Ku je’eba’al le u cha’an oochelil yéetel u pik’ilju’unil ikil u k’iimbesa’al le u Bicentenariori le noj mola’ay Congreso

2023-08-16

 Tu noj kaajil Jo’, Yucatán 16 de agosto 2023

Ikil u k’iimbesa’al le u Bicentenarioi le noj mola’ay Augusto Congreso jek’abta’ab le u cha’an oochelil yéetel u úuchben pik’il ju’unil le u meyaj walki 200 ja’abo’ob  tu yóolal u yutsil ek lu’umil

Jo’olibta’ab u je’ek’atba’al tumeen le u Secretariai Cultura yéetel artes Loreto Villanueva Trujillo; le subsecretario ti’ Asuntos Religiosos, Ricardo Alcocer Zapata le director ti’ Archivo General, Rodrigo González Sosaya, láak’inta’an tumeen u presidentei le  Junta  Gobierno yéetel  Coordinación Política le Congreso  diputado Víctor Hugo Lozano Poveda

Le cha’anilo’ob ku beytal u xíimbalta’al tu k’iinilo’ob 16 tak 30 ti’ agosto tu joolnajil le u noj ajil Congreso

Loano Poveda tu tsolaj, le cha’anilo’ob ku beeta’al tu yóolal le u chukik 200 ja’abo’ob káajak u meyaj le mola’ay Congreso

Le coordinador ti’ archivo histórico general José Chí Estrella tu tsolaj, le ju’uno’ob ku ye’esalo’ob leti’e yáax beeta’ab tu ja’abil  1823 je’ex le yáax decreto 01 ikil u ts’a’abal ojéeltbil le u káajal u meyaj le yáax Congreso constituyente

Beey xan le u ju’unil le Constitución política ti’ ek lu’umil tu ja’abil 1825, pa’tej yéetel ti’ le u ja’abil 1841 yéetel 1918

Ku ye’esa’al xan le yáax Ley electoral ti u lu’umil Yucatán jóok’sa’ab ti’ le Diario Oficial tu k’iinil 31 ti’ enero tu ja’abil 1918, bey xan le Decreto uchik u je’a’ab le yáax universidad del sureste k’ajóola’ab walki bey Universidad Autónoma de Yucatán, tumeen u Jala’achil  Felipe Carrillo Puerto.

Le u oochelil armas ti’ Yucatán uchik u beeta’al le yáax Congreso feminista tu ja’abil 1916 wey tu lu’umil Yucatán tu kúuchil teatro José Peón Contreras,

Le máak’inalob jo’olinta’ab tumeen le diputadas Carmen González Martín, Pilar Santos Díaz, Karla Salazar González yéetel le diputado Raúl Romero Chel, beey xan le directivas, directivos ti’ le Congreso