Ku káajal le u ka’ap’éel Periodoi Ordinaroi Sesiones ti’ le u ka’a ja’abil meyajil Constitucional ti’ le LXIII Legislatura

2023-02-01

Tu noj kaajil jo’, Yucatán yáax u k’iinil febrero 2023

Ikil u beeta’al u yáax sesiones le u je’ebel u ka’ap’éel peridoi ordinaroi le u ka’a ja’abil meyajil le LXIII Legislatura le u presidentei le U Juntai Gobierno Yéetel Coordinación Política le Congreso diputado Víctor Hugo Lozano Poveda tu payt’anaj tuláakal diputados ti’al ma’ u lúubul u yóolob meyaj tu yóolal u yutsil kajnáalo’ob, ka u táanilkúunso’ob u tojbe’entsilil ek lu’umil

Ichil asuntos generales le u diputadai Morena Alejandra Novelo Segura tu tsolaj tan Tribuna ichil le u ka’ap’éel peridodoi sesiones ordinario le u jaatsil u diputadosi Morena yaan u k’ubiko’ob iniciativas ti’al u kaláanta’al u tojbe’entsilil tuláakal u kajnáalilo’ob ek lu’umil

Le diputado Crescencio Gutiérrez González (NA) tu ya’alaj, ikil u káajal le periodoa ku taasik u páajtalil meyaj tu yóolal u yutsil u lu’umil Yucatán yéetel u méek’tankaajilo’ob, le óolal yaan u táakpajal ichil meyaj tu’ux ku kaxanta’al u yutsil xko’olelo’ob yéetel kaambesajil

Le diputada Fabiola Loeza Novelo tu jets’aj u t’aanil ichil le u ka’ap’éel periodoi sesiones ku ch’a’ajo’oltik le u meyajil democracia, miatsil, economía, tooj óolal, seguridad yéetel u k’u’ubul cuentas

Le diputada Jazmin Villanueva Moo tu tsolaj, ichil le kamp’éel wináal ku xáantal le periodoa ka’a jeltúumbesa’ak a’almajt’aan ti’al u xu’ulsa’al talamil ti’ kajnáalo’ob

Ichil le ba’axo’ob aprobata’an tan Sesión ti’ yaan le u propuestai le u Juntai gobierno yéetel coordinación política le congreso tu yóolal bix kun xak’atla’al le u informe Jala’achil

Tu yóolal le je’elo’ le diputado Rafael Echazarreta Torres (Morena) na’ak Tribuna u tsol tu yóolal le u k’a’ananil u tsa’abal ojéeltbij ti’ ba’ax ku xu’upul u taak’in kaaj, le diputadosob jets’a’an u páajtalil ti’ob ti’al u k’áatiko’ob ba’ax ma’a sáasil bix ku xupal le presupesto

Tuláakal le diputadosob tu aprobarto’ob le acuerdo  bix kun beeta’al k’áatchi’io wa consulta ti’ kajnáalo’ob discapacitados ikil u jeltúumbensa’al le u a’almajt’aanil u páajtalil discapacitados yéetel u a’almajt’aanil municipios, u láak’ k’áatchi’ wa consulta tu yóolal máasewáal kaajo’ob yéetel afromexicanas kajakbalo’ob weu t- lu’umil

Le pleno tu aprobataj le u jóok’sa’al le convocatoria ti’al u ts’a’abl u yojéelt máaxo’ob discapacitados, jejelás múuch’kabil bix u yiliko’ob ka anak intérpretes ichil u jejelás mola’ay Jala’achil ti’al u k’a’amalo’ob, u láak’ convocatoria ti’al u yojéelt máasewáalo’ob yéetel afromexicanas kaja’ano’ob wey t- lu’umil ti’al u ch’enxikinta’al bix u yiliko’ob wa ma’alo’ob ka’a chíimpolta’ak u tojbe’entslil ichil u noj a’almajt’aanbil Yucatán

Beey xan le propuestai le acuerdo ti’ le Comisión ti’ kambesajil, -ciencia yéetel tecnología ti’al u beeta’al k’áatchi’ wa consulta ti’ máasewáal kaajo’ob wa jejeláas múuch’ kabil ch’úuktik u tojbe’entslilo’ob, le convocatoria jóok’sa’ab ti’al u beeta’a foros ti’al u ch’énxikinta’al máasewáal kaajo’ob yéetel máasewáalo’ob tu yóolal máasewáal kaambesajil

Tu xuule le Mesa directivabo tu túuxtaj ti’ jejeláas comisiones iniciativas uch k’ama’ak ti’al u káajal u xak’alta’al beey xan xo’ok le oficio k’a’am ti’ u legislaturai Guanajuato, Hidalgo yéetel Morelo