Le reemplacamiento ku ka’a suta’al xak’altbi táan Comisión permanente

2021-04-06

Tu noj kaajil Jo’, u lu’umil Yucatán, 6 ti’ abril tu ja’abil 2021

U mayoría le u diputadosi Le LXII legislatura tu aprobarto’ob u ka’a suta’al táan le Comisión permanente ti’ puntos constitucionales yéetel gobernación ti’al ka’a xak’altbi le iniciativa ti’al u jeltúumbensa’al le u a’almajt’aanil transito yéetel vialidad ti’al u jelk’exa’al bix kun beetal le reemplacamiento, 19 diputados votarnajo’ob tu favor, 4 tu contra le uchik u k’áata’al ka suta’ak

Táan sesión uch tu k’iinil martesa’ le Diputada Silvia Lopez Escoffie tu káataj ka suta’ak le iniciativao tumeen ku tusbeeltik chéen juntéen kun k’e’exel placas, le je’elo’ ku ya’alik ku taasik k’askúunajil administrativo yéetel ma’ tun beetal mantats’ le tramites tumeen kajnáalo’ob.

Ichil le dictamenob jets’a’an le u jeltúumbensa’al le placaso’ob chéen wa tumeen ku k’astal, ba’ale chéen wa bey u yilik kajnáalo’ob, beey xan ma’tech u taasik jets’eknakil tumeen ku ts’aik u páajtalil chéen ti’ ti’ le máax ch’úuktiko’ob  u yil wa k’a’ana’an wáa ma’ unaj u beetik según bix kun ilik, beey xan le propuestao ma’tech u taasik sáasilil ba’ax k’iin kun xu’ulul u vigencia kex ka k’axlak junp’éel placa.

Junpáayile’, wáa ka aprobartab le iniciativao kun káajal u tsikbe’enil chéemp’elak u jóok’sal ti’ le Diario Oficial le kéen xu’uluk u vigencia le úuchben placaso’ob ba’ale ti’ le kiinoba táan u beeta’al le remplacamientoi u ja’abil 2020.

Ka’aj na’ak tribuna u núuk le u t’aanil le u iniciativai le  u Dip. MORENA  Miguel Candila Noh, le dictamenob ma’ ti’al u luk’sa’al le remplacamiento, ti’al ma’ u bo’otik seen ko’oj kajnáalo’ob, beey xan ma’ chéen u ts’a’abal placas juntéenaki’i, ku tusbeeltik u beeta’al reemplacamiento chéen wáa ka anak sajbe’entsilil tu yóolal seguridad nacional, ba’ale ku ch’éensa’al le u beetal u k’exal placas láalaj óoxp’éel ja’ab tumeen ma’a k’a’ana’ani’i.

Le u Coordinadori PRI Felipe Cervera Hernández tu sáasilkúuntaj, tak u káajalil le u xaak’alil le iniciativao tu ts’eel kajnáalo’ob yaan beey xan ti’al u yanta’al seguridad ti kaaj

Ma’ wáa táan u k’áata’al ka desecharta’ak le iniciativao, táan u k’aata’al ka suta’ak táan Comision permanente ka jets’a’ak bix ku yila’al wáa k’asan junp’éel placas, yéetel ba’ax k’iin kun káajal u tsikbe’enta’al, wáa beyo’, de acuerdo yéetel unaj u aprobata’al tumeen u mayorial le diputadosob tumeen junp’éel meyaj ku taasik ya’abkach utsil ti kajnáalo’b,wáa beyo’ le u diputasi PRI de acuerdo túun.

Ba’ale ma’ táan k’áata’al ka suta’ak táan Comisión ti’al u yila’al wáa léely ko’oj kun cobrata’al ti’ kajnlaalo’ob.

Beey xan ma’aten u ch’aik u jets’a’al waa matáan u ts’elal le remplacamiento ichil le iniciativao tumeen le ba’ax ku k’áatalo’ob jach ma’alo’ob ti’al kajnáalo’ob tumeen ma’ jach ko’oj kun tojoltik ti’ob le u k’exik placasob, beey xan ma’ láalaj óoxp’éel ja’abii’i, chéen kun k’exal tu yóolal seguidad publica

Léely beey tu ya’a’laj le u Dip. PRD Alejandro Cuevas Mena, je’el u béeytal u ch’a’abal t’aan tu yóolal u yutsil kajnáalo’ob, ti’al ma’ u beeta’al u bo’otiko’ob ko’oj, ti’al ma’ u yilal xan junp’éel u negocio Jala’achil, k’a’ana’an u kaláanta’al le seguridad yaan ti’ kaaj ba’ale le legislatura ma’ unaj u jóok’ol wa ma’ tu aprobartik le iniciativa

Le u Dip. PRI Karla Franco Blanco tu tsolaj, le reformao’ ku tojtáantik ma’ u loobilta’al u taak’in éet kajnáalo’ob, beey xan mantats’ táakbesa’an u tuukulil le ma’ u beeta’al ba’al ku taasik sajbe’entsilil ti’ seguridad

Ichil u láak’ ba’alo’ob aprobartabeb, múuch aprobartab le u ts’a’abal licencia ti’ le Dip Luis Borjas Romero ti’al u xu’ulul u beetikuba u Diputadoi le distrito local electoral XIII wey t-lu’umil

Táan tribuna le Diputado tu tsolaj, tu k’aataj licencia ti’al u beetik le meyaj tusbeelta’ab ti’ tumeen u partido, tu ts’aaj u diosbo’otikil ti’ le diputados, yéetel diputadas uchik u yáanal u jóok’sik u meyaj Congreso

Ichi asuntos generalese, le Dip. Silvia Lopez Escoffie tu k’ubaj junp’éel iniciativa tu’ux ku k’aatik ka tusbeelta’ak u k’ubik u informei u meyaj láalaj diputados le kéen tso’okok u k’iinil junp’éel periodo ordinarioi sesiones, ti’al u tsolik, jayp’éel iniciativa tu k’ubaj wa tuláakal le meyaj tu beetajo’ob.

Le óola ku k’áatik ka jeltúumbensa’ak le u a’almajt’aanil Poder Legislativo yéetel u eglamentoi tu yóolal u máank’inal meyaj Diputados.

Ti le Comision ti’ justicia yéetel seguridad publica túuxta’ab le iniciativa ti’al u jeltumbensa’al le u a’almajt’aanil kúuchkabalil k- lu’umil k’uba’an tumeen
le u Presidentei le Tribunal Superior ti’ Justicia Ricardo Ávila Heredia, bey tu k’áataj le u Presidentai le Comisión ti’ puntos constitucionales yéetel gobernación

beey xan le iniciativa ti’al u jeltúumbensa’al le articulo 1103 ti’ le u Codigoi civil k- lu’umil k’uba’an tumeen u Dip PRD Alejandro Cuevas Mena.