Kun túuxta’al Pleno le u Proyectoi le Dictamen ti’al u chíimpolta’al le Maaya T’aan bey Patrimonio Cultural Intangible ti’al u lu’umil Yucatán.

2022-02-14

Tu noj kaajil Jo’, Yucatán, 14 ti’ febrero 202

Audio Maya

Tuláakal u diputadosi le Comisión Permanente ti’ Arte Yéetel Miatsil tu aprobarto’ob le u proyectoi  ti’al u chíimpolta’al le Maaya T’aan bey Patrimonio Cultural Intangible ti’al u lu’umil Yucatán iniciativa  k’uba’an tumeen u diputadosi PAN, pa’tel yéetel u diputadosi Morena, Alejandra Novelo Segura, Rubí Be Chan yéetel Rafael Echazarreta Torres.
Bey túuno’, ku chíimpolta’al le na’tsil t’aan maaya t’aan tuláakal ba’ax yaan u yil yéetel je’e bix u juumil, u ts’íibilil, u woojobil wa je’ex u láak’ ba’ax yaan u yil yéetel u na’tsil t’aan maaya kaaj yéetel u miatsil ku tóop’ol tu tuukul tu’ux ku ch’íikbesik u mootsil yéetel u ch’i’ibalil tuláakal máaxo’o’b ku t’aniko’ob maayat’aan tu lu’umil Yucatan.

 
Ku k’a’asal le iniciativao k’u’ub tu k’iinil 30 ti’ noviembre tan Sesión Ordinaria tumeen u diputadosi PAN, beey xan táakpaj le u diputadosi Morena Alejandra Novelo Segura, Rubí Be Chan y Rafael Echazarreta

Le proyecto unaj u máan tan Pleno ti’al u aprobarta’al

Le diputada Manuela Cocom Bolio (PAN) tu tsolaj, yéetel le iniciativa ku aprobarta’alo’ ku chíikbesa’al le noj ba’ax p’ata’an tumeen le úuchben noolobo’, tumeen ak ch’i’ibal junp’éel noj miatsilil jach ya’abkach uts ba’alo’ob u taasmajo’ob yóok’ol kaab kuxa’an tak ti’ le k’inoba’

Le diputado Eduardo Sobrino Sierra (PRD) tu ya’alaj, le diputadosob unaj u jo’olintiko’ob le u ts’a’abal k’ajóoltbil yéetel u mu’uk’nakúunsa’al u t’a’anal le maaya t’aan sáansamal tak yiknal u molayilo’ob Jala’achil tumeen junp’éel noj t’aan

Le diputada Pilar Santos Díaz (PAN) tu tsolaj, junp’éel uts ba’ax ku taasik le iniciativa ti’al Jala’achil letie’ u beetik jejeláas meyaj ti’al u nu’ukbesa’al, u ts’a’abal k’ajóoltbil yéetel ma’ u xu’ulul u t’a’anal le maayat’aan tu lu’umil Yucatán yéetel u méek’tankaajilo’ob beey xa tak yóok’ol kaab