Ku meyajta’al iniciativas ti’al u kaláanta’al u ba’alche’il u lu’umil Yucatán

2023-10-02

Tu noj kaajil Jo’, Yucatán 2 ti’ octubre 2023

Tan sesión ti’ le Comisión ti’ Puntos constitucionales yéetel Gobernación le u presidentai Carmen González Martin tu tusbeeltaj ka’a beeta’ak le u dictameni le iniciativa ti’al u jeltúumbensa’al le a’almajt’aan  Ley de Protección y Bienestar Animal beey xan le u articuloi 95 ti’ le u noj a’almajt’aanil tu yóolal u tojbe’entsilil ba’alche’ob

Le diputado Jesús Pérez Ballote tu k’a’asaj, tu wináalil marzo tu k’ubaj le iniciativai ti’al u jeltúumbensa’al  le u a’almajt’aanil kalanil tumeen ku tojtáantik le u táanilkúunsa’al ek noj lu’umil ti’ le u kalanil ba’alche’ob, ti’al u chíimpoltalo’ob ichil a’almajt’aan bey ba’alche’ob kuxa’an yéetel yaan u na’at le óolal unaj u tsikbe’enta’al u páajtalilo’ob

Tuláakal le diputadosob tu aprobarto’ob le dictamen ikilu jóok’sa’al le u túumben a’almajt’aani meyaj le túumben mola’ay Agencia de Inteligencia Patrimonial y Económica

Tan sesión ti’ ka’ap’éel Comisiones ti’ Puntos Constitucionales yéetel Gobernación, Justicia yéetel  Seguridad Pública aprobarta’ab le dictamen uchik u k’a’amal u xúump’ajtik le u meyaj bey consejero ti’ le Judicatura ti’ Poder judicial le kajnáal Carlos Murillo Kú