Ku ts’a’abal ojéeltbil le u beetpajal le yáax parlamento juvenil 2023

2023-08-09

Tu noj kaajil Jo’, Yucatán 2023

Ikil u kaxanta’al u táanilkúunsa’al táankelemo’ob je’ex ichil debates ti’al u paklamxak’alta’al propuestas kun beeta’ala le yáax  parlamento juvenil 2023 ti’al u paklamtsikbalta’al u tojbe’entsilil kaaj wáa conciencia cívica yéetel u mu’uk’ankúunsa’al le u t’aan táankelemo’ob ichil democracia beey xan ichil u múuch’ kuxtalil ek lu’umil

Le parlamento juvenil 2023 ka’a jaatsil kun úuchul, yáax jaatsil ti’al kaambalil kun káajal tu k’iinil 25 ti’ agosto kun xu’ulul tu yáax k’iinil octubre

Le u ka’a jaatsilil kun beeta’al le modelo congreso estatal tu noj mola’ay poder legislativo tu k’iinilo’ob 5, 6, yéetel 7 ti’ octubre tu’ux ken u chíikbeso’ob le ba’ax tu kanajo’ob le táankelemo’ob

Le yáax parlamento juvenil junp’éel múulmeyaj ku beetik le mola’ay secretaria ti’ desarrollo social pa’tej yéetel le noj mola’ay congreso, cities codes yéetel jejeláas najil xook

Le u Presidentei le  Diputación Permanente, diputado Erik Rihani González tu tsolaj jach k’a’ana’an u je’epajal joolnaj ti’ táankelemo’ob beey xan u ch’enxikinta’alo’ob

Le subsecretario ti’ Juventud ti’ Jala’achil Gerardo López Fernández tu ya’alaj le máank’inal ketlamilob kun beykunsik u múul paklamtsikbalta’al ba’alo’ob ku k’áatik táankelemo’ob yéetel u beeta’al iniciativas ti’al u kaláanta’al u páajtalilo’ob

Ichil le requisitos ku k’áatal ka anak  16 tak 19 ja’abil máax taak u táakpajal ichil le yáax parlamento, mexicano, identificación oficial, le documentosob kun xu’ulul u k’a’amal tak tu k’iinil 23 ti’ agosto

Le jefa ti’ le  departamento ti’  Juventud ti’ Ayuntamiento, Katia Briseño tu tsolaj, tu noj kaajil Jo’ le táankelemo’ob ichil 15 tak 19 ja’abo’ob u 25 % ti’ tuláakal u kajnáalilo’ob, min kex 245 mil táankelo’ob yaan wey t lu’umil