Ku k’u’ubul iniciativa tu yóolal aj ts’éemwakax ti’ u lu’umil Yucatán

2022-09-07

Tu noj kaajil Jo’, Yucatán 7 ti’ septiembre 2022

Audio Maya

Le u diputadoi le Partido Acción Nacional Esteban Abraham Macari na’ak Tribuna ti’al u k’ub junp’éel iniciativa ti’al u beeta’al u túumben a’almajt’anail u lu’umil Yucatán Ley de Desarrollo Ganadero ti’al u beeta’al nu’ukbesajil  keet je’ex bix k’a’ana’an ti’ le u meyajil pecuario

Tan Sesión ordinaria le diputado Abraham Macari tu tsolaj le iniciativao múul ts’íibta’al uchik u beeta’al le tsíikbalil Parlamento abierto yéetel máaxo’ob jo’olintik le sector ganaderos, pecuarios ti’al u ch’enxikinta’al ba’ax seen talamil ku máansiko’ob ti’al u mu’uk’ankúunta’al u meyajil ganaderia tu lu’umil Yucatán

Yéetel le túumben a’almajt’aanila’ ku kaláanta’al máax kun okolta’al u wakax, kun beytal u séeb áanta’al

Le u diputadai PRI, Karla Franco Blanco tu k’ubaj ka’ap’éel iniciativas, yáax junp’éele’ ti’al u jeltúumbensa’al u a’almajt’aanil Ley de los Derechos de las Niñas, Niños y Adolescente ti’al u tusbeelta’al u beeta’al payt’aanil ti’al ma’ u seen nonojchajal u yo’omchajal xlo’bayano’ob, le u ka’ap’éelilo’ ti’al u jeltúumbensa’al u a’almajt’aanil la Ley de los Trabajadores al Servicio del Estado y Municipios de Yucatán ti’al u nonojkíinsa’al jayp’éel k’iin le licencia ti’ paternidad

Le u diputada  Morena, Alejandra Novelo Segura tu k’ubaj junp’éel iniciativa ti’al u jeltúumbensa’al le articulo394 Quinquies ti’ le  Código Penal ti’al u jeltúumbensa’al bix u jetsa’al le loobil feminicidio ti’al u keetkúunsa’al ichil a’almajt’aano’ob nivel federal

Le diputado Rafael Echazarreta Torres (Morena) tu proponertaj junp’éel Punto de acuerdo ti’al beytal u nupikuba le kap’aéel Comisiones ti’ Medio Ambiente pa’tej yéetel  Desarrollo Urbano,  ti’al u pakalmxak’altiko’ob iniciativas yaan u yil yéetel le u talamil ja’ tu lu’umil Yucatán ti’al xan u beeta’al u a’almajt’aanil Ja’ ti’al u kaláanta’al ma’ u xu’ulul Ja’ tu lu’uimil Yucatán.

Le  diputada Jazmín Villanueva Moo tu k’áataj ti’ le Mesa Directivaob ka u k’ub junp’éel informe ti’ jayp’éel amparos ts’okan u beeta’al uchik u jeltúumbensa’al u a’almajt’aanil ISSTEY

Le u presidentai le Mesa Directivaob Pilar Santos Díaz tu beetaj tan le Pleno le declaratoria ti’al u ts’aik u yojéelt tuláakal u kajnáalilo’ob u lu’umil Yucatán le u káajal u tsikbe’enil le decreto jóok’sa’ab tu k’iinil 9 ti’ agosto uchik u jeltúumbensa’al u noj a’almajt’aanil u lu’umil Yucatán tu yóolal le páajtalil Movilidad yéetel Seguridad vial

Beey xan aprobarta’ab le dictamen tu beetaj le Comisión de Vigilancia, Cuenta Pública, Transparencia yéetel Anticorrupción ti’al ma’ u ratificarta’al ti’ le cargo bey contralor ti’ le molayilo’ob Instituto Estatal de Transparencia, Acceso a la Información y Protección de Datos Personales (INAIP) y de la Comisión de Derechos Humanos del Estado de Yucatán (CODHEY).

Beey xan u mayoría le diputadosob tu aprobato’ob le proyectoi le dictamen tu’ux yaan 105 informes individuales ti’ le auditoria superior ti’ cuenta pública ti’ le ejercico fiscal 2020 ti’ 30 molayilo’ob yéetel 75 municipios

Tan le pleno ts’a’ab ojéeltbij k’a’am oficios túuxta’an tumeen le Congreso de la unión, le u méek’tankaajilo’ob de Chapab, Panabá, Santa Elena yéetel Temozón