INFOMAYA

Jeltúumbensa’ab a’almajt’aan ti’al u payt’aanil le u si’ibil jaanabe’en ba’alo’ob ti’al u suukbesa’al ma’ u pu’ulul

2022-11-03

 Tu noj kaajil Jo’, Yucatán 3 ti’ noviembre 2022

Tan Sesión Ordinaria le diputadosob tu múuch’ aprobarto’ob le u jeltúumbensa’al le u a’almajt’aanil u payta’anal yéetel u síiba’al janabe’en ba’alo’ob wey t lu’umil, iniciativa túuxta’an tumeen u Jala’achil u lu’umil Yucatán ti’al u k’a’aytaal ti’ kaaj le u suukebsa’al u síiba’al jaanabe’en ba’alo’ob

Le u diputadai PAN Camen González Martin tu tsolaj tan tribuna, ku jeltúumebsa’al le a’almajt’aano’b ti’al u tusbeelta’al u much’a’al wa u nupa’al u meyaj jejeláas jolpo’opilo’ob ti’al payt’ano’ob le u nonojkíimpajal u síiba’al janabe’en ba’alo’ob , ma’ u seen pu’ulul ti’al u yáanta’al máaxo’ob jach óotsilo’ob, ti’al u weta’al u ko’ono’ol le ba’alo’ob ku síiba’al ti’al jaantbilob

Tu favor t’aanaj le u diputadoi Morena Rafael Echazarreta Torres tumeen yéetel le iniciativa ku túuxta’al t’aan ti’ empresas privadas, ti’ gobierno, u jejeláas najil xook  ti’al u péeksiko’ob le u tuukul ti’al u síiba’al janabe’en ba’alo’ob ti’al mejen paala, le u xu’ulsa’al u seen jaantaal ba’ax táaj ch’ujuk

Ichil asuntos generales le diputada presidenta ti’ le Mesa Directivaob Pilar Santos Díaz tu k’ubaj iniciativa ti’al u tusbeelta’al u yóota’al u táakpajal táankeleo’ob tak 21 u ja’abilo’ob ichil le Consejo Consultivo ti’ le mola’ay CODHEY yéetel INAIP

Le u diputadai PAN Karem Achach Ramírez (PAN), tu k’ubaj iniciativa ti’al u jeltúumbensa’al u a’almajt’aanil kaambesajil ti’al u beytal u ka’ansa’al u meyajta’al taak’ni wa educación financiera ti’ mejen  paalal ti’ nivel básico

Le diputada Melba Gamboa Ávila (PAN) tu k’ubaj junp’éel Punto de acuerdo ti’al u túuxta’al tan ti’ Ayuntamientos ti’al u tusbeelta’al wa yaan u páajtalil ti’ob le u ts’áaiko’ob u taak’inil wa vehículos ti’al u bisa’al xoknáalo’ob discapacitados yiknal le Centro ti’ Atención Múltiple

Le u diputadai PRI Karla Franco Blanco  tu proponertaj ka’a beeta’ak u a’almja’tanil ti’al u tusbeelta’al u suukbesa’al u kalnáata’al u ja’il ek lu’umil

Le u diputadoi PAN Esteban Abraham Macari na’ak tribuna u beet u tak poolil tumeen u ya’ab u  kajnáalilo’ob Kanasin tsela’abo’ob ichil le listaai  áantajil najo’ob tumeen u Delgeadoi le Bienestar tu lu’umil Yucatán

Ka’aj na’ak le diputado Rafael Echazarreta Torres tribuna u núukej, wa yaan pruebas ti’ le ba’ax ku ya’aliko’ ka’a xi’ik u beet u tak poolil tan autoridad tumen le je’elo áantajil ku túuxtik Presidente

Le diputadoi Eduardo sobrino Sierra (PRD) t’aanaj tu ýoolal le ba’ax ucha’an tu yáax k’iinil noviembre uchik u yele’el le Teatro José Peón Contreras, junp’éel ba’ax jach taaj k’aas ti kaaj beey xan tu payt’aanaj Jala’achil ti’al u yilik bix u jan utskíinta’al tumeen k’a’ana’ana ti’ kaaj, je’ex le ka’a beychajak u paax le Orquesta sinfónica

Tu xuule’ le u diputadai Morena Jazmín Villanueva Moo na’ak tribuna ti’al u k’áatik ka’a t’a’anak tan Congreso le u xjolpo’opil le mola’ay ISSTEY ti’al u tsol bix u bin u meyaj le mola’ayilob

Tan sesión aprobarta’ab ka’ap’éel convocatorias ti’al u kaxanta’al u túumben jolpo’opilo’ob le órganos ti’ control interno le mola’ayilo’ob INAIP yéetel CODHEY

U láak’ convocatoria ti’al u yéeya’al máax kun náajaltik le chíimpolalo’ob Diputado Profesor Pánfilo Novelo Martín” beey xan le medalla de honor “Héctor Victoria Aguilar

Tan pleno xo’ok le Oficios túuxta’ab tumeen le u kaajilo’ob Dzoncauich y Tzucacab; le ti’al le consejero Presidente ti’ IEPAC Moisés Bates Aguilar, le Oficio túuxta’ab tumeen u Jala’achil u lu’umil Yucatan Mauricio Vila Dosal, yéetel le Secretaria Administración Olga Rosas Moya

Le oficios túuxta’ab tumeen le Auditor Superior Mario Can Marín ikil u k’ubik le u ka’amáalil le informes individuaes ti’ le cuenta pública ti’ 2021, le je’elo’ túuxta’ab ti’ le Comision ti’ vigilancia, Cuneta Publica, transparencia yéetel Anticorrupcion

QUEREMOS SABER DE TI, DEJA TU MENSAJE