Candidatas ti’ le cargo ti’al Magistrada ku tsoliko’ob táan Comisión ba’axten ku kaxáantkiko’ob le cargo

2022-05-15

Tu noj kaajil Jo’, Yucatán 15 ti’ mayo 2022

Audio Maya 

Ichil u much’táambay meyaj le ka’ap’éel Comisiones ti’ Puntos Constitucionales yéetel gobernación nupa’an yéetel Seguridad publica táakpaj le óoxtúul kanditadas ku kaxantiko’ob le cargo bey Magistrada ti’ le Tribunal Superior ti’ Justicia  ti’al u tsoliko’b ti’ le diputadosob ba’axten taak u ocupartiko’ob le cargo.

Tu kúuchill Sala de usos multiples, Consuelo Zavala Castillo láalaj juntúul le kandidatasob ts’a’ab 10 minutos ti’al u tsoliko’ob yéetel u núukiko’ob k’áatchi ku beeta’al tumeen le diputadosob

Yáax táanil máan le Lic Teresita Anguas Zapata, tu ya’alaj bey xko’olelo’ob mantats’ ku kaxantik ichil u meyaj le u yutsil kajnáalo’ob yiknal jejeláas mola’ayil tú’ux máanja’an tak walki 15 ja’aboba’

Ku tso’okole  máan Adiver González Alpuche, Lic ti’ Derecho, tu tsolaj, ba’ax u seen xokmaj beey xan tu ya’alaj kun meyaj ti’ jejeláas ba’alo’ob tu’ux ku táakpesik u tuukulil u yutsis wíinik, máako’ob discapacitados yéetel u tojbe’entsilil tuláakal kaaj

Tu xuule’ t’a’anaj Lizette Mimenza Herrera, tu tsolaj, walki 22 ja’abob’o káajak u meyaj ti’ servicio publico, ku táanilkúunsik ba’alo’ob ti’al u yutsil kajnáalo’ob, tsoka’an u yilik táan u máansa’al táanil le u yuskíinta’al u beeta’al justicia, beey xan tu tsolaj ba’ax meyajil kéen u beet waa ka ts’a’abakti le cargo.

Bey ma’ káajak le much’táambay tsikbalob, le u coordinadoriai u diputadosi Morena Alejandra Novelo Segura tu xokaj ti’ le diputadosob junp’éel documento tu’ux ku tsoliko’ob ba’ax ku xúup’ajtiko’ob le Comisionob tumen ma’ patal ba’ax ku beetik le u Jala’achil u lu’umil Yucatán tumen ku beetik u meyaj diputados tu k’iinil domingo ka’alikil leti’e bija’an xíimba táanxel lu’umil

Ka’a ts’o’ok u yu’uba’al u t’aan le candidatasob tusbeelta’ab le Secretaria General ka’a beeta’ak le u proyectoi le dictamen ti’al  u ku’u’ubul ti’ le diputadosob.