Le u Presidentei le molay CODHEY tu k’ubaj u informe tan le LXIII Legislatura

2022-02-24

Tu noj kaajil Jo’, Yucatán 24 ti’ febrero 2022.

Tan Sesión Ordinaria le diputadosil le LXIII Legislatura tu k’amo’ob le u informei u meyajil 2021 ti’ le u presidente le Molay Comisión ti’ derechos humanos ti’ u lu’umil Yucatán Miguel Oscar Sabido Santana.

Le u presidentei le molay CODHEY tu tsolaj, tak le ka’aj tu chukaj le cargo bey u jo’olpo’opil le molayilob tu cha’ajo’oltaj u jelbesik u meyaj ti’al u séebankunsa’al u k’a’amal kajnáalo’ob tumen u jmeeyjil le molay CODHEY ti’al u yutsil kaaj kex yaan u sajbe’entsiliil le pandemia.

Tak walki óoxp’éel ja’aboba’ jel utskíinta’ab le u oficinasi tu colonia México, je’eb junp’ée oficina yiknal Fiscalia General ti’al u jan k’a’amal kajnáalo’ob.

Je’eb xan junp’éel oficina  colonia Tecoh ti’al u k’usa’al le áantaj ku beetik le molayilob ti’al u ts’a’abal tsolxikinil ti’ máaxo’ob k’ala’ano’ob CERESO.

Ichil le nuka’ab meyaj tu beetajob leit’e u jelje’ebel u oficinai tu kaajil Tekax, tu kuuchilil Centro “Rosa Elena Escalante”, beey xan tu máataj junp’éel solar colonia los héroes tu kaajil jo’ ti’al u beetpajal u túumben najil.

Mana’ab xan túumben equipos ti’ computo, le ja’ab ku nats’ala’ kun káasik u meyaj le túumben sistema integral de Gestión de Información ti’al u beeta’al expedientes electrónicos

Le je’elo’, chen wa jayp’éel ti’ le meyaj tak beetaj ti’al u líik’isik u noj chuunil ak tuukul meyaj ti’al ak beetik junp’éel molayil tojbe’ebil yéetel u paakatil kaaj, ti’al u k’a’amal uts yéetel séeba’an kajnáalo’ob.

Le ka’aj tso’ok u t’aane’ le u presidentei le molay CODHEY tu k’ubaj ti’ le Mesa Directivao le u ju’unil le informe u meyajil 2021