INFOMAYA

Ku je’eba’al junp’éel e’esajil exposición fotográfica ti’ Trova Yucateca tu noj najil Congreso

2022-09-21

Tu noj kaajil Jo’, Yucatán 21 ti’ septiembre 2002

Ichil le jun jaatsil meyaj ti’al u payt’a’anal u ba’alobáay miatsil ti’ u lu’umil Yucatán le noj mola’ay Congreso nupa’an yéetel le Museo de la canción yucateca tu je’epajo’ob le cha’anil Exposición fotográfica ku k’aaba’tik Trova yucateca ikil u chíimpolta’al le u meyaj ajpaaxo’ob, máaxo’ob ku ka’ansiko’ob, yéetel u paxiko’ob le trova, ku je’epajal tu k’iiinl 21 tak 27 ti’ septiembre tu noj kúuchilil Legislativo

Le u presidentei le u Juntai Gobierno yéetel Coordinación Política le Congreso diputado Víctor Hugo Lozano Poveda tu tsolaj ichil u tuukul meyaj jets’a’an tumeen le Legislatura leti’e u mantats’ k’a’aytik meyajilo’ob ti’al u k’ajóolta’al u miatsilil beey xan le trova ka’a kájóolta’al ichil tuláakal k- lu’umil

Le u Secretaria le Consejo directivo ti’ Museo de la canción Elena Fernández Moral tu ts’áaj u diosbo’otikil  ti’ le Congreso ikil u je’ik u joolnajil ti’al u beeta’al le cha’anil ti’ le ba’alo’ob ku beetik le museo

Luis Pérez Sabido ajka’ansaj ti’ paax tu tsikbaaltaj le ba’alo’ob beeta’ab ti’al u kajóolta’al le paaxil trova yucateca tak úuch je’ex bix le máank’inal serenatas de santa lucia ku beeta’al láajal jueves, le u much’al le Asociación Civil  Museo de la canción yucateca yéetel u chíimpolta’al le Trova yucateca bey Patrimonio Cultural tumeen le Congreso tu ja’abil 2016

Le diputada presidenta ti’ le Comisión ti’ Miatsil maya Manuela Cocom Bolio tu tsolaj, le noj mola’ay poder Legislativo  je’eik kúuchilo’ob ti’al u náats’al kajnáalo’ob yéetel u cha’antiko’ob le u yoochelil le trova yucateca

Le máank’inalo’ob jo’olinta’ab u káajal tumeen Ana Méndez Petterson, ti’ le mola’ay  secretaria de la Cultura y las Artes de Yucatán ku jo’olintik Loreto Villanueva Trujillo. Beey xan le diputadas Carmen González Martín, Pilar Santos Díaz, Karem Achach Ramírez, Karla Salazar González, Melba Gamboa Ávila, le diputados Raúl Romero Chel, Luis Fernández Vidal y Esteban Abraham Macari, de la Fracción Legislativa (PAN.) le diputada Fabiola Loeza Novelo yéetel  le diputado ti’ Nueva Alianza, Crescencio Gutiérrez González.

QUEREMOS SABER DE TI, DEJA TU MENSAJE