativa k’uban tumeen u jaatsilil u diputadosi PRI ti’al u jeltúumbensa’al u a’almajt’aanil tooj óolal ek lu’umil tu yóolal u jelbeeta’al u yantal u yiiim juntúul xko’ole’el le kéen ts’a’akak ti’ le u k’oja’anil cáncer de mama

Ti’ le Comisión ti Puntos Constitucionales yéetel Gobernación túuxta’ab ti’ le iniciativa k’uban tumen u diputadosi Morena ti’al u ts’íibta’al tu noj pak’il Muro de Honor tu kúuchil l Sesiones ti Pleno le t’aan  “Al Personal de Salud por su destacada labor para combatir la Pandemia de Covid-19”.

Desecharta’ab le iniciativas  ti’al u jeltúumbensa’al ka’ach le u Leyi ingreso u kaajilo’ob Celestún yéetel Chicxulub Pueblo.Ts’a’ab xan ojéeltbij k’a’am Oficios ti’ le u Secretario u molay ts’aakankil Jala’achil ek lu’umil yéetel ti’ u Legislaturai Guerrero

Ichil asuntos generales le u diputadai PRI Fabiola Loeza Novelo tu k’ubaj junp’éel iniciativa ti’al u táakbesa’al le túumben loobil Violencia simbólica ku muk’yajtik juntúul xko’olel ku meyaj ichil junp’éel u  molay Jala’achil
 

Le u diputadai Morena Rubí Be Chan tu k’ubaj xan u iniciativai ti’al u jeltúumbensa’al le u a’almajt’aanil u meyaj Poder Legislativo Ley de Gobierno ti’al u táakbesa’al le u t’aanil “táamkelem” ti’ le Comisión ti’al Desarrollo Humano yéetel inclusión de los grupos en situación de vulnerabilidad ti’al u béeytal u xak’alta’al talamil ba’alo’ob tu yóolal

Le u diputado Morena Rafael Echazarreta  Torres tu k’ubaj junp’éel propuesta ti’al u je’ebel le túumben Comisión Permanente  ti’al Turismo tumen le u meyajil turismo jach k’a’ana’an ti’al u nonojtal u náajaltik taak’in kaaj.
Le úuchben Comisión Especial ti’al turismo ma’a táan u júubsa’al, le u integrantesilo je’el u béeytal u táakpajlo’ob ichil le túumbenob

Le diputada Vida Gómez Herrera (MC) t’aanaj tu yóolal le Punto de Acuerdo tu’ux ku k’áatik u informei tu yóolal bukaj programas ku beetik u Jala’achil ek lu’umil tu yóolal u ts’aakankil u k’oja’anilo’ob tuukul tumeen ma’a tech u jach ch’a’anu’ukta’al le talamilo’ob, je’ex le kiimsbáail wa suicidio.