Ku je’ebel le kaambalil “Taller Legislativo para las Juventudes 10 por México “10 xMx”.

2022-05-28

Tu noj kaajil Jo’, Yucatán 28 ti’ mayo 2022

Tan xoknáalo’b universitarios beeta’ab le kaambalil Taller Legislativo para las Juventudes 10 por México “10 xMx”., yáax juntéenakil u beeta’al tu lu’umil Yucatán ti’al u tojtáanta’al u ka’ansa’al táamkelemo’ob tu yóolal u meyajil política.

Tu noj najil Congreso tu kúuchilil Sala de Comisiones Consuelo Zavala Castillo” jo’olinta’ab tumeen le  Senador Jorge Carlos Ramírez Marín, le u  presidentai le Mesa Directiva ti’ Congresoi Yucatán, Pilar Santos Díaz; le Senador suplente ti’ PRD, Omar Obed Maceda Luna, tu jeel le Senador Miguel Ángel Mancera; le u Vicecoordinadorai  10 por México, Karen Morales yéetel enlace 10 por México wey Yucatán, Salvador Orozco Rodríguez.

Le u Presidentai le Mesa directivai le Noj molay Congresoi Yucatán Pilar Santos Díaz, tu tsolaj, jach noj ba’al ti’ le LXIII Legislatura ikil u k’amik táankelemo’ob ti’al u paklmakaambal ti’al u tojkíinsa’al u kuxtal u kajnáalilo’ob ek lu’umil

 Le Senador Jorge Carlos Ramírez Marín tu ts’áaj u diosbo’otikil ti’ le u Presidentei le u Juntai Gobierno yéetel Coordinación política le Congreso Víctor Hugo Lozano Poveda ikil u je’ik u joolnajil le noj mola’ay Legislativo ti’al u beeta’al le kaambalil

Omar Obed Maceda Luna, Senador suplente  ti’ PRD, tu tsolaj, jach k’a’ana’an ka’a beeta’ab kaambalil ti’al táankelemo’ob ti’al u yojéetla’al bix yéetel ba’ax meyaj ku beetik jo’olpopilo’ob.

 Le u la Vicecoordinadora le Taller, Karen Morales, yéetel le enlace ti’ 10 por mexdico wey Yucatan Salvador Orozco Rodríguez keetpaj u t’aano’ob tumeen le yáax jaatsilil táamkelemo’ob ku kaambalolo’ob tu lu’umil Yucatán kun péeksik noja’an tuukul ti’ u láak ti’al u taakta’al u k’ajóoltiko’ob ba’ax meyajil je’el u béeytal u beetiko’ob ti’al u yutsilil ek lu’umil