Yáax juntéenakil ku yúuchul Le noj mola’ay Congreso ku káajesik u meyaj junp’éel comisión ku t’a’anal ich maya yéetel kastelant’aan

2024-09-25

Tu noj kaajil Jo’, Yucatán 25 ti septiembre 2024

Ku káasa’al u meyajil le Comisión Permanente ti’al u tsikal yéetel u kaláanta’al miatsil maya ichil u t’aanil maaya bey tu k’áataj le Diputado Wilmer Monforte Marfil, tuláakal le diutadosob t’aanajo’ob ichi maya ti’al u tsoliko’ob le compromiso yaan ti’ le LXIV Legislatura ti’al u k’usa’al u meyaj ti’ u jejeláas u mejen kaajil u lu’umil Yucatán  ti’al u yutsil mayakajnáalo’ob

Táanil t’aanaj ichi maaya yéetel kastelant’aan le u Presidentei Le U Juntai Gobierno Yéetel Coordinación Política Diputado Wilmer Monforte tu tsikbaltaj le ak na’tsil t’aan unaj u kaláanta’al yéetel unaj u beetal meyaj ti’al ma’ u sa’tal le ak mootsil, ba’alo’ob na’ato’ob culturales yéetel matemáticos

Le diputado tu ts’áaj u diosbo’otikil ti’ le u Presidentai le Comisionob Diputada Melba Gamboa Ávila ti’al u beetik le Sesión ich maayat’aan yéetel kastelat’aan tumeen le legislatura nonoj diputados ku t’aniko’ob maayat’aan

Le u Presidenta le Comisionob Diputada Melba Gamboa Ávila tu tsolaj, le Comisionob ku xak’altik ba’alo’ob yaan u yil yéetel u derechos maayakajnáalo’ob je’ex bix u suukil u kuxtal, u tuukul, religión wey tu lu’umil Yucatán

Tu tsikbaltaj, nojba’ax ti’ u jo’olintik tumene xmaayako’olel ,tu k’áataj ti’ u yéet diputados ti le legislatura ka meyajnako’ob tu yóolal le maayakajo’ob

Le diputado Wilber Dzul Canul tu ya’alaj, noj ba’ax ti’ u puk’si’ik’al le u taasik u t’aan maayakaj yéetel yaan u meyaj tu yóolaloo’ob

Le diputada Rosana Couoh Chan tu tsolaj jach k’a’ana’an le múulmeyaj yiknal le Comisiones ti’al u tsela’al k’aalbejil ti’ le u ka’ansajil maayat’aan

Le diputada Manuela Cocom Bolio tu ya’alaj, le u kalanil le miatsil maya yéetel maaytat’aan junp’éel ba’ax unaj u beetpajal yéetel acuerdos tu’x ma’ unaj u táakbesa’al u tuukul partidos políticos, tumeen u yutsile ti’al ti’al u kaajil yucatecos

Le u k’a’ananil le u péeksa’al iniciativas tu yóolal u yutsil maayakajnáalo’ob ku táakpajal ichil le noj tusbeelil beeta’an tumeen le noj múuch’kabil Asamblea General ti’ Naciones Unidas tumeen tu jets’al u tusbeelil u meyajta’al le Decenio Internacional 2022- 2032 ti’al u tóochbankúunta’al  na’tsil t’aano’ob yóok’ol kaab