U mayoría le Diputadosob tu aprobarto’ob le u a’almajt’aanil Cambio Climatico túuxta’an tumeen u noj Jala’achil u lu’umil Yucatán

2021-10-28

Tu noj kaajil Jo’, Yucatán, 28 ti’ octubre 2021.

Kex le u jaatsilil u Diputadosi Morena votarnajo’ob tu contra, le LXIII legislatura tu aprobartaj le u túumben a’almajt’aanil Yucatán ti’al Cambio Climatico, beyo’ ku chuumbesa’al u káajal u beeta’al jejeláas nu’ukbesajil meyaj ti’al u káanta’al ma’ u seen loobilta’al u sijnáalil.

Le túumben a’almajt’aano’ob u nooyil le u múulmeyaj especialista, asociaciones yéetel kajnáalo’ob ikil u táakpajlo’ob ichil u tuukulil, káaj tu wináalil marzo tu’ux ch’eenxikintia’ab 39 especialistas, en línea ch’enxikinta’ab 142 kajnáalo’ob, beeta’ab jo’op’éel much’táambay tsikbalil, beyo’, táakpaj dos mil kajnáalo’ob uchik u beeta’al.

Le u Presidentei le Comisioni sijnáalil  Harry Gerardo Botello Fierro (PVEM) tu tsolaj, le túumben a’almjt’aana’ u nooyil le u paklamtsikbalil tumeen u’uya’ab 70 expertos, le u t’aan u Jala’chil u lu’umil Yucatán, u molay Desarrollo sustentable, yéetel jejeláas kajnáalo’ob.

Le diputado Erik Rihani González (PAN), tu ya’alaj, le proyecto junp’éel u chan neek’il ti’al u beetájal jejeláas meyaj ti’al u áantajil u chan xu’ulsa’al u k’askúunta’al sijnáalil yéetel le loobil ku taasik ti’ kajnáalo’ob, le óola ku káajal u beeta’al le meyajob ti’al u ch’eensa’al kex junp’íit.

Le diputado Jesús Pérez Ballote (PAN) tu túuxtaj chíimpolalil ti’ u Jala’achil u lu’umil Yucatán yéetel ti’ tuláakalo’ob máaxo’ob táakpajo’ob  ikil u beeta’al le iniciativa, kex tu bisaj ya’abkach wináalo’ob, beeta’ab chúuka’an beey xan je’ex bix jets’a’an u tsoolil ti’al yóok’ol kaab.

Le  diputadai PRI, Karla Franco Blanco tu tsolaj, uchik u paklamxak’alta’al le iniciativao leti’obe’ tu k’ubajo’ob propuestas ti’al u táakbesa’al ichil le dictamenob.

Le u diputada Movimiento Ciudadano, Vida Gómez Herrera tu jets’aj u t’aanil, le u agenda legislativa u táakmukmaj le u beeta’al le u a’almajt’aanil cambio climático tumeen jach k’a’ana’an u ch’éensa’al le loobilta’al sijnáalil ti’al u uts kuxtal le máaxo’ob ku líik’ilo’ob, le óolal keetpaj u tuukul yéetel le k’uba’ab tumen u Jala’chil u lu’umil Yucatán.

Le diputado Eduardo Sobrino (PRD), tu ya’alaj, le a’almajt’aana’ ku tusbeeltik u je’ebel ti’al u béeyta’al u múulmeyaj jejeláas u molayilo’ob Jala’achil ti’al u beetpajal le meyajil ti’al u káaláanta’al ma’ u seen beetik loob le Cambio climático, yaan u beeta’al jejeláas un’ukbesajil oksajtuukul ti’al u kaláanta’al yóok’ol. kaab , sijáalil ti’al u sukbesa’al ti’ kaaj u xu’ulsa’al u beeta’al ba’alo’ob ku k’askúuntik sijnáalil.

Le u diputadosi Morena Alejandra Novelo Segura, Rubí Be Chan, Jazmín Villanueva Moo yéetel  Rafael Echazarreta Torres na’ako’ob tribuna u tsolo’ob, ma tu contra le u a’almajt’aanil cambio climático yaano’ob, ba’ale tu contra votarnajo’ob
Beey xan tu tsolajo’ob tu contra yaan le bix xak’alta’al yéetel jach séeba’anil uchik u aprobarta’al le iniciativao táan pleno, bey táan comisiones

Táakpajo’ob táan le Pleno uchik u aprobarta’al le iniciativao le jejeláas múuch’ kabil kaaj Red Por el Futuro Yucatán, Fridays For Future Yucatán, Federación Mexicana de Jóvenes Abogados Yucatán, Chalchi, Dumac, Ateneo Nacional de la Juventud Yucatán, Bacab yéetel  Kanan Kab,máaxo’ob táakpajo’ob úchik u beeta’al.

Táan Sesión ordinaria, ichil votación ti’ cedula yéeya’ab le  Lic. Carlos Alfonso Murillo, bey Consejero ti’ le Judicatura ti’ Poder Judicial ti’al kampp’éel ja’ab, yéeya’ab ti’ ichil le 19 candidatos ts’íibta’ab u k’aaba’ob tu k’iibil 22 ti’ octubre.

Ti’ le Comisión permanente ti’ educación, ciencia yéetel tecnología túuxta’ab ti’ le iniciativa ti’al u jeltúumbensa’al jejeláas artículos ti’ le u a’almajt’aanil kaambesajil k’uba’an tumen le diputado Crescencio Gutiérrez González

Ti’ le Comisión ti’ Presupuesto, patrimonio estatal yéetel municipal túuxta’ab ti’ le iniciativa le decreto ikil u máansa’al jo’op’éel najilo’o’b ti’ le molay Instituto Mexicano di’ Seguro Social, tu’ux yaan le Hospital Regional ku tsokpajal Ticul.

Ts’a’ab xan ojéeltbil k’a’am Oficios ti’ le u legislaturasi Guanajuato, Hidalgo y Quintana Roo

Asuntos generales.

Ichil asuntos generalese, le u Coordinadori PRI Gaspar Quintal Parra  tu k’ubaj junp’éel iniciativa ti’al u beeta’al u a’almajt’aanil Desarrollo social ti’al u lu’umil Yucatán.