Diputados ku ka’a ch’a’ajo’oltik u xaak’alil jejeláas iniciativas tan Comisiones

2022-05-09

Tu noj kaajil Jo’, Yucatán  9 ti’ mayo 2022

Audio Maya

Ichil u meyajil le k’iina, beeta’ab Sesión ti’ le Comisión ti’ Justicia yéetel Seguridad Publica ti’al u k’u’ubul ti’ le diputadosob le iniciativa k’uban tumeen u diputadosi PRI ti’al u jeltúumbebnsa’al u a’almajt’aanil Notariado tu yóolal le u bo’olil tarifas sociales beey xan ti’al u jeltúumbensa’al le código penal le kéen k’aas meyajnako’ob notarios

Le u diputadoi PAN Víctor Hugo Lozano Poveda tu tsolaj  jach k’a’ana’an ka jeltojkíinsa’al u a’almja’taanil u meyajil notariado beey xan le Comisiones mantats’ tan u ch’úuktiko’ob.

K’u’ub xan ti’ le diputadosob le iniciativa tial u jeltúumbensa’al u a’almajt’aanil kúuchkabalil yéetel u a’almajt’aanil kaláantik mejen paalal tu yóolal le nu’ukbesajil Tutela Publica wa le u kaláanta’al mejen paala tumen autoridad bey k’uban tumen le diputadas Karla Franco Blanco (PRI), Fabiola Loeza Novelo (PRI) le diputados Gaspar Quintal Parra (PRI) yéetel Rafael Echazarreta Torres (Morena).

Ka’a ch’a’ajo’olta’ab u xaak’alil le iniciativa ti’al u beeta’al le túumben a’almajt’aanil Amnistía ti’al Yucatán k’uban tumeen u dipuitadosi Morena

Beey xan le iniciativa ti’al u jeltúumbensa’al le articulo 228 ti’ le Código penal ti’al Yucatán k’uban tumeen u diputadai Movimiento Ciudadano Vida Gómez Herrera, k’áata’ab ka’a beeta’ak le u proyectoi le dictamenilo pa’tej yéetel le propuestas tu k’ubaj le u diputadai PAN Carmen González Martin.

Tu ts’ooke’ k’ub ti’ le diputadosob le u proyectoi le dictamen tu yóolal le oficio túuxta’ab tumeen le u presidentei le Tribunal Superior ti’ justicia Ricardo Ávila Heredia tu’ux ku ts’áik ojéeltbil nukaj u p’at le u cargoi bey magistrada Adda Cámara Vallejo tu k’iinil 9 ti’ abril, aprobarta’ab tumen u mayoriai le diputadosob.

tan le Comisión ti’ Puntos Constitucionales yéetel Gobernación ka’a ch’a’ajo’olta’ab u xak’alil jejeláas iniciativas

Táanil le iniciativa k’uban tumen u diputadoi Morena Rafael Echazarreta Torres tu yóolal u jeltúumbensa’al le u xaak’alil le informe u Jala’achil u lu’umil Yucatán

 Le iniciativa tu yóolal táakmukil k’uban tumen le dipuatad Pilar Santos Diaz (PAN), Alejandra Novelo Segura yéetel Ruby Be Chan (MORENA)

K’ub xan le u proyectoi le dictamen ti’al u jeltúumbensas’al u a’almajt’aanil u molayilo’ob yéeyajil tu lu’umil Yucatán túuxtan tumeen Mauricio Vila Dosal Jala’achil u lu’umil Yucatán yéetel María Fritz Sierra u xnoj k’abil Jala’achil.

Tu yóolal le iniciativa ti’al u jeltúumbensaal le articulo 28 ti’ le u a’almajt’aanil kaláantaik u páajtalil discapacitados beey xan le articulo 41 ti’ le u a’almajt’aanil municipios le u presidentai le comisionob Carmen González Martin (PAN) tu tsolaj le iniciativaob ti’al u yutsilil kajnáalo’ob discapacitados le óolal tu proponertaj ti’ le diputadosob ka’a beeta’ak junp’éel much’táambay tsikbal yéetel le molayo’ob (IIPEDEY) yéetel Instituto Electoral ti’al Participación Ciudadana (IEPAC).

Ti’al u ch’éenxikinta’al bix je’el u páajtal u jeltojtkíinsa’al yéetel u k’áatchi’ita’al máaxo’ob discapacitados beey  xan jejeláas kúuchilo’ob ti’al u yila’al ba’ax seen talamil ku máansiko’ob ti’al u beeta’al nu’uka’an, tusbeelta’ab túun le Secretaria general ti’al u jetsik ba’ax k’iin kun beetpajal le much’táambay tsikbalob.