INFOMAYA

Le noj mola’ay Congreso ku jeltúumbensik le u a’almajt’aanil ISSTEY ti’al u kaláanta’al pensiones ti’u jmeeyjilo’ob

2022-07-21

Ichil le reformao táakpaja’an tuláakal le propuestas tu k’ubaj le sindicatos yéetel jubilados

Tu noj kaajil Jo’, Yucatán 21 ti’ julio 2022

Ichil le u jo’op’éel Periodo Extraordinario Sesiones, le u mayoriai u diputadosi le LXIII Legislatura tu aprobarto’ob le u jeltúumbensa’al u a’almajt’aanil ISSTEY jo’olinta’ab u beeta’al u iniciativai tumeen le Comisión especializada tu’ux táajpaja’an u propuetas jmeeyjilo’ob, pensionados, sindicatos, le u diputadosi PRI, Movimiento  Ciudadano, PRD yéetel Morena votarnajo’ob tu contra.

Ts’oka’an u máan ka’ak’aal ja’abo’ob ka’a jeltúumbensa’al u a’almajt’aanil le mola’ay ISSTEY ti’al u béeykunsa’al u yantal u taak’inil u bo’otpajal pensión ti’ máaxo’ob kun xu’ulul u meyaj beey xan u kaláanta’al ma’ u p’íitchajal u taak’inil le mola’ayilo’ob ti’al u bo’ota’al pensión ti’ máaxo’ob ku meyajo’ob ti’ u jejeláas mola’ayilo’ob Jala’achil

Le túumben a’almajt’aanil ISSTEY ma’atech u tselik mixbáal ti’ le jubilados yéetel pensionados úuch káajak u cobrartikob pensión beey xan le máaxo’ob ts’oka’an u chukiko’ob le requisitos ti’asl u k’amik’ob u yáax pensión

Le iniciativa ti’ le túumben a’almajt’aan  Ley de Seguridad Social de los Trabajadores del Estado chuumpaja’an de 137 artículos,  9 capítulos tu’ux jets’a’an Cuotas, aportaciones y patrimonio del Instituto; Prestaciones, Seguro de Servicio Médico, Prestaciones Sociales, Préstamos a plazos hipotecarios, Pensiones yéetel Revisión ti’ pensiones.

Le diputado Crescencio Gutiérrez González (NA) tu tsolaj beeta’ab ya’abkach Sesiones ti’ le Comisión Especial ti’al u xak’altik  bix anik  le mola’ayilob, bejla’e junp’éel noj k’iin ti’al u aprobarta’al junp’éel túumben a’almajt’aan ku tojkíinsik bix kun kaláanta’al le u taak’inil le sistema ti’ pensiones

le diputado ti’ PAN Erik Rihani González tu jets’aj u t’aanil  le túumben a’almajt’aana’ ku tojtáantik u chuumpajal uts yéetel ku taasik jets’eknakil ti’ jeemyiloo’ob, jubilados yéetel pensionados beyo’ ku ka’a k’ubik u t’aan Jala’achil u meyaj uts tu yóolal u jmeeyjilo’ob.

Le u diputadoi PRI, Gaspar Quintal Parra yéetel ti’l PRD, Eduardo Sobrino Sierra tu tsolajo’ob, le ba’ax jets’a’an ichil le dictamenob ma’ sáasil bix kun calcularta’al pensión yéetel le ba’ax ku ch’a’abal u t’aanil ikil u jeltúumbensa’alo’ob ti’al u yutsil jmeeyjilo’ob wa leti’e ba’ax u xak’altaj le expertos taasa’ab tumeen le instituto

Le diputados ti’ Morena, Rafael Echazarreta Torres, Jazmín Villanueva Moo yéetel Rubí Be Chan tu tsolajo’ob junp’éel ba’al k’aas le dictamenob tumeen ma’tech u yuskíintik le talamil yaan ichil le instituto chéen u’uya’ab u t’aan kaaj tumen ma’ táakbesa’ ichil le a’almajt’aan le ba’ax ku k’áatik le jmeeyjilo’ob.

Tan le Sesión Extraordinariaob túuxta’ab u ojéeltbij ti’al tuláakal u kajnáalo’ob Yucatán le u káajal u tsikbe’ebil le uchik u jeltúumbensa’al u noj a’almajt’aanil u lu’umil Yucatán tu yóolal le u wet’a’al le loobil Violencia de genero yéetel deudores tumeen k’a’am 97 actas ti’ ayuntamientos tu’ux aprobata’ab tumeen la cabildo

Ku yéeya’al magistrado yéetel magistrada ti’ le TSJ

Beey xan tan Sesión Extraordinaria yéeya’ab yéetel tu ch’a’ajo’ob u compromisos constitucional ka’atúul túumben magistrados ti’al le Tribunal Superior ti’ justicia

17 votos tu favor yéeya’ab  Paloma de la Paz Angulo Suárez bey túumben magistrada, yéetel 18 votos yéeya’ab César Enrique Ferreyro Rosado bey túumben magistrado, ku ts’o’okole jo’olinta’abo’ob tumeen le u integrantesi le Juntai gobierno le Congreso   ti’al u ch’aiko’ob le compromiso

QUEREMOS SABER DE TI, DEJA TU MENSAJE