INFOMAYA

Le candidatos ti’al le cargo ti’ le Consejo Consultivo ti’ le molay CODHEY ku táakpajlo’o’b tan diputados

2022-02-22

Tu noj kaajil Jo’, Yucatán, 22 ti’ febrero 2022.

Ichil u much’táambay tsikbal yéetel diputadosil le Comisión Permanente ti’ Derechos humanos táakpaj le candidatos kaxantiko’ob u náajaltik le cargo bey Consejero ti’ le Consejo Consultivo ti’ le u molay Comisión ti’ Derechos humanos ti’al u lu’umil Yucatán CODHEY, ti’al u tsoliko’ob ba’axten taak u náajltiko’ob le cargo.

Waxaktúul candidatos ts’íibta’ab u k’aaba, yéetel u ju’unil tu’ux ku k’áatik le kajnáal Yuli Matilde Chapur Zahoul le u ka’a ts’a’abal le cargo bey Consejera Consultiva ti’ le molay derechos humanos u láak juntéen

Láalaj juntúul candidatose’ ts’a’ab 5 minutos ti’al u tsolkiko’ob ba’ax ten ku kaxantiko’ob le cargo

Táanil Yuli Matilde Chapur Zahoul  tu tsolaj, tun ka’a k’áatik ka’a ts’abak ti’ le cargo bey consejera consultiva ti’ CODHEY tumeen le ka’aj yáax máan ti’ le cargo tu beetaj nuka’an meyaj je’e bix le u kaláanta’al u yuts kuxtalil mejen ch’úupalal, xi’ipalal yéetel táankelemo’ob

Le Lic. Zaidy Briyit Carrillo Rodas tu ya’alaj, wáa ka ts’a’abak ti’ le cargo bey consejera ku ch’aik u t’aanil u bisik u t’aan máaxo’ob k’a’ana’an u ch’enxikinta’alo’ob, je’ex bix le discapacitados ku to’opolo’ob tumen u láakts’ilil, le óolal k’a’anan u bisa’al u t’aano’ob táan molayilo’ob, leti’e meyaj ken u beeto’

Le ajkana’saj Salvador Elías Castell González tu tsolaj,  wa ka’a ts’aba ti’ le cargo le u tuukul meyajo’ob leti’e u táanilkúunsik u kaláanta’al sijnáalil tumeen le kajnáalo’obo’ unaj u tsikbe’enta’al le u derecho ti’al u nu’ukbesiko’ob ma’alo’ob u sijnáalil.

Le kajnáal Jesús Campos Hernández, tu tsolaj le u chuunt’anil u meyajob leti’e u k’a’aytik u tsikbe’enta’al u tojbe’enil kajnáalo’ob discapacitados ti’al ubéeykunsa’al u yáantalo’ob.

Le x – ajakna’ansaj Elsie Bazán Borges, tu ya’alaj, le ba’ax k’a’ana’an wa ka ts’a’abak ti’ le cargo leti’e u jo’olbesa’al le u alab óolil kaaj yéetel ma’ u p’eka’al máaxo’ob ku naats’al ti’al u káatik áantajil.

K’a’ana’an, u jach ojéelta’al ba’ax junp’éel derechos humano ti’al u k’a’ansal ti’ mejen paalal,. Leti’e k’a’ana’an u meyajta’al, leti’e ku tukultik le akjana’saj Floricel Ramos Pulido wa ka’a ts’a’abati’ le cargo.

Le Lic. Susana Teresa Troyo Rodríguez tu tsolaj, ku kaxantik u ts’a’abal le cargo ti’ ichil le Consejo Consultivo tumen úuch tu paalil káajak u meyaj ti’al u yáanta’al jejeáas kajnáalo’ob, chéen leti’e ku tukutlik u yáantik kajnáalo’ob.

Norma Luz Garza Villegas tu xokaj, tan le diputadosob ba’ax seen meyaj u beetmaj tu yóolal derechos humanos, bey juntúul nojoch wíinikena’ in wojel  k’a’anan in táakpajal tumen kin bisik u t’aan áantajil ti’ jejeláas molayilo’ob, jach in wojel bix u péeksa’al le u meyajil político, económico ek lu’umil.

Tu xuule’ le Lic. Ermilo Lopez Balam tu tsolaj, ichil u tuukul meyaje’ táakpajan le áantajil yéetel u tsolxikinta’al káajnáalo’ob chen ku t’aniko’ob maayat’aan, tumeen yaan k’iine’ ma’atech u bino’ob tan molayilo’b tumen ma’ u yojelo’ob ba’ax ku meyajtiko’ob.

Le ka’aj tsoo’ok le Sesionob le diputadosil le Comisionil derechos humanos to’ox ti’ le diputadosob le u dictameni tu’u’x ku ratificarta’al le kajnal Yuli Matilde Chapur Zahoul bey consejera u láak’ óoxp’éel ja’ab, ba’ale chen u mayoría le diputados aprobartob.

To’ox xan ti’ le diputadosob le u tsoolk’aaba’i máaxo’ob p’áato’ob ti’al u náajaltik le cargosob tu’ux yaan Zaidy Briyit Carrillo Rodas, Salvador Elías Castell González, Jesús Campos Hernández, Elsie Bazán Borges, Floricel Ramos Pulido, Susana Teresa Troyo Rodríguez, Norma Luz Garza Villegas y Ermilo López Balam.

QUEREMOS SABER DE TI, DEJA TU MENSAJE