Ku k’ubal iniciativa ti’al u beeta’al uts ti’ ajpaak’áalu’umilo’ob

2022-03-23

Tu noj kaajil Jo’, Yucatán 23 ti’ marzo 2022.

Tan Sesión ordinaria le u diputadoi PAN Raúl Romero Chel tu k’ubaj ti’ le Mesa directivao junp’éel iniciativa ti’al u táabsa’al le u kanlajun jaatsilil le articulo 335 ti’ le Código penal ti’al Yucatán tu yóolal u wet’a’al u yokolta’al i’inajil, u yich pak’áal wa u nu’ukulil meyajil paak’áal lu’um wa ti’al cítricos.

K’a’ana’an u táakbesa’al ichil le Código Penal le túumben loobilo’ ka jets’a’ak u kuuch bo’olil tumeen ku seen taasik talamil ti’ ajpaakáalu’umo’ob wey t lu’umil beey xan ti’ kaaj.

Tu táakbes u k’aaba’ ichil le iniciativao u láak’ diputados je’ex bix Esteban Abraham Macari, Carmen González Martín, Melba Gamboa Ávila y Erik Rihani González

le u diputadoi PAN Jesús Pérez Ballote  tu k’ubaj u láak’ iniciativa ti’al u beeta’al le túumben a’almajt’aan ti’al u kaláanta’al ba’alche’ob, beey xan ti’al u jeltúumbensa’al le u noj a’almjat’aanil u lu’umil Yucatán, ku jeltúumbensa’al le artículos 406,407,408 yéetel 409 ti’ le Código Penal, tu táakbes u k’aaba le u diputadai PAN Pilar Santos Díaz.

Le u diputadoi Nueva Alianza Crescencio Gutiérrez González na’ak tribuna t’aan tu yóolal ikil u jeltúumbensa’al le u a’almajt’aanil kaambesajil ek lu’umil tu yóolal u tusbeelta’al le u chíimpolta’al le páajtalil ti’al u nu’ukbesa’al tecnologías ti’al información.

Ichil asuntos generales, le u diputadai Mc Vida Gómez Herrera tu k’ubaj u iniciativai ti’al u beeta’al u túumben a’almajt’aanil JA’ ti’al Yucatán ti’al u ts’a’abal jets’eknakil ti’ u kajnáalilo’ob ek lu’umil ti’al u nu’ukbesiko’ob ma’alo’ob ja’ mina’an contaminantes, ti’al u chúukta’al bix u meyajta’al u ja’il ek lu’umil yéetel ka’a ts’a’abak kuuch bo’olil ti’ máax ku k’askúuntik u ja’il ek lu’umil

Le u diputadai PRI Fabiola Loeza Novelo tu k’ubaj u iniciativai ti’al u jeltúumbensa’al le a’almajt’aan Ley de Acceso de las Mujeres a una Vida Libre de Violencia ti’ u lu’umil Yucatan tu yóolal le loobil Violencia institucional yéetel u ch’úukta’al ma’ u beeta’al le loobil ichil jejeláas molayilo’ob

Le u diputadai PAN Melba Gamboa Ávila, tu tsolaj le u k’iimbesajil Día de la trova ku k’iimbesa’al láalaj 21 ti’ marzo, le óolal tu ts’áaj u diosbo’otikil ti’ le ajmúuch paax “Las Trovadoras de Mayab” tu kúuchilil Salón de pleno ti’al u k’ayo’ob le k’aay “Aires del Mayab”, le je’elo ku beytal tu yóolal le convenioi ti’al múulmeyajil ichil SEDCULTA yéetel Congreso.

Táakpaj le ajpatk’aayil Luis Pérez Sabido u cha’ant le Sesion le pleno. 

Le u diputadai Morena Alejandra Novelo Segura tu k’ubaj u iniciativa tu yóolal aminista ti’ máaxo’ob jach loba’ano’ob.

Tu yóolal le u molay ISSSTEY le u diputadoi Morena Rafael Echazarreta Torres tu tsolaj, yaan le u talamil u taak’inil le molayilo’ob tumeen le úuchben Jala’achilob tu ch’a’ajo’ob u taak’inil, tak tu ja’abil 2009 káaj u máansik talamil tumeen ku ch’a’abal u taak’inil le molay ISSSTEY, tak le ta’aytak u jóok’ol le u Jalachil ti’ le Ja’abo p’axan 2 mil millones kex bo’ota’ab tumeen u jmeeyloo’ob Ja’alachil