Lizette Mimenza Herrera túumben Magistrada ti’ le Tribunal Superior ti’ Justicia ti’al u lu’umil Yucatán.

2022-05-18

Tu noj kaajil Jo’, Yucatán 18 ti’ mayo 2022

Audio Maya

 

Yéetel 17 votos  Lizette Mimenza Herrera ts’a’ab ti’ le cargo tumeen le u diputadosi le LXIII Legislatura  bey magistrada ti’al le Tribunal Superior ti’ Justicia ti’al u noj lu’umil Yucatan ti’al 15 ja’ab

Tan Sesión Ordinaria aprobarta’ab chéen tumeen u mayoría le diputadosob le u dictameni le comisiones ti’ Puntos Constitucionales yéetel Gobernación pa’tej yéetel ti’ Justicia uchik u túuxtik le óoxtúul candidatas ti’al u yéeyal le túumben magistradaob.

Le diputada Carmen González Martin (PAN) tu tsolaj tan le comisionbo nuka’an xak’alta’ab le u expedientes le óoxtúul candidatas ti’al u yila’ab wáa ku chukpaxta’al le requisitos ku k’áata’al tumeen le articulo 65 ti’le u noj a’almajt’aanil u lu’umil Yucatán yéetel xak’alta’ab ba’ax seen meyajil u beetmaj le candidatasob

Le diputada González Martin le procedimiento ti’al u yéeya’al le túumben magistradaob beeta’ab je’ex bey jesta’an ichil jejeláas artículos ti’ a’almajt’aan.

Le diputada Karla Salazar González (PAN) tu ya’alaj tu favor yaan ti’ le dictameb tumeen le óoxtúul candidatasob xko’olelo’ob jach xooknaja’ano’ob yéetel úuch káajak u meyajio’ob bey servidoras públicas , jach uts ila’ano’ob tumeen kaaj

Le diputada Dafne López Osorio (PAN) tu túuxtan t’aan tan Tribuna ti’ u láak’ diputadosob ti’al u tseliko’ob tu t’aano’ob le kaas tuukul yéetel ka’ u tak’ubao meyaj tu yóolal ek lu’umil tumeen bey u k’áat kajnáalo’ob ti’ le diputadosob

Tu contra le dictamen t’aanaj le diputadas ti’ Morena Alejandra Novelo Segura, Jazmín Villanueva Moo, Rubí Be Chan, tumeen ma’ tun aprobartiko’ob u xche’ets’a’abal cargo ti mixmáak wa ma’atech u chukpaxtikoob le requisitos ku k’áatalob le óolal tu xúump’ajto’ob le u kúuchilil le sesión ti’ le Comisionob tu’ux tu tsolajo’ob le candidatason ba’axten ku kaxáantiko’ob le cargo

Le ka’aj ts’o’ok le yéeyajil le túumben magistradaob le u Diputadosi le Juntai Gobierno yéetel Coordinación Política le Congreso tu láak’into’ob tak tu táanil le Pleno le xkajnáal a Lizette Mimenza Herrera ti’al u ch’aik protesta bey magistrada ba’ale le diputada Alejandra Novelo Segura ma’a tu beetaji’i.

Ichil asuntos generalese le u diputadoi PAN Esteban Abraham Macari tu k’ubaj junp’éel iniciativa ti’al u jeltúumbensa’al u a’almajt’aanil kaambesajil tu yóolal le k’oja’anil Trastorno por Déficit de Atención e Hiperactividad.

Le u diputadoi Nueva Alianza Crescencio Gutiérrez González tu túuxtaj ki’imak óolil tu yóolal le u centenarioi le péeksil kaambalil normalismo Rural uchik u je’ebel le jejeláas najil xook normales Rurales tu noj lu’umil México, le u najil xook tu kaajil Uayalkej, beey xan San Diego Tekax.

Le u diputadai PAN Dafne López Osorio tu k’ubaj u iniciativai ti’al u jeltúumbensa’al u a’almajt’aanil kaláantik xko’olel , ti’al tooj óolal yéetel kaambesajil tu yóolal le loobil violencia ti’ genero.

Le u diputadai PAN Melba Gamboa Ávila tu k’ubaj junp’éel iniciativa tu yóolal bix ku beeta’al le Sesión ti’al instalación ti’ túumeb ayuntamientos, ichil le a’almajt’aan Ley de gobierno de los municipios ku sáasilts’íibta’al bix kun beeta’al ti’al u káajal u meyaj túumben alcaldes.

Tu xuule’ le u diputadoi Morena Rafael Echazarreta Torres tu k’ubaj u iniciativa ti’al u jeltúumbensa’al u a’almajt’aani IEPAC yéetel ti’ Poder Legislativo tu yóolal u páajtalil wa derechos políticos electorales máasewáal kaajo’ob.