Ku k’iimbesa’al 100 ja’abo’ob yéeya’ak yáax xkolelo’ob diputadas ti’ u noj mola’ay Congresoi Yucatán

2023-11-18

Tu noj kaajil Jo’, Yucatán 18 ti noviembre 2023

Ichil le tsikbal ku k’aaba’tik coloquio “Centenario de las primeras tres diputadas electas para el Congreso de Yucatán” le noj mola’ay Poder Legislativo ku k’iimbesik 100 ja’abo’ob uchuk wei tu lu’umil Yucatán le u yéeya’al  le yáax diputadas ti’al u je’iko’ob u táakpajal xkolelo’ob ichil política tu lu’umil Yucatán

Yinal le kúuchil Salón “Constituyentes de 1918”, le u presidente le  Juntai Gobierno yéetel  Coordinación Política diputado Víctor Hugo Lozano Poveda tu tsolaj le ba’ax ku yúuchulob ma’ hcéen ichil áanalte’ ku ts’íibtali’i, ku jelkúxkíinta’al sáansamal tumeen u moots le democracia ti’al u je’eba’al u páajtalil ti’al tuláakal kajnáalo’ob

Bejlae kak k’iimbesik le utsil ba’ax tu jo’olintaj Elvia Carrillo Puerto, Beatriz Peniche Barrera yéetel Raquel Dzib Cicero, máax’ob yéeyabo’ob tu k’iinil 18 ti’ noviembre tu ja’abil 1923 yáax diputadas locales tu lu’umil México

Beey xan tu tsikbaltaj le noj mola’ay Congreso taytak u k’amik le chíimpolal Distintivo violeta ku ts’aik Jala’achil tu yóolal utsil meyajil ti’al u kalanil xkolelo’ob

Janine Otálora Malassis, magistrada ti’ le Sala Superior ti’ Tribunal Electoral ti’ Poder Judicial ti’ Federación tu tsolaj junp’éel noj ba’ax uchja’an way tu lu’umil yucatan leti’e u yáax yéeya’al xkolelo’ob ti’al cargos públicos, tumeen tu je’aj u joolnajil utial u láak’ xkoleo’ob

Walki 100 ja’abo’ob yáax yéeya’ak óoxtúul xkolelo’ob diputadas  junjunp’íitil u k’expajal bix u beeta’al política tumeen le xkolelo’ob ku jelbesik bix u yantal democracia tu lu’umil México

le doctora Dulce María Sauri Riancho tu tsikbaltaj le bej tu xíimbaltaj le yáax kolelo’ob ichil política  ya’ab ba’alo’ob ku k’alik ka’achij ba’ale yaan u yóolil ti’ob, jach muk’an meyaj ku beetiko’ob ti’al u beykunsa’al u táakpajalo’ob

Piedad Peniche Rivero, investigadora yéetel promotora ti’ Historia ti’al Yucatán, tu k’a’asaja le ba’ax ucha’an  tu k’iinil  18 ti’ noviembre tu ja’abil  1923, uchik u yéeya’al le yáax kolelo’ob diputadas  ti’al u congresoi Yucatán, le u ust meyaj tu beetaj Elvia Carrillo Puerto ti’al u táan óolta’al xkolelo’ob ichil democracia

José Escalante Chan, director ti’ Asuntos Jurídicos ti’ le mola’ay Secretaría de las Mujeres tu tsolaj  ichil le u tsolk’aaba’i le candidatos ti le k’iinob chéen óoxtúul xkolelo’ob bale jach k’ajóola’an u k’aabao’ob tak bejlae

Tu xuul le tsikbalob k’ub chíimpoal ti’ le ponentes tumeen u diputados le LXIII Legislatura

Tu joolnajil le noj mola’ay poder legislativo xíimbalta’ab u yoochelil Elvia Carrillo Puerto

Táakpaj jejelas jolpopilo’ob estatales yéetel x diputadas