INFOMAYA

Le LXII legislatura tu jets’aj u t’aanil u chíimpolta’al u ba’alobáai k- lu’umil jejeláas kúuchilil.

2021-04-21

Tu noj kaajil Jo’, u lu’umil Yucatán, 21 ti’ abril tu ja’abil 2021

Le u plenoi le diputadosob tu múuch’ aprobarto’ob le u tusbeelta’al u chíimpolta’al bey u ba’alobáai k lu’umil jejeláas kúuchil je’e bix, le u naji k’uj Convento Franciscano de San Antonio de Padua tu kaajil Izamal, proponerta’ab tumeen le u Diputado  PRI, Warnel May Escobar; le báalts’aam wáa  Teatro Maya ku beeta’al tu  chan kaajil Xocén, Valladolid, k’uba’an tumeen le u diputadai PRI, María Moisés Escalante;  beey xan le u ruedoi pay wakxil Coso Artesanal tu kaajil Tizimín, k’uba’an tumeen le u diputadai PRI, Mirthea Arjona Martín.

Beey xan le u cha’anil  le yuumtsil San Pedro González Telmo “San Telmo”, Patrono ti’ u kaajil Progreso yéetel ti’al chuujkayilo’ob,k’uba’an tumeen le u diputadai PRI, Lila Frías Castillo; le u k’ajóolta’al le u k’iimbesajil láalaj  “12 ti’ Enero bey  Día estatal del Fotógrafo”, k’uba’an tumeen u diputado PRI, Marcos Rodríguez Ruz.

Le u presidenta le u Comisión Permanentei Arte yéetel miatsil Paulina Viana Gómez (PAN) tu tsolaj, k’a’ana’an u ts’a’abal k’ajóoltbil  u méek’tankaajilo’ob lu’umil  tu paachil u chíimpolta’al u ba’alobáai, je’ex ti’ le k’iino’ob kex ma’ jach uts ka jóok’ok xíimbal máak tu yóolal le pandemia, ba’ale k’a’ana’an u je’ebel u ka’a náajalil le óolal najmáal u káajal u k’a’amal xíimbalmáako’ob je’e tu’uxak  ka’a taalo’obe.

Le sesión ordinaria uch ti’ le miercolesa káaj ikil u ch’aik u compromiso Constitucional ka’atúul túumben Diputadas, María Elena Ceballos González (PRI), tu lúgar Lila Frías Castillo; beey xan  Yusira Cab Ucán(PRI) u jeel Janice Escobedo Salazar

Le Dip k’ub le u iniciativa ti’al u chíimpolta’al le u najil k’uj Convento Franciscano Warnel May(PRI) Escobar tu tsolaj, le kúuchilob u ba’alobáai k- lu’umil, k’a’ana’an u kaláanta’al beey xan unaj u jets’el u chuunt’aanilo’ob ti’al u kaláanta’al tuláakal u ba’alobáai K lu’umil yéetel ti’al kajnáalo’ob

Le u Dip PRI María Moisés Escalante tu ya’alaj, le u tusbeelta’al u chíimpolta’al le  báalts’aam wáa Teatro maya bey u ba’alobáai kaaj junp’éel noj chíimpolal ku beeta’al tu yóola máaxo’ob ku táakpajlo’ob beetik ti’al ma’ u xu’ulul tumeen ku chíikbesik máaxo’on yéetel u yantal ba’alo’ob u ch’a’anta’al.

Le u Dip PRI Mirthea Arjona Martín tu tsolaj  le coso artesanal junp’éel noj kili’ich ba’al, ka’a kúuchilil yóok’ol kaab ku beeta’al seen nojochil,pa’tej yéetel le ku beeta’al tu lu’umil Colima, ba’ale maas nojochil ku beeta’al tu nojolil k- noj lu’umil, láalaj ja’ab ku jit’a’al walki 200 ja’abo’ob káajak u beeta’al, k’axbi yéetel suum, u ch’eil xúul, boob, káatzin, bojom ,aak’ yéetel xa’an.

Le u Presidentei le Mesa Directivao Marcos Rodriguez Ruz (PRI) tu ki’i’tanaj tu yóolal máaxo’ob ku táabsik oochel wáa fotrografo, tumeen le u meyajta’al junp’éel cámara k’a’ana’an jach kana’an ti’al u ch’a’abal ooochelo’ob jats’uts’ ti’ kajnáalo’ob tumeen ku beetik u ki’imaktal u yóolo’ob, u yook’olo’ob, u tuukulo’ob u k’a’sajil kuxtal, ichil u láak’ ba’alo’ob ku taasik.

U láak’ meyaj beeta’abe, túuxta’ab ti’ le Comisión ti’al Tooj óolal yéetel Seguridad publica le iniciativa ti’al u beetal le chíimpolal Reconocimiento “ Medico del año del estado de Yucatán” , beey xan ti’ le Comisión ti’ Igualdad ti genero túuxta’ab ti’ le iniciativa ti’al u jeltúumbensa’al le u a’almajt’aanil Ley de Acceso de las Mujeres a una Vida Libre de Violencia del Estado tu yóolal u séeba’an kalanil Xko’olelo’ob

Ichil asuntos generales, le Dip. Milagros Romero Bastarrachea tu k’ubaj junp’éel iniciativa ti’al u jeltúumbensa’al le u noj a’almajt’aanil u lu’umil Yucatán, beey xan le u a’almajt’aanil Transparencia yéetel acceso ti’ información pública ti’al béeytal u ts’a’abal nonoj beey xan m’a u p’íitkunsa’al u presupuestoi ti’al u meyaj le molayilo’ob tumeen ku kaláantik yéetel ku ch’úuktik u meyaj u jejeláas molayilo’ob Jala’achil, ku mu’uk’ankúunsik u k’áata’al ba’alo’ob tumeen kajnáalo’ob ikil u nu’ukbesik’ob u páajtalil u yojéeltiko’ob bix u meyaj u Jala’achilo’ob

Jumpáayile’, ts’íikilnaj tumeen le u propuesta ti’al u tusbeelta’al u chíimpolta’al bey Patrimonio k- lu’umil le múuch’paaxil Orquesta Sinfónica De Yucatán maj táakbesa’ab ichil le un ts’aapil aprobartabo’ob ti’ le k’iina, tu yóolal le je’elo le Dip Paulina Viana Gómez tu sáasikúuntaj yaan u xak’alta’al je’ex bix jets’a’an ichil u tsolk’iinil u xak’alta’ale

Derechos Humanos

Táan le Comisión ti’ Derechos humanos, le diputadosob tu aprobarto’ob le u dictameni ti’al u jóok’sa’al le a’almajt’aan Ley de los Derechos de Niñas, Niños y Adolescentes del Estado, beey xan ikil u jeltúumbensa’al jejeláas u a’almajt’aanil k lu’umil ti’al u keetkúunsa’al yéetel le óoxp’éel iniciaitvas u k’ubmaj le u Dip PRI Karla Franco Blanco yéetel Janice Escobedo Salazar beey xan le u túuxmaj Jala’achil

Le dictamenob ku tusbeeltik u xu’ulsal le úuchbeb a’almajt’aan Ley de los Derechos de las Niñas, Niños y Adolescentes beeta’an tu k’iinil  12 ti’ junio tu ja’abil 2015, beey xan  le u úuchben a’almajt’aanil  Ley de la Procuraduría de la Defensa del Menor y la Familia beeta’an tu k’iinil  7 ti’ marzo tu ja’abil 1979.

 

Le u Presidentai le Comisionob María Moisés Escalante, tu tsolaj, junp’éel meyaj ku j’eik u máansa’al táanil u kaláanta’al u páajtalil meejen paalalo’ob, ch’úupalalo’ob k lu’umil, le iniciativasob xak’alta’al yéetel le nu’ukbesajil meyaj parlamento abierto, múulxaak’al beeta’ab yéetel jejeláas molayilo’ob ti’al u je’ets’el u nuka’an tusbeelil ti’al u kaláant’a’al mejen paalalo’ob

Beey xan ka’a ch’a’ajo’olta’ab u xaak’alil le iniciativa ti’al u beeta’al le túumben a’almajt’aan Ley de desarrollo social k’uban tumeen u Dip PRI Felipe Cervera Hernández, beey xan tumeen le molay Instituto Electoral y de Participación Ciudadana (IEPAC); tu yóolal le je’elob le Dip. Moisés Escalante  tu ts’áaj k’ajóoltbi túuxta’ab le u cuadroi comparativo ti’ correo electrónico oficial ti’ le diputadosob

Le u Dip PAN Kathia Bolio Pinelo tu tusbeeltaj le Secretaria General u t’ox ti’ le diputadosob le t’aan tu núukaj le jejeláas Jolpo’opilo’ob tu yóolal le iniciativao, beeyxa yaan u túuxta’al ti’ u correo electrónico, ba’ale tu k’áataj ka ts’a’abak u láak’ k’iino’ob ti’al u xak’alta’al ma’alo’ob

Ti’al u xuule’, t’o’ox xan ti’ le diputadosil le Comisionob le iniciativa ti’al u jeltúumbensa’al jejeláas artículos ti’ le a’almajt’aan Ley para la Protección de los Derechos de los Adultos Mayores del Estado, k’uban tumeen u Dip. MORENA Fátima Perera Salazar, k’áatab ka beetak u fichai técnica yéetel cuadro comparativo.


 

 

QUEREMOS SABER DE TI, DEJA TU MENSAJE