Tuláakal diputados ku ejéentiko’ob le Leyes Secundarias ti’al u béechajal le Matrimonio Igualitario tu lu’umil Yucatán.

2022-03-01

Tuláakal diputados ku ejéentiko’ob le Leyes Secundarias ti’al u béechajal le Matrimonio Igualitario tu lu’umil Yucatán.

 Tu noj Kaajil, Jo’, Yucatán, yáax u k’iinil marzo 2022.

Tuláakal u diputadosi le LXIII Legislatura tu much’ aprobarto’ob le u Leyes secundarias ti’al u béechajal le Matrimonio Igualitario ti’al k lu’umil, beyo’ ku pajchajal  u tojkíinsa’al a’almajt’aan ti’al u béeychajal u nu’ukbesik tuláakal u tojbe’enil kajnáalo’ob Jets’a’an ti’al tso’okobeelil wey t lu’umil.

Le u diputadai PAN Manuela Cocom Bolio tu tsolaj, le uchik u jeltúumbensa’al le a’almajt’aan tan Sesión ti’ Comisión Permanente  jach bey je’ex jets’a’an tu chuunt’anil u meyajil le LXIII Legislatura yéetel u diputadosi, táanile’ tumeen u tsikbe’enta’al le tusbeelil ku beetik u noj a’almajt’anil Constitucional ek lu’umil, tu ka’ap’éelal tumen tan u máansa’al táanil le jeltúumbensa’al a’almajt’aan.

Le u diputadai PRI Karla Franco Blanco tu tsolaj, le LXIII Legislatura unaj u nojba’alkúunsikuba tumeen táan u tojkíinsik a’almajt’aan ti’al u xu’ulsa’al le peek’óolil, pech’ óolalil beey xa ti’al u jets’ik u chuunt’aanil ichil le Código Familiar yéetel ti’ Registro Civil le u tsikbe’enil, le reforma constitucional ku aprobartik le LXIII Legislatura utial u kaláanta’al je’e ba’ax tso’okobeeli wáa múulkajtaalil ka úuchuk ichil kajnáalo’ob ti’al u je’e’ts’el ba’ax ku taasik le matrimonio yéetel concubinato ti’al u tojbe’ebil u kuxtaal kaaj.

Le u diputadai Morena Alejandra Novelo Segura tu ya’alaj le Congresoa tan u ch’a’ajo’oltik le u chíimpolta’al tojbe’entsilil ti’al tuláakal kajnáalo’ob,máaxo’ob yaan ichil le diversidad sexual ti’al xu’ulul u p’ektalo’ob.

Le diputadosob tu yéeyo’ob tan Sesión le u túumben Consejeros ti’ le u Consejoi Consultivo le molay CODHEY, tu’ux yaan Salvador Elías Castell González, Teresa Troyo Rodríguez, Jesús Campos Hernández. yéetel ratificarta’ab bey consejera, Yuli Matilde Chapur Zahoul.

Aprobarta’an xan le u náajaltik le Chíimpolal “Consuelo Zavala Castillo” le x- ajkana’saj Nelly Rosa Montes de Oca y Sabido, le u presidentai le Comisionob Abril Ferreyro Rosado (PAN) tu ts’áaj u diosbo’otikil ti’ le diputadosob le xaak’alil tu beetako’ob ti’al u yéeyal le máax kun k’amik le chíimpolalob.

Le u diputadai PRI Fabiola Loeza Novelo tu ya’alaj, le x- ajkan’ansaj Nelly Rosa Montes de Oca y Sabido, ku chíiikbesik tu paach u meyaj le páajtalil yaan ti’ xo’olelo’ob ti’al u táakpajalo’ob meyaj tu yóolal kaaj

Tan le Sesionob túuxta’ab ti’ jejeláas Comisiones le iniciativas k’uba’ab tumeen jejeláas diputadosob, je’ex ti’ le Comisión ti’ Ciencia yéetel Tecnología le iniciativa k’uban tumeen  u diputadoi Nueva Alianza, Crescencio Gutiérrez González ti’al u beetpajal le túumben a’almajt’aan Ley de Educación superior

Ti’ puntos constitucionales yéetel Gobernación túuxta’ab ti’ le iniciativa ti’al u jeltúumbensa’al le u a’almajt’aanil Poder Legislativo.

Beey xan le u iniciativasi PRI ti’al u jeltúumbensa’al u noj a’alma’taanil u ak noj lu’umil tu yóola u chíimpolalil Afromexicanas tu lu’umil Yucatán.

Ti’ le Comisión ti’ Puntos Constitucionales yéetel Gobernación le iniciativa k’uban tumeen u diputadai PAN Karal Salazar Gonzalez ti’al u je’eb le túumben Comisión Permanete ti’al Desarrollo turístico yéetel promoción internacional.

Beey xan Le u iniciativa le u diputadoi Morena Rafael Echazarreta Torres ti’al u ch’úukta’al le u molay Central de abastos.

Le u diputadosi le Comisión ti’ Cultura física yéetel deporte túuxta’ab u xak’altiko’ob le iniciativa k’uban tumeen u diputadosi PRI ti’al u jeltúumbensa’al u a’almajt’aanil cultura física yéetel deporte

Ts’a’ab xan ojéeltbi k’a’am oficios ti’ le Camarai Diputado ti’ le Congreso de la Union, ti’ le Legislaturai Guerrero, Tamaulipas, ti’ le u Ayuntamientoi Mayapán yéetel Yaxcabá

Asuntos generales

Ichil asuntos generales le u presidentai le Mesa Directiva Pilar Santos Díaz (PAN) tu k’ubaj junp’éel iniciativa ti’al u táakbesa’al juntúul u sujt’aanil le t’aan Leguaje de Señas Mexicanas ichil u máank’iinal meyaj le Poder Legislativo, ka’a máansa’ak ichil u ch’a’anil ti’ medios ti’ comunicación tu kúuchilil Canal del Congreso

Le diputada Dafne López Osorio (PAN) tu k’ubaj u láak’ iniciativa ti’al u k’ajóolta’al le u k’iinil 5 ti’ abril bey “Día Estatal para recordar las victimas del Viurs Sar-cov2.

Fabiola Loeza Novelo (PRI9 tu k’ubaj u iniciativai ti’al u jeltúumbensa’al le u noj a’almajt’aanil u lu’umil Yucatán yéetel ti’al Presupuesto yéetel Contabilidad Gubernamental tu yóolal bix kun je’e’ts’el u presupuestoi jejeláas miolayilo’ob.

Le diputado esteban Abraham Macari (PAN) na’ak tribuna t’aan tu yóolal u k’iimbesajil Dia Nacional de la Ganadería tu lu’umil México, le ts’éen wakaxilo’’ junp’éel noj meyaj ku taasik utsil ti’l ek lu’umil tu yóolal náajalil, unaj u chíimpolat’al le mu’uk’an meyaj ku beetik xiibo’ob yéetel xko’olelo’ob sáansamal.