INFOMAYA

Le Ajka’ansaj Manuel Jesús Rosado Canche yaan u k’amik le chíimpolal Pánfilo Novelo Martin.

2021-12-09

Tu noj kaajil Jo’, Yucatán 9 ti’ diciembre 2021.

Audio Maya

 

Táan le Sesión ti’ le Comisión Especial ikil kun k’u’ubul le chíimpolal Diputado Profesor Pánfilo Novelo Martin beeta’ab tu noj kúuchilil  Sala de Cabildo ti’ Palacio municipal Valladolid, múuch’ aprobarta’ab le u proyectoi le dictamen ikil kun k’u’ubul le chíimpolal ti’ le Ajka’ansaj Manuel Jesús Rosado Canche.

Táapkaj le Alcaldei Valladolid Alfredo Fernández Arceo, le u Presidentei le Comisionob Luis Fernández Vidal (PAN) tu tsolaj, le Ajkana’saj Manuel Rosado Canche juntúul máax jach u ch’a’ajo’oltik le u ts’aik k’ajóoltbij le noj ba’atel táambal chispa de la revolución káaj tu kaajil Valladolid.

Le diputado Crescencio Gutiérrez (Nueva Alianza) tu ya’alaj, junp’éel noj ba’al ka sesionarnak le Comisión tu noj kaajil u puk’si’ik’al maaya kaaj tu yóolal miatsil u suukil u kuxtal yéetel tu’ux síi le Ajkansaj Pánfilo Novelo Martin

Le diputada Manuela Cocom Bolio (PAN) tu tsolaj, le je’ex ikil kun k’u’ubul le chíimpolalob junp’éel noj ba’ax ku beeta’al tu yóolal k miatsil yéetel k na’tsil t’aan maayat’aan, le óolal k’a’ana’an u meyaj le diputadosob ti’al ma’ u xu’ulul.

Le diputada Fabiola Novelo Loeza (PRI) tu ya’alaj, le u beeta’al le Sesión tu noj kaajil Zaci’ ku jelbesik bix u yilal le meyaj ku beetik diputados tumeen ma’ chéen ti’al u beeta’al iniciativas ka ilak táan u meyajo’ob naats’ ti’ kaaj ikil u k’u’ubul jejeláas chíimpolal ti’ máaxo’ob jach ma’alo’ob ba’axo’ob ku beetiko’ob

 Le diputada Jazmín Villanueva Moo (MORENA) tu tsolaj ki’imak u yóol ikil u yantalo’ob tu noj kaajil Valladolid yéetel tu t’sáaj u diosbo’otikil ti’ le Alcalde yéetel u yéet diputadosi ti’al u much’ikubáao táán le Comisionob.

Le noj chíimpolal Diputado profesor Pánfilo Novelo Martin ku k’ubal ti’ máax jach ku yilla ma’alo’ob meyaj ku beetiko’ob tu yóolal u kaambesajil maayakaaj wa tu yóolal u derechos.

Semblanza
El Ajkansaj Manuel Jesús Rosado Canche síij tu k’iinil 30 ti’ enero tu ja’abil 1960 tu noj kaajil zací, tu xokaj primaria tu kaajil Xcan Chemax, le u secundaria tu xokaj tu kaajil Valladolid.

Promotor yéetel ku jach k’a’aytik maaya miatsil, le u sa’ak óolil yaan ti’obb tu je’ u páajtalil u chukik cargos  ti’ prensa, paax, boonil yéetel tsikbalil k’ajla’ay, jach k’ajóola’ab tumeen ku jach ts’íibtik bix u kuxtalil ek lu’umil.

Meyajnaja’an yéetel le Ajkansaj Pánfilo Novelo Martin ikil u k’a’aytik le na’tsil t’aan yéetel miatsil maya tu lak’inil ek lu’umil bee yaan u noj máank’inalil mayaakaj

Leti’ jo’olbesmi le u beeta’al le máank’inal chispa de la revolución tu noj kaajil Valladolid láajal laja’ab ku k’iimbesa’al.

QUEREMOS SABER DE TI, DEJA TU MENSAJE