INFOMAYA

Ku beeta’al u múuch’ tsikbalil “Amor a la vida” ti’ le u a’almajt’aanil Ley de prevención del suicidio ti’al u lu’umil Yucatán.

2022-03-29

Tu noj kaajil Jo’, Yucatán 29 ti’ marzo 2022

ikil u tojtáanta’al u ch’enxikinta’al u láak’ t’aano’ob ti’al u yila’al bix je’el u béeytal u xu’ulsa’al le loobil kiimsbáail beeta’ab junp’éel múuch’ plaklamtsikbalil ku k’aaba’tik “por Amor a la vida” jo’olinta’ab tumeen le u presidentai le Comisión Permanente ti’ tooj óolal diputada Dafne López Osorio (PAN) yéetel académicos, especialistas.

Le diputada López Osorio tu tsolaj jach k’a’ana’an u beetpajal jejeláas nu’ukbesajil tial kaaj ti’al u kaláantikubaa ti’ le u tuukulil kiimsbáail yéetel ka’a ch’a’ajo’olta’ak bey u talamil kaaj  ti’al ka’a ch’úukta’ak tumeen jolp’opilo’ob ts’aakankil.

Ichil le much’táambay tsikbalob táakpaj  le ajts’akyaj Salvador González Gutiérrez, tu tsolaj le talamil kiismbáail junp’éel ba’ax úuch káajak u yúuchul beey xan leti’e ku beetik meyaj ti’al u ch’a’ajo’olta’al u xu’ulsa’al.

Le u directori le molay Instituto de Salud Mental tu lu’umil Yucatán, Arsenio Rosado Franco, tu tsolaj ichil u xaak’alil beeta’ane’ ila’ab óoxp’éel ba’ax beetik u yokol tuukul ti’ máak’ ti’al u kiinsikubáa

Le u diputadoi PRD Eduardo Sobrino Sierra tu ya’alaj, ma sen úuch’a k’uba’an tu inicaitvai le a’almajt’aan Ley de Prevención del suicidio ti’al Yucatán ch’a’ajo’olta’an u xak’alil tan le Comisión ti’ tooj óolal ti’al u xu’ulal le kiimsbáail tu lu’umil Yucatán

Le diputada Karla Franco Blanco (PRI), tu ya’alaj,tu tsáaj u diosbo’otikil ti’ le máaxo’ob táakpaj ichil le múul tsikbalilo’ tumeen le ba’axo’o’b ku ch’enxikinta’alo’ob uts ti’al u táakpebsa’al ichil le iniciativaob ti’al u yutsil kajnáalo’ob.

Le  diputadai Morena, Rubí Be Chan tu tsolaj tuláakal le ba’alo’ob ti’al u xu’ulsa’al le seen kiinsbáail jach ma’alo’ob ti’al ek lu’umil, ti’al xan u beeta’al uts a’almajt’aano’ob ti’al u yutsil kajnáalo’ob

Le diputada ti’ PAN, Karem Achach Ramírez tu ts’áaj u diosbo’otikil ti’ le jolpo’opilo’ob taalo’ob ti’al le tsikbalilo, tumen je’ex bey xlo’bayan yéetel ku beetik deporte tu favor yaan ti’al u kaláanta’al u kuxtal kaaj
 

Ichil le much’táambaymeyajob táakpaj le u alcaldei Umán, Gaspar Ventura Cisneros, le antropóloga Sara Álvarez Mendoza, ku tal ti’ le Universidad de Salamanca, España.

beey xan  u alcaldei Tekax yéetel u yatam Diego Ávila Romero, Seraphine Weber; u alcaldesai de Seyé,  Homún, Ana Isabel Dzul, Sandra Marisol Góngora Salas, Ricardo Chan Trujeque director dti’ u kúuchil ts’aakankil u Ayuntamiento  Ticul,u comisarioi  San Antonio Dzacalá  Cristian Sulub Bacab yéetel u  exalcalde Peto, Gilberto Navarrete Vázquez.

le psicoterapeuta Edgardo Flores Herrera, ku tal ti’ plataforma Papageno; ajts’akyaj Patricia Gili López, presidentai ti’ Colegio de psicólogos Yucatán; psicologo Manuel Sosa Correa u  integrantei ti’ Colegio de Psicólogos del Estado de Yucatán; yéetel le subdirector ti’ Instituto de Salud Mental del Estado de Yucatán, Cristian Molina Pizarro. Beey xan le diputado Esteban Abraham Macari (PAN).
 

QUEREMOS SABER DE TI, DEJA TU MENSAJE