INFOMAYA

Le LXII legislatura tu aprobartaj minutas federales

2021-04-15

Tu noj kaajil Jo’, u lu’umil Yucatán, 15 ti’ abril ti’ u ja’abil 2021


Be Consituyente permanente le Congresoa, le diputados yéetel diputadasob tu múuch’ aprobartob óoxp’éel u dictamenesi minutas ikil u jeltúumbensa’al u noj a’almajt’aanil u noj lu’umil Mexico túuxta’an tumeen le u Camari Senadores, ti’al u jeltúumbensa’al le articulo 74 tu yóolal partida secreta, ti’al u xu’ulul u líik’sa’al le taak’iin jets’a’an ka’ach ichil le u presupuestoi egresos ti’ federación

Le u ts’ook ka’ap’éelo’ob ti’al u jeltúumbensa’al ichil u ts’íibilil le articulo 43 u túuumben k’aabai le péet lu’umilo’obb Veracruz, bejlae
Veracruz de Ignacio de la Llave, yéetel ti’ Michoacán, bejlae Michoacán de Ocampo
Le sesión ordinaria beeta’ab tu k’iinil jueves, káaj yéetel junsúutukil xma’a t’aanil tu yóolal u yaj óolalil uchik u k’íimil le u suplente le Dip. Marcos Rodríguez Ruz, le ex alcaldei Kanasin Carlos Manuel Canche Baas.

Táan le plenaria tu ch’a’aj u compromiso constitucional le kajnáal Alberto Baltazar Novelo Pérez bey u túumben Diputadoi le legislatura, tu lugar Luis Borjas romero, máax tu k’áataj licencia


Beey xan le legislatura tu aprobartaj licencia ti’ ka’atúul diputadas, Lila Frías Castillo u Diputadai le distrito local IX yéetel ti’ Janice Escobedo Salazar u Diputadai le distrito XII local wey t- lu’umil

Aprobartab xan le u náajaltik le chíimpolal “A la Excelencia Docente”  el ajk’a’ansaj José Dolores Chan Cuevas tu yóolal le utsmeyaj ts’aa xook ku beetik ikil u ka’ansaj yéetel le túumben nu’u’kulo’ob


Le u Dip PAN Miguel Rodríguez Baqueiro tu tsolaj, le ajkana’ansaj náajalt le chíimpolalob ts’íibta’ab u k’aaba tumeen le u Presidentai le Consejo ti’al Participación escolar ti’al educación tu yóolal le nuka’an meyaj ku beetik tumeen juntúul ajkan’ansaj ku ts’aaj xook yéetel ku ka’ansik u nu’ukbesa’al le túumben ba’alo’ob ti’al u ma’alo’ob kaambal xoknáalo’ob

Ti’ le Comisión ti’ Puntos Constitucionales yéetel Gobernación túuxta’ab ti’ le iniciativa ti’al u jeltúumbensa’al le u a’almajt’aanil Poder Legislativo yéetel u Reglamentoi tu yóolal u informes láalaj Diputado, beey xan ts’a’ab ojéeltbi k’a’am oficio ti’ le u Presidentei le Consejo Local yéetel vocal ejecutivo ti’ le u Juntai Local ejecutiva ti’ le molay Instituto Nacional Electoral Fernando Balmes Pérez

Ichil asuntos generalese, le u Dip PAN Manuel Díaz Suarez tu k’ubaj junp’éel iniciativa ti’al u beetal le chíimpolal Reconocimiento Médico del año en Yucatán, ti’al u chíimpolta’al le uts meyaj ku beetik ajkts’akyajilo’ob k –lu’umil


Tu súutukil u t’aan tribunae le u Coordinadori PRI Felipe Cervera Hernández tu k’aaba’ u diputadosil PRI tu k’ubaj junp’éel iniciativa ti’al u jektúumbensa’al le u yáax yéetel ka’a jaatsilil le articulo 51 ti’ le a’almat’aan la Ley de Acceso a las Mujeres a una Vida Libre de Violencia, túuxta’ab ti’ le Comisión ti’ Igualdad ti género


Le Dip PAN Kathya Bolio Pinelo tu túuxtaj t’aan ti’ Gobierno Federal ti’al ma’ u xu’ulul u túuxtik u ts’aakil cáncer ti’al mejen paalalo’ob tumeen mina’an, beey xan ti’al u vacunarta’al tu yóolal covid 19 máaxo’ob ts’aayal cáncer ti’ob, beey xan máaxo’ob yaan diabetes tipo 1 yéetel u ajts’akyajilo’ob clínicas privadas.

Ka’aj ná’ak tribuna le u Dip  MORENA Miguel Candila Noh, tu tsolaj, le vacunasob táan u ts’a’abal sáansamal ba’ale ma’ wáa kantúul u kajnáalilo’ob k lu’umila, 126 millones éet kajnáalilo’ob, le Gobierno Federalob táan u kaxantik bix je’el u béeytal u vacunarta’al tuláakal máak.

Señalización en Braille

Táan le Comisión Especial ti’al Desarrollo Humano k’áata’ab ka beeta’ak u proyevtoi le dictamen ti’al u jeltúumbensa’al le u a’almajt’aanil Protección civil tu yóolal u ts’íibili u t’aanil braile k’uba’an tumeen u Dip PRI María Moisés Escalante ti’al u béeykunsa’al u táakmukta’al máaxo’ob ma’ sáasil yicho’obi

T’o’ox xan ti’ le Diputadosob le oficios túuxta’ab tumeen le Consejería Juridica Jala’achil tu’ux ku tsoliko’ob ba’ax ku tukultiko’ob tu yóolal le iniciativa, beey xan tu yóolal le iniciativa ti’al u jeltúumbensa’al le a’almajt´aan la Ley para la Atención, Protección e Inclusión de Personas con la Condición del Espectro Autista k’uba’an tumeen le diputadas Silvia López Escoffié y Milagros Romero Bastarrachea.

 

QUEREMOS SABER DE TI, DEJA TU MENSAJE