Le LXII Legislatura tu k’ubaj le noj chíimpolal Medalla de Honor “Hector Victoria Aguilar” ti’ le promotor ti’ arte yéetel filantropo Adolfo Patron Lujan tumeen u beetmaj le u múuch’ paaxil Orquesta Sinfonica de Yucatán (osy)

2021-02-17

Tu noj kaajil Jo’, u lu’umil Yucatán, 17 ti’ febrero tu ja’abil 2021

U yatan le kajnáal ku k’aaba’tik Margarita Molina de Saldivar  k’am le chíimpolalo’ob tu k’aab le u Presidentei le Mesa directivai le LXII legislatura Luis Borjas Romero, láak’intan tumeen Le u X-noj k’ail Jala’achil Maria Fritz Sierra yéetel le u Magistradai le Tribunal Superior ti’al Justicia Ingrid Priego Cardenas, táan diputados yéetel u diputadasi, u láak’tsilil le máax náajalt le chíimpolalo’ob beey xan táan u yoochel le éet kajnáal Héctor Victoria.

Tu k’aaba u yíichame’ Molina Saldivar tu ts’áaj u diosbo’otikil ti’ le jejeláas múuch’kabil kaaj ikil uchik ts’íibtiko’ob u k’aaba’ le kajnáal ti’al u náajaltik le chíimpolalo’ob, tu yóok’al le noj meyaj ku beetik le u Congresoi k- lu’umil yéetel Jala’achil tumeen ikil u paklam utsbisik u ba’obe’ ku ts’abal u presupuestoi le múuch paaxil OSY ti’al ma’ u xu’ulul.

Beey xan tu chíimpoltaj le u je’ets’el u k’ajóoltal le múuch’paaxil OSY bey Patrimonio cultural ti’al k- lu’umil, le máaxob táakpajo’ob ichil le Patronato k’i’imak u yóolo’ob yéetel le múul chíimpolalil beetan tu yoolal le propuesto, ta’aytak u máan 12 mil kajnáalo’ob ku ejéentik’ob le u proyectoi ikil kuxa’an kaachij le kajnáal Patron Lujan

Le kajnáalo’ob ku tukultik le miatsil yéetel kaambsejil ka’ap’eel ba’al mix bik’iin unaj u jatsikuba’o tumeen u k’aaxile leti’e u chuunil u ust kajtal kaaj. Margarita Molina tu tsolaj,  ku yóok’ol yayaj óolalti’ le u yilal le miatsil bey chéen jats’uts’ ba’al, ma’ k’a’ana’ani ti’al u líik’sal kajnáalo’ob ust, u yíichame, ya’abkach meyaj tu beetaj, ba’ale u tuukul ustkajnáal tu p’ataj  ti’al u yutsil kaaj.

Le u Presidentai le Comisión ti’al postulación ti’ le chíimpolalo’ob Mirthea Arjona Martin tu ya’alaj, noj ba’al u k’ubul le chíimpolal ku k’aaba’tik juntúul kajnáal  tu k’ubaj u kuxtal tu yóolal u meyajil miatsil, ti’al u k’ajóoltal yéetel ti’al u beet le múuch’ paaxil OSY

Tu táanilkúunsaj u ts’aik k’ajóoltbil u paaxil k noj kaaj, le kajnáal Patron Lujan tu jeaj jejeláas Patronatos je’e bix le Conservatorio de las Rosas tu noj kaajil Morelia, Michoacan, tu jo’lintaj le Fundacion Pro- opera, beey xan le u Patronatoi le OSY.

Tu yóok’lal le utsmeyajo’ob tu ya’alaj Arjona Martin ku ts’a’bal u diosbo’otikil ti’ ka’atul kajnáalilo’ob ek –lu’umil, le óolal walki 103 ja’abob jóok’sak le u noj a’almajt’aanil k- lu’umil unaj u tsikbaltal ti’ le túumben kajnáalobo le utsil meyaj tu beetal Hector Victoria Aguilar ti’al u jach na’atpajal bix uchik ak k’uchul tu’ux yano’on yéetel tu’ux kak bin ti’al u yantal junmúuch’ kaaj uts, múul áantajil je’ex bix ak yamyamtik.

Tak tu ts’ook u xu’ulul u kuxtale Hector Victoria tu táakbesuba ichil u k’ajlay noj kaaj bey juntúul máak je’ek’ab u tuukul yéetel u ba’atetik le u noj páajtalil j- meeyjilo’ob.