MINUTA TI’AL LE PROYECTOI LE DECRETO IKIL U JELTÚUMBENSA’AL LE ARTICULO 30 TI’ LE U NOJ A’ALMAJT’AANIL U NOJ LU’UMIL MËXICO TU YÓOK’LAL LU’UMKABILIL WA NACIONALIDAD.

2021-02-10

Túuxta’an tumeen: Camarai Diputados ti’ le Congreso de la Unión

K’iinil ka tu túuxtaj: 21 ti’ diciembre tu ja’abil 2020

Komisioni diktaminaartik: Comisión Permanente ti’ Puntos Constitucionales yéetel Gobernación

K’iinil ka tu k’amaj: 01 ti’ febrero tu ja’abil 2021

K’iinil ka tu áaprobaartaj le kóomision permanenteo: 04 ti febrero tu ja’abil 2021

K’iinil kaj áaprobaartab tumeen le pleno: 10 ti febrero tu ja’abil 2021

DECRETO:

U juunil artículo. Le noj tsikbe’enil H. Congreso ti’ u péet lu’umil Yucatán ku aprobartik je’ex bix ts’íiba’ani le u minutai le proyecto ti’al le decreto beeta’an tu k’iinil 14 ti’ diciembre tu ja’abil 2020 túuxta’an tumeen le Camarai Diputados ti’ u Congresoi de la Unión ikil u jelúumbensa’al u Noj a’almajt’aanil u noj lu’umil Mexico tu yóok’lal  lu’umkabilil wa nacionalidad.

 Ba’alo’ob ku JELTÚUMBENSA’AL:

Ku jeltúumbensa’al le u ka’a jaatsilil le Apartado A) ti’ le articulo 30 ti’ le u Noj a’almajt’aanil u lu’umil Mexico ti’al u tusbeelta’al u chíimpolta’al ichil u ts’íibilil le noj a’almajt’aano’ob le u páajtalil u k’amik u lu’umkaabilil wáa nacionalidad mexicana le u paalal  tatatsilo’ob, na’ ts’ilo’ob  éet lu’umkabilo’ob keex síij le u paalal  táanxel noj lu’umil, ti’al u tsikbe’enta’al le u páajtalilo’ob u k’ajóolta’alo’ob bey éet lu’umkabilo’ob, yéetel ti’al u ts’a’abalti’ob u k’aaba, u kúuchkabal k’aaba,u  k’iinil ka’aj síiji’, xiib wáa xko’olel..

Artículos Transitorios Federales:

Le Decretoa kun káajal u tsikbe’ebil le u láak’ k’iinil le kéen jóok’sa’ak ti’ le Diario Oficial ti’ Federación

Artículos Transitorios: Estatales:

Yáax artículo.- Jóok’sa’ak ojéeltbil le Decretoa ti’ le Diario Oficial ti’ Jala’achil u lu’umil Yucatán

U ka’ap’éel artículo.- Túuxta’ak u ju’unil le Diario Oficial  ti’ le Camarai Diputados ti’ le u Congresoi de la Unión ti’al u tusbeeltik u káajal u tsikbe’enil