INFOMAYA

Le noj mola’ay Congreso ku beetik uts meyaj ti’al u xu’ulsa’al le u loobilta’al wíinik wey Yucatán.

2022-06-07

Tu noj kaajil Jo’, Yucatán 7 ti’ junio 2022.

Much’a’anil tan le LXIII Legislatura tuláakal le diputadosob tu aprobarto’ob le u jeltúumbensa’al le a’almajt’aan  Ley de Acceso de las Mujeres a una Vida Libre de Violencia yéetel le Código Penal ti’al Yucatán  tu yóolal le túumben loobil violencia vicaria ti’al u kaláanta’al ma’ u muk’yajtik  wa u loobilta’al u paalal juntúul xko’olel ku p’atiik u yíicham yéetel u xu’ulsa’al u seen to’opol xko’olel pa’tej yéetel u paalal

Le u diputadai PAN Carmen González Martin na’ak Tribuna ti’al u beetik u propuestai ichil le iniciativaob ti’al u táakbesa’al jejeláas nu’ukulil kalanil, xaak’alil yéetel u ch’úukta’al bix u beeta’al le loobilo’ob ti’al u sáasilkunta’al yéetel u jan chu’ukul máax beetik beey xan u táakmukta’al jejeáas múuch’kabilil kaaj ti’al u payta’anal u oksaj tuukulil ti’ kaaj

Le u diputadai PAN Dafne López Osorio tu ya’alaj, le legislatura tu máansaj táanil le u kaláantik u kuxtal xko’olel ikil u ch’a’ajo’oltik u beetik nu’ukulil tu yóolal le máaxo’ob loobilta’abo’ob yéetel le loobil violencia vicaria

Le diputada ti’ Movimiento Ciudadano, Vida Gómez Herrera tu tsolaj, le votar tu favor le dictamenob ku túuxta’al t’aan ti’ kajnáalo’ob kajakbalo’ob tu lu’umil Yucatán tumeen le legislatura ku ch’a’ajo’oltik le u yuskíintik yéetel ku beetik nu’ukulil kalanil ti’al u xu’ulul je’e ba’ax pech’óolalil

Le diputada Jazmín Villanueva Moo (Morena) t’aanaj tu favor le dictamenob beey xan tu tsolaj yaan ba’alo’ob uts ba’ale yaan u láak’ ma’ seen uts ba’ale unaj u luk’sa’al ba’alo’ob ku k’alik u beelil u kuxtal ma’alo’ob tu paach a’almajt’aan ti’al u xu’ulul le loobil violencia de genero

le diputado ti’ PRD, Eduardo Sobrino Sierra tu chíimpoltaj le diputadas xko’olelo’ob ku táakpajlo’ob tan Pleno tumen táan u ba’atetiko’ob u tojbe’entsilil u yéet xko’olelo’ob, le legislatura táan u je’ik u bejil ti’al u péeksa’al noja’an tuukul ti’ kaaj ti’al u kaláanta’al u tojbe’entsilil xko’olelo’ob, mejen xch’úupalal yéetel xi’ipalal

Tan Sesión extraordinaria aprobartab tumen u mayoría le diputadosob le dictamen ikil u jeltúumbensa’al u a’almajt’aanil ingreso u kaajil Progreso ti’al u ja’abil 2022, le u diputadosi Morena votarnajo’ob tu contra

QUEREMOS SABER DE TI, DEJA TU MENSAJE