Ku t’o’oxol tan le Comisión ti’ Justicia yéetel Seguridad Publica iniciativas ti’al u xak’alta’al.

2022-02-03

tu noj kaajil Jo’, Yucatán, 3 ti’ febrero 2022.

Tan Sesión ti’ le Comisión ti’ Justicia yéetel Seguridad Publica le diputadosob tu ka’a cha’a’ajo’olto’ob u xak’alil ka’ap’éel iniciativas túuxta’an tumeen Jala’achil yeetel to’ox ti’ob u láak’ óox’p’éel ti’al u káajal u xak’alta’al.

Le iniciativason k’uban tumeen le diputadai ti’ Movimiento Ciudadano Vida Gómez Herrera ti’al u jeltúumbensa’al u a’almajt’aanil kúuchkabilil ti’al Yucatán yéetel ti’al Registro Civil ti’a u béeykkunsa’al le Matrimonio igualitario.

Le u láak’ iniciativao ti’al u jeltúumbensa’al le u óox yéetel kan jaatsilil le articulo 228 ti’ le Codigo penal ti’al u tusbeelta’al u sáasilkúunta’al tumeen Jala’achil bey de Oficio le loobil Violencia Familiar, ka jóok’sa’ak ti’ periódicos bukaj ja’ab kun k’a’alal le kén ilak’ máax beetik yéetel ma’ unaj u bin máax m uk’yatik tan Fiscalia y beet u tak poolil.

Beey xan k’u’ub ti’ le diputadosob le iniciativa k’uba’an tumeen u diputadosi PRI ti’al u yuskíinta’al u a’almajt’aanil ikil u kaláanta’al xko’olelo’ob yéetel le código Penal ti’al u tusbeelta’al u ts’íibta’al le chuunt’aalil u kalanil,sáasilkúunajil, u xak’alta’al yéetel u ts’a’abal u kuuch bo’olil le loobil violencia mediática.

Ti’al le óoxp’éel iniciativasob le u Presidentei le Comisionob Gaspar Quintal Parra (PRI) tu tusbeeltaj le Secretaria General le u beeta’al le u Proyecto le dictamen ti’al u túuxta’al ti’ le Diputadosob ti’al u xak’alto’ob.

Ka’a cha’ajo’o’olta’ab u xak’alil le iniciativa ti’al u jeltúumbensa’al le Código penal tu yóolal administración pública ti’al u chúukta’al ma’ u k’a’amal taak’in ma’ ojéelan tu’ux ku cha’ik Ja’alachil ti’al u xupik k¿uba’an tumeen Jala’achil Mauricio vial Dosal yéetel u xnoj k’abil María Fritz Sierra

Beey xan cha’ajo’olta’ab u xaak’alil le iniciativa ti’al u beetpajal le u Ley orgánica ti’ le Fiscalía Especializada ti’al combate ti’ corrupción ti’al u lu’umil Yucatán.