INFOMAYA

Le múuch’kabil Rotarios tu k’ubaj chíimpolal ti’ le noj Molay Congreso.

2021-02-23

Le múuch’kabil Club Rotarios tu k’ubajo’ob junp’éel chíimpolal wáa placa ti’ le Congresoi Yucatán ikil u ts’aik u diosbo’otikil le u je’ets’el u k’ajóolta’al le u k’iinil 23 ti’ febrero bey Dia del Rotarismo wey k- lu’umil, ikil u chíimpolta’al le óolmúuláantaj ku beetik le múuch’kabilob tu yóolal u talamil u kuxtal éet kajnáalo’ob, le péektsilo’ob káaj u k’iimbesa’al léily ti’ le k’iin ka’aj káaj u much’al ti’al yóok’ol kaab walki 116 ja’abob’ob.

Le u Presidentei le Juntai Gobierno yéetel Coordinación Politica le Congreso Felipe Cervera Hernandez, tu k’amaj le chíimpolalo’ob firmado tumeen tuláakal máaxob Jo’olintik le múuch’kabil wey t- lu’umil, tu k’ab le u Presidentei le club Rotarios Merida Montejo yuem Emilio Bolio Tapia.

Ti’ le súutukbo táakpaj xan le u Presidentei le Mesa Directiva Luis Borjas Romero, le u Coordinadori Morena Miguel Candila Noh, le u Dip PRD Alejandro Cuevas Mena, ti’ Nueva Alianza Luis Aguilar Castillo yéetel le u Jolpo’opilo’ob le Club Rotarios

Ikil u t’aane’ le u Coordinadori PRI Felipe Cervera Hernandez tu ya’alaj, jach noj ba’al le k’iin ku k’a’asal le u káajal le u meyaj le Club Rotarios

Le uts bisbáail ku páaybe’entiko’ob ku suta’al keet óolol ti’ le k’iinoba’ tu yóolal le talamil yaan tu’ux tsoka’an u k’iimil láak’tsililo’ob, kex le u Molay ts’aakankilo’ob mu’uk’kan meyaj ku beetalil ti’al u yaktáantal le pandemiao yéetel u xu’ulsa’al u muk’yaj mejen ch’úupalal , xi’ipalal, le u seen  loba’al u wíinlkilo’ob wa u tuukulo’ob, chéen yéetel óolmúul áantajil je’el u béeytal u jelutskíintale’.

Le u Presidentei le Club Rotarios Merida Bolio Tapia tu jesta’aj u t’aanil noj ba’al u k’áat ya’al le úuchik u tusbeelta’al u chíimpoltal tumeen le Poder Legislativo le k’iina’ tumeen ya’abkach juntéene’ le kaaja ma’atech u yóojeltik le meyaj ku beetik le múuch’kabila’ to’one mantats’ chi’ichnako’ob meyaj ti’al kaaj yéetel jach ma’alo’ob.

Mantats’ ku yáantiko’ob máaxob jach loba’ano’ob wa óotsilo’ob keet je’ex bix u tuukul láalaj juntúul le u diputadosi kaaj, le óolal ki’imak u yóol tumeen k’a’amo’ob tu noj kúuchilil Congreso.

QUEREMOS SABER DE TI, DEJA TU MENSAJE