Le LXII Legislatura tu aprobartaj le Matrimonio Igualitario ti’al u lu’umil Yucatán

2021-08-25

Noj kaajil Jo’, Yucatan, 25 ti’ agosto 2021

Yéetel 20 votos tu favor, 5 tu contra, Táan le LXII u mayoría le diputadosob tu aprobarto’ob u jeltúumbensa’al le u ka’a yéetel óoxjaatsilil le articulo 94 ti’ le u noj a’almajt’aanil u lu’umil Yucatán ti’al u béeytal le matrimonio igualitario, bey úuchik le ka’aj beeta’ab le u óoxp’éel periododoi extraordinario sesiones ti’ le u óoxja’abil meyajil constitucional.

Le u Diputadai PRI Karla Franco Blanco tu tsolaj, le dictameno’ beeta’ab je’ex bix u tusbeeltik le u chuunt’aanil u páajtalil wíiniko’ob pa’tej yéetel le u mokt’aanil u láak’ noj lu’umilo’ob tu’ux táakpajan u n oj lu’umil México, u tuukulil u béeykunsa’al u chuunt’anil yaan ti’al tuláakal kajnáalo’ob u nu’ukbesiko’ob u páajltalil, u jáalk’abil yéetel u keet ila’al, beey xan le u xu’ulsa’al u pech óolta’al wíiniko’ob, chuunt’aanilo’ob jets’a’an ichil u noj a’almajt’aanil u noj lu’umil México

Le diputada k’ubmaj le u iniciativailo’ Milagros Romero Bastarrachea tu tsolaj, walki 21 wináalo’ob tu k’ubaj le iniciativa ti’al u jeltúumbensa’al u ts’íibilil ba’ax u k’áat ya’al le matrimonio yéetel concubinato, tu óoxja’abil u meyaj le legislatura seten paklamxak’alta’abi, múultsikbalta’abi ti’al u béeyta’al u je’ets’el u ts’ook t’aanil tumeen mixmáak u ch’a’ajo’olt u tsikbalata’al táan le Congresoa

Le u Diputadoi Nueva Alianza Luis Aguilar Castillo tu ya’alaj, “ Le ba’ala ma’ unaj u tukulta’al ma ustinwich wa ma’ in k’áati’i’” leti’e ba’ax ku k’áatik kajnáalo’ob ka xak’alta’ak, le ba’ax ku aprobarta’ala’ ma’tech u taasik loob ti’ u paklam múulkuxtaal kaaj chéen ku ts’aik u páajtalil ti’ máax u k’áat.

Le u Diputadai PAN Kathia Bolio Pinelo tu tsolaj, ichil u Diputadosi PAN ma’aj tusbeelta’abti’ob bix kun votaro’ob wa u votaro’ob tu contra le dictameno’ob, le u meyaj juntúul diputado’e leti’e u beetik le ba’ax ku jets’ik a’almajt’aan ti’al u páajtal u paklam uts múulkajta’al ma’alo’ob u kajnáaloilo’ob k- lu’umil

Le u Diputadai Morena  Fátima Perera Salazar tu ya’alaj, u lu’umil Yucatán táan u máan táanil tumeen táan u beeta’al junp’éel votación sáasil tu yich kaaj, le talamilo’ úuch p’áatak ma’atech u xak’alta’al, le Diputado Luis Loeza Pacheco tu tsolaj, láalaj juntúulul kajnáalo’ob yaan u jáalk’abilil yéetel u páajtalil ti’ob ti’al u kajtalo’ob wáa ts’oko’obeelilo’ob yéetel máax u k’áato’ob.

Le u nojochil le u Juntai gobierno le Congreso Estatal Felipe Cervera Hernández tu p’ataj u t’aanil táan tribuna, le legislatura ma tu cha’aj sakajil wa ma’ tu ta’akubáa tu yóolal ma’ u xak’altik le talamila’, kex ojéela’an yan kajnáalo’obe’ tu favor yaan yéetel u láak’ ju  jaats tu contra

Tu tsolaj, wey tu lu’umil Yucatán unaj u yilal  uts tumeen tu paach  much’a’anil yéetel u tsikbe’enil jets’a’ab junp’éel t’aan ti’al k- lu’umil

Le Diputadosob tu múuch’ aprobarto’ob xan u láak’ dictamenes ti’al u jekltúumbensa’al le u Código Penal Yucatán ti’al u wet’al le u beeta’al Terapias ti’al conversión, ti’al xan u tusbeelta’al mina’an u xuul k’iinil u beeta’al u tak poolil le loobil Feminicidio

Beey xan aprobarta’ab le dictamen ti’al u táabsa’al le túumben artículo 278 bis ti’ le Código Familiar  yéetel u jaatsil VII le articulo 394 Septies ti’ le Codigoi penal Yucatán tu yóola máax ti’ kun ts’a’abal le patria potestad le u mejen paalal juntúul xko’olel le kéen kiinsa’ak.

Miguel Candila Noh. Diputado K’ub le iniciativao tu tsolaj, le dictameno ku tusbeeltik le kéen kiinsa’ak juntúul xko’olel tumeen u yíichame’ le u mejen paalalo’ob unaj u p’a’atal ti’ u láak’tsililo’ob le xko’olelo’ob

Le Diputadosob tu múuch’ aprobarto’ob le dictamen ikil u jeltúumbensa’al le u a’almajt’aanil Fiscalía General yéetel u Código penal Yucatán ti’al u tusbeelta’al u beeta’al yéetel u jóok’sa’al le tsolk’aaba’i Registro De Deudores Alimentarios ti’al ulu’mil Yucatán

Luis Borjas Romero, Diputado k’ub le iniciativao tu tsolaj, le Registro ti’al u ts’íibta’al u k’aaba’ máaxo’ob ts’oka’an u máan 90 k’iino’ob ma’atech u bo’otiko’ob pension tusbeelta’an tumeen juntúul Juez

Ma’aten u ts’a’abal u jeel u licencia ti’al manejar yéetel ma’aten u béeytal u beetik contrato yéetel Jala’achil ti’al u beetik obras wa u koik ba’al’ob ti’
U mayoría le Diputadosob tu aprobarto’ob xan ma’ u ratificarta’al Luis Parra Arceo bey Consejeroi ti’al le u Consejoi le Judicatura ti’ Poder Judicial, 14 votos tu favor yéetel 11 votos tu contra le dictameno, aprobartab xan le u Convocatoriai ti’al u yéeyal u jeel

Tuláakal le Diputadosob tu aprobarto’o’b le dictamen ikil u jeltúumbensa’al u a’almajt’aanil u meyaj Poder Judicial ti’al u jets’a’al ichil u ts’iibilil le chuunt’aanil meyaj igualdad ti’ genero ti’al u tusbeelta’al le Conseoi Judicatura le kéen u jets’ máaxo’ob kun jolintik junp tribunal ma’ chéen jueces xko’olel’ob wáa xiibo’ob, ti’al u páajtal u je’ebel u láak’ juzgados

Yéetel 24 votos tu favor, junp’éel tu contra bey aprobarta’an máaxo’ob ku jolintik le Consejoi Provisional ti’a le u Ayuntamientoi u kaajil Uayma, bey tu proponertaj le diputado Felipe Cervera Hernández yéetel bey aprobartabi:

Sauri Aracely Ciau Cupúl, presidenta municipal; Juana Yadira Hernández López,  síndico; Greti Cupúl Balam yéetel  Norma Ciau Cobabeey xan  Selma Tuz Tuz,  Concejales.

Beey xan aprobarta’ab le u convocatoria ti’al u jel beeta’al le elecciones extraordinarias ti’ le kaajo’, kun úuchul tu k’iinil 14 ti’ noviembre ti’ le ja’aba

Le LXII legislatura tu aprobartaj xan le u ts’íibta’al tu noj pak’il le u kúuchil Sesiones ti’ Pleno ti’ le Congreso le t’aan "Bicentenario de la Marina Armada de México, 1821-2021”;beey xan le u p’a’atal u k’aaba le u kúuchil Sesiones plenarias bey “Salón de Sesiones, Constituyentes de 1918”.

Le diputado Felipe Cervera tu tsolaj, le u ts’íibta’al le t’aano’ ti’al u chíimpolta’al le noj meyaj ku beetik le kalan kaajo’ob Marina armada de México tu yóolal kajnáalo’ob, le u k’iinil 4 ti’ octubre ti’ le ja’aba ku chukik 200 ja’abo’ob káajak u meyaj