Ku táakpajal táan Congreso le u candidatosi ti’al u jo’olinta’al ka’ap’éel u molayilo’ob kaaj

2021-02-05

Tu noj kaajil Jo’, u lu’umil Yucatán, 05 ti’ febrero tu ja’abil 2021

Ti’ junp’éel sesión virtual tu beetaj le comisión ti’ vigilanciai cuenta publica, transparencia yéetel anticorrupción táakpaj le óoxtúul candidatos ku kaxáantiko’ob u náajaltiko’ob le óoxp’éel cargo ti’al le Comisión ti’al yéeyajil, máaxoob ku yéeyik le u integrantesi le Comité ti’al participación ciudadana ti’ le Sistema estatal anticorrupción, beey xan le u jo’otúululil candidatos ti’al u yéeyal ka’atúul ti’al le cargos ti’ le Consejo consultivo ti’al le u molay transparencia INAIP Le u Presidentei le comisionob Alejandro Cuevas Mena tu tsolaj láalaj juntúulul le candidato kun ts’a’abal 5 minutos ti’al u tsikbaltiko’ob ba’axten taak u ocupartiko’ob le cargo, ti’ u láak’ sesione’ le diputadosob ku yéeyiko’b óoxtuli. Le ka’aj káaj le u tsikbalo’obo le u aspirantesi ti’al le Comitej ti’ yéeyajil Mario Lopez Irigoyen tu tsolaj, ba’axten taak u ocupartik le cargo, leti’e u meyajil yéetel u jo’olintik u jelbesajil bix u xak’alta’al corrupción tumeen ku satik ya’abkach taak’in jel u béeytal u xu’upul ti’al u ts’a’akal kaaj, tumeen xan ku beetik u pek’tikuba kaaj. Tu turno’e, Primo Campos Centeno, keetpaj u tuukul xan yéetel le t’aano’ob, le corrupciono junp’éel k’aas ba’al ku loobiltik noj lu’umil, ku k’alik u beelil u máan táanil, ku loobiltik u molayilo’ob, ts’o’ok u pak’ik u tuukulil ti’al a k’aatik je’e ba’ax serviciose k’a’ana’an a ts’aik ti’al u síisil, le óola tu tukultaj le máaxob ku meyaj ichil le Comitej ti’al participación ciudadana nuka’an máako’ob unaj u táakpajlo’obi’i, yéetel u pakatil bix u nonojtal u náajaltaak’inil k- lu’umil, uts u yila’alo’ob, u paklakuxtalil yéetel u sáasil ti’al ma’ chéen ka t’aanak ti’al u tak poolil le u beetal corrupción si no que ka u tukult yéetel ka u kaxant bix je’el u xu’ulsale. Ti’al u xuulej, Angel Rodriguez Aquino tu y’aalaj, le Comitejo jun ti’tsilil ti’al u xulsal le talamil ku taasik le corrupción, le óolal k’a’ana’an ka u péeksa’ak tumeen u k’ab kaaj, tu molayilo’ob Jala’achil yéetel ti’ sector privado. Le u aspirantesi le Consejo consultivo ti’al INAIP, Jorge Rodriguez Castillo tu tsolaj, unaj u suukebsal u yantal transparencia tumeen junp’éel ba’al ma’atech u beetal ti’ municipios, beey xan u beetal u lineamientos ti’al u ta’anal meyaj despachos yéetel profesionistas ti’al u mu’u’kankúunsa’al u yantal transparencia. Eduardo Arvizo Perera tu ya’alaj, le transparenciao junp’éel derecho constitucional yéetel junp’éel u nu’ukulil kaaj ti’al u ch’úuktiko’ob bix u meyaj u Jolpo’opilo’ob, ti’al u béeytal u táakpajal ichil tuláakal le ba’alo’b ku xak’altik u Jolpo’opilobo Guillermo Sabido Diaz tu tsolaj, le kajnáalo’obo unaj ch’a’atáantiko’ob u beetal tumeen u láak’ kajnáalo’ob le u ch’úukta’al u meyaj u molayil’ob Jala’achil ti’al u mu’uk’ankúuns’aal u sáasilkuntik u meyajo’ob ti’ kaaj. Maria del Carmen de la Peña Coral tu ya’alaj, kex yaan u sajbe’etsilil le pandemiao unaj u beetal jup’éel agenda digital ti’al u tsikbaltal transparencia, le Consejo consutivo junp’éel nukulil ti’al u ch’úuktal yéetel ti’al u beetal programas ti’al u na’ats’al óotsil kajnáalo’ob. Alejandro Moguel Espejo tu ya’alaj, ichil le kuxtalil yaan tak bejlae, le kajnáalobo taak u yojléetiko’ob jaytúul contagiados yaan, ba’ax ku seen beetik Jala’achil ti’al u yaktáantal le u k’oja’anil covid yéetel wa táan u beetal pruebas, tu yóolal le je’elo’ taak u yáantik u beetal programas tu’ux unaj u táanilkúunsal kajnáalob jach óotsilo’ob.