Tsikbalil tu yóolal Maayat’aan tu Táan u Noj a’almajt’aanil u Páajtalil u t’a’anal máasewáal t’aano’ob

2023-03-13

Tu noj kaajil jo’, Yucatán 13 ti’ marzo 2023

Ichil u k’iimbesajil junk’aal ja’abo’ob jóok’sa’ak le Noj a’almajt’aanil  u Páajtalil u t’a’anal máasewáal  T'aano'ob beeta’ab junp’éel tsikbalil tu yóolal ti’al u yila’al bix u bin u meyajil

 Tu kúuchilil salón “Consuelo Zavala Castillo”tu noj najil Congreso táakpajl kajnáalo’ob ti’al u ch’enxkintiala ba’ax ku tsolik le máaxo’ob jo’olintik le tsikbalo’ob ich maaya yéetel casetlan t’aan

Le diputada Melba Gamboa Ávila, máax ku t’anik maaya tu ts’áaj u diosbo’otikil ti’ le máasewáal maayat’aano’ob taalo’ob ti’ jejeláas méek’tankaajilo’ob

Beey xan tu tsolaj, le u xookil máaxo’ob ku t’aniko’ob maaya éek tan 5.5% ichil lajun ja’abo’ob le óolal ku taasik u sa’abe’entsilil u sa’atal le maayat’an

 Beey xan tu tsolaj, tu k’iinil martes 14 ti’ marzo kun káajal u kaambalil maayaxookil tu noj nail congreso ti’al funcionarios yéetel diputados yiknal Poder Legislativo

 Fidencio Briceño Chel, director ti’le mola’ay  Centro Estatal de Capacitación, Investigación y Difusión Humanística de Yucatán (Cecidhy), tu tsolaj unaj u beeta’al junp’éel xaak’alp’íis ti’al bix u ka’ansa’al maaya beey xan ti’al u kansa’al intérpretes le óolal táan u meyaj yéetel alcaldes pa’tej yéetel le diputada Melba Gambia ti’al u je’eba’al   centros yéetel institutos nivel municipal

Le  Mtro. Miguel Sabido Santana presidente ti’ le mola’ay CODHEY t’aanaj tu yóolal ma’atech u chíimpolta’al u páajtalil máasewáalo’ob beey xa ku binetik u k’e’exel a’almajt’aan ti’al u tusbeelta’al u yantal intérpretes ti’ maayat’aan  ichil administración publica

 le Mtra. Gilda Segovia Chab, presidenta ti’ Instituto Estatal ti’al Acceso ti’  Información Pública (Inaip),tu ya’alaj unaj u jeltúumbensa’al a’almajt’aan ti’al u certificarta’al jejeláas mola’ayilo’ob

Erick Villanueva Mukul, director  ti’ Indemaya, tu ya’alaj ti’al u mu’uk’ankunsa’al le maayakaambalil unaj u káajal u beeta’al le ba’ax tusbeelta’ab tu ja’abil 2019  ichil u noj a’almajt’anil ek lu’umil ti’al u ts’a’abal kaambalil bilingüe yéetel u ka’ansa’al maaya

Le x-ajka’ansaj María Elisa Chavarrea Chim tu tsolaj unaj u chíimpolta’al le maayat’aan bey institucional ti’al u t’a’anal ichil jejeláas mola’ayilo’ob kaaj

Mtro. Feliciano Sánchez Chan tu tsolaj jach k’a’ana’an ka’a beeta’ak u meyajil mola’ayilo’ob tumeen máaxo’ob ku t’anik’ob maaya

Táakpaj ichil le tsikbalilob le diputadas Karem Achach Ramírez, Karla Salazar González, Carmen González Martin, Pilar Santos Díaz, Dafne López Osorio y Vida Gómez Herrera.