Ku ts’a’abal asesorías ti’ jejeláas Ayuntamientos tu yóolal ba’ax ku xak’alta’al ti’ Fiscalización ti’ cuenta publica

2021-11-15

Tu noj kaajil jo’, Yucatán, 15 ti’ noviembre 2021.

Le u noj molay Congreso yéetel le Auditoria superior ti’ Yucatán tu jo’olinto’ob u beeta’al le tsikbalil “Marco normativo de la Revisión y Fiscalización” tu’ux ku tsolxikinta’al Ayuntamientos bix kun beetiko’o’b u Leyesi hacienda ti’al le ejercicio fiscal 2022.

Le much’táambayo’ beeta’ab tu kúuchilil Sala “Consuelo Zavala Castillo, le u Presidentei le Juntai Gobierno yéetel Coordinación Política le Congreso Víctor Hugo Lozano Poveda tu tsolaj, jach k’a’ana’an u yúuchul múulmeyaj ichil jejeláas molay xaak’alil ti’al u beeta’al ma’alo’ob le u proyectoi jejelás leyes ti’al ayuntamientos tumeen ku xak’alta’al yiknal le Auditoria superior ba’ale táanil unaj u máansa’al táan le Comisión ti’ cuenta pública yéetel táan pleno
 

Beey xan tu ts’áaj ojéeltbij yaan u túuxta’al t’aan ti’ ayuntamientos  ti’al u káajal u k’a’amal u leyesi ingreso, u leyesi hacienda tu noj molay Congreso ba’ale yaan u je’ets’el ti’ láalaj junp’éel ba’ax k’iin.

Le u Jolpo’ppil le Auditoria superior Mario Can Marín tu ts’áaj u diosbo’otikil ti’ le jejeláas alcaldes táakpajko’ob ichil le much’ táambayo’ táan Congreso tumeen jach k’a’ana’an u yojéelta’al u beeta’a nu’uka’an a’almajt’aan

Can Marin tu tsolaj, le alcaldesob yaan u yojéeltiko’ob bix yéetal ba’ax ku ts’íibta’al ichi le u a’almajt’aanil ingreso ti’al u k’ubiko’ob nu’uka’an le cuentaso’ ti’al le kéen xak’alta’akláalaj ja’ablamja’abe’  ma’ u jets’a’al wáa ma’a patali’i

Ichil le tsikbalo’o ch’a’achita’ab u t’aanil le a’almajt’aano’ob Ley de Fiscalización y Ley de Obra Pública, Ley de Responsabilidad Administrativa y Sistema de Evaluación de Armonización Contable.

Jo’olinta’ab tumeen le u Presidentai le Mesa Directiva ti’ le Congreso Pilar Santos Díaz; le u presidente le Comisión ti’ Vigilancia  Cuenta Pública, Transparencia yéetel  Anticorrupción, Erick Rihani González yéetel le u presidentei le  comisión ti’ Presupuesto yéetel  Cuenta Pública, Jesús Pérez Ballote.

Táakpaj xan le diputados Luis Fernández Vidal, Carmen González Martín, Dafne López Osorio, Melba Gamboa Ávila, Esteban Abraham Macari, Manuela Cocom Bolio, Raúl Romero Chel.