INFOMAYA

Le LXIII Legislatura ku chíimpoltik le u meyaj Periodistas tu lu’umil Yucatán

2021-09-08

Tu noj kaajil Jo’, Yucatán, 8 ti’ septiembre 2021

Táan Sesión Ordinaria tu k’iinil miércoles, tuláakal le Diputadosob ku chíimpoltiko’ob le u uts meyaj Periodistas, ikil u k’iimbesa’al Dia Internacional del Periodista, ku máan bejlae’.

Le u Dip. PAN Esteban Abraham Macari, tu tsolaj, bejlae’ ku noj k’iimbesa’al yeétel u ki’imak óolta’al tuláakal Periodistas tu lu’umil Yucatán, tumen junp’éel u noj k’iinil ti’al u tsikbe’enta’al le páajtalil Libertad de expresión, le pandemia junp’éel noj talamil ikil u meyajta’al perdiodismo.

Le Diputado tu ya’alaj, ichil le articulo 19 ti’ le Declaratoria Universal ti’ Derechos humanos jetsa’an, u páajtalil ti’al je’emáaxe le u jáalk’abil u tsikbaltik je’e ba’ax, beey xan ku tusbeelta’al ma’ u p’ekta’al ikil u tsikbaltik, tumeen jáalk’abil u tsikbaltik yéetel u jóok’sik k’ajóoltbil información

Tu k’aaba’ u Diputados PRI le Diputada Karla Franco Blanco tu k’ubaj junp’éel iniciativa ti’al u táabsa’al u túumben jaatsilil le artículo segundo ti’ le u noj a’almajt’aanil u lu’umil Yucatán ti’al u tusbeelta’al u ts’a’abal internet xma’a bo’olil ti’al tuláakal kajnáalo’ob tu lu’umil Yucatán tumen junp’éel noj páajtalil

Le u Diputadai Movimiento Ciudadano Vida Gómez Herrera na’ak Tribuna u tsikbal, le noj molay Suprema Corte ti’ justicia tu jets’aj u t’aanil incosntitucional je’e ba’ax a’almajt’aan penalizartik le aborto ti’ juntúul xko’olel,

Bey túuno’, u kuuch meyaj le Diputadosob le u xak’altik yéetel u jeltúumbensik le u Código Penal Yucatán ti’al ma’ u penalizartal xko’olel ikil k’áatik ka beeta’ak ti’ aborto.

Le Diputadoi Morena Rafael Echazarreta Torres, na’ak Tribuna u t’aan tu contra le tu’ux kun beetbij le túumben Estadio Sostenible wey Yucatán, tumen tu yóolal le je’elo’ k’exa’ab tu’ux yaan le najil xook escuela Normal Superior Rodolfo Menéndez de la Peña k’ex maj k’áatab ti’ kaaji’i’

Kaj núukabab ti’ tumeen le u Diputadoi PAN Jesús Pérez Ballote, le u chi’ichnakil ikil u beeta’al jup’éel k’eexe’ natural, ba’ale unaj u tukulta’al junp’éel noj uts, je’ex tu yóolal le talamil ku taasik le pandemiai le k’oja’anil Covid 19 yaan kajnáalo’ob p’áat mina’an meyaj ti’ob yéetel k’a’al negocios, le u meyaj le óox jaatsil Jala’achil kaaj junp’éel noj ba’al ti’al u taasal túumben inversiones, je’ex yéetel le túmben estadio, beey xan ts’oka’an u ch’enxikinta’al Organismos yéetel representasil jejeláas múuch’kabilil kaaj, máaxo’ob ma’alo’ob u yiliko’ob yéetel de acuerdo ka beeta’ak le túumben estadio te’e kúuchilob

Le u Diputadai PAN  Carmen González Martin tu páayt’anaj tuláakal Diputados ti’al u múulmeyajo’ob tu yóola Yucatán, ka’a jóok’ok táanil yeetel ti’ kúuchkabalo’ob, wáa yaan ba’ax beetik u k’uuxil kajnáalo’be’ ka’a xi’iko’ob táan Tribunales, beey xan tu ya’alaj, jejeláas medios ti’ comunicación tsoka’an u entrevistarko’ob baatsilo’ob tu’ux kun beetbij le estadio tu’ux ku yaliko’ob de acuerdob

Táan le u plenaria le yáax Periodo Ordinario Sesiones, ts’a’ab ojéeltbij ti’ le Diputadosob le Oficios k’a’am ti’ le u Presidente Municiapal u kaajil Santa Elena Galdino Poot Moreno tu’ux ku ts’aik ojéeltbij tu cha’aj u protesta constitucional le u integrantesi le u cabildo 2021-2024, beey xan le u alcaldei Temozon Carlos Kuyok Castillo tu’ux ku ts’aik ojéeltbij tu ch’aj u protesta le Ayuntamiento yéetel máaxo’ob ku Jo’olintik le u Comisiones yéetel Tesoreria

Jupáayilti’e, ts’a’ab ojéeltbij xan le Oficios k’amab ti’ le Comisión Permanente ti’ le u Camarai Senadores yéetel ti’ le Diputados ti’ le Congreso de la Union.

 

QUEREMOS SABER DE TI, DEJA TU MENSAJE