Le u noj mola’ay Congreso Yucatán ku k’alik le u Segundo Período Ordinarioi Sesiones ti’ le u yáax ja’abil meyajil Constitucional

2025-05-31

Tu noj kaajil Jo’, Yucatán 31 ti’ mayo de 2025

Tu xuulbal le u Segundo Período Ordinario Sesiones ti’ le u yáax ja’abil meyajil Constitucional, le u coordinadori le u diputadosi morena, diputado Wilmer Manuel Monforte Marfil tu tsikbaltaj, le túumben Legislatura  táan u meyaj ti’al u jeik u bejil le utsilkuxtal ti’ kaaj ,wáa tumeen ka beetik a’almajt’aan yéetel kaaje’ utial kajnáalo’obe’ mix ba’ax ku k’alik u páajtalil.

Le diputado Monforte Marfil tu tsolaj,  ti’ le yáax ja’abila’ le u diputados morena, PT yéetel PVEM ts’oka’an u k’ubiko’ob  66 iniciativas, 47%  ti’ tuláakal le ts’oka’an u k’amal tumeen le Legislatura, bey xan le u noj mola’ay Congreso mantats’ je’eba’an u joolnajil ti’al u ch’enxikintas’al u t’aan tuláakal kajnáalo’ob ti’al ch’a’abal  acuerdos.

Le u  coordinador le u diputados  PAN, diputado Roger José Torres Peniche tu ya’alaj, le u bancada ichil le ka’ap’éel períodos ts’okan u máanob  tu k’ubajo’ob 29 iniciativas, 8 puntos de acuerdo yéetel ya’abkach juntéenel máano’ob tsibuna t’aan  tu yóolal jejeláas ba’alo’ob.

Le u diputadai Movimiento Ciudadano, Larissa Acosta Escalante tu xijxtaj le iniciativas tu k’ubajo’ob tumeen le u bancada ti’al u yutsil xko’olelo’ob,ti’al emprendedores yéetel tu yóolal le u derechos humanos jejeláas kajnáalo’ob.

APROBACIÓN DE DICTÁMENES:

Ti’ le Comisión ti’al Juventud, Cultura Física yéetel Deporte áaprobaarta’ab le u jóok’sa’al le túumben chíimpolal  Reconocimiento “Efraín Calderón Lara del H. Congreso del Estado de Yucatán”, le dictamen  ti’ le Comisión ti’ Justicia yéetel Seguridad Pública ikil u éjenta’al tumeen le Congreso le u ts’a’abal le pension vitalicia  ti le kajnáal  Miguel Diego Barbosa Lara, le dictamen  ti’al u jeltúumben sa’al le Constitución Política yucateca tu yóolal  simplificación administrativa tusbeelta’ab u suta’al ti’ le Comisión ti’ Puntos Constitucionales yéetel Gobernación ti’al u xak’altik.

Le Mesa Directiva tu túuxtaj ti comisiones le iniciativa ti’al u jeltúubensa’al le u a’almajt’aanil kaláantik u Derechos mayakajnáalo’ob tu yóolal le Programa Estatal Desarrollo ti’al mayakaajo’ob, bey k’uban tumen le u diputadoi morena, Wilmer Manuel Monforte Marfil.

Le iniciativa ti’al u jeltúubensa’al le artículo 32  ti’ le u a’almajt’aanil kaambesajil tu yóolal obligaciones ti’ le trabajadores sociales, bey k’uban tumeen le u diputadai morena, Maribel del Rosario Chuc Ayala.

 

Le iniciativa ikil u tusbeelta’al tumeen le Congreso ti’al u k’ajóolta’al le u k’iinil  3 ti’ noviembre láalaj ja’ab bey Día de la Milpa way tu llu’umil  Yucatán, bey k’uban tumeen le u  diputada Manuela de Jesús Cocom Bolio (PAN).

Le iniciativa ti’al u jeltúumbensa’al le u a’almajt’aanil  Prevención y ti’ le Virus ti’ Inmunodeficiencia Humana, Síndromei Inmunodeficiencia Adquirida yéetel u láak’ infecciones de transmisión sexual, k’uban tumeen le u diputadai  PAN, Itzel Falla Uribe. Le iniciativa ti’al u jeltúumbbensa’al le artículo 45  ti’ le u a’almajt’aanil isstey  tu yóolal le u yutsilil Ley Silla, k’uban tumeen le  diputada Larissa Acosta Escalante (MC).

Le iniciativa  ti’al u jeltúumbensa’al le u a’almajt’aanil  ma’ u yúuchul  Discriminación way Yucatan k’uban tumeen le u  diputadoi PRI, Gaspar Armando Quintal Parra.

Le iniciativa ti’al u jeltúumbensa’al le u a’almajt’aanil Coordinación Fiscal  ti’al u much’ala le Fondo  ti’al u kalanial jets’eknakil tu noj lu’umil  México, k’uban tumeen le u diputadoiMovimiento Ciudadano, Javier Renán Osante Solís.

Ichil asuntos generales máano’ob tribuna t’aan le diputada Larissa Acosta Escalante, ti’ Movimiento Ciudadano; yéetel le  Diputado Mario Alejandro Cuevas Mena (morena)

Bey xan le  diputadas ti’  PAN, María Teresa Boehm Calero; Zhazil Leonor Méndez yéetel Álvaro Cetina.

Bey uchik u xuulpajal le Segundo Período Ordinarioi Sesiones ti’ le u yáax ja’abil meyajil  Constitucional ti’ le  LXIV Legislatura.