Ku ts’a’abal kájóoltbil le u proyectoi presupuestal ti’ bajun ken u xup le noj mola’ay Poder Legislativo ti’al u ja’abil 2023

2022-10-12

Tu noj kaajil Jo’, Yucatán 12 ti’ octubre 2022

Tan Sesión ordinaria le diputados yéetel diputadas tu aprobarto’ob le u proyectoi presupuestal ti’ bajun ken u xup le noj mola’ay Poder Legislativo ti’al le ejercicio fiscal 2023 beeta’an tumeen le u Juntai Gobierno yéetel Coordinación Política le Congreso

Junp’éel múul meyaj beeta’an tumen tuláakal le partidos políticos táakpaja’an ichil le JUCOPO tumeen le jejelás t’aano’ob ku ch’enxikinta’al, le ka’aj káaj u meyaj le LXIII Legislatura ku táanilkúunsik le paklamtsikbalil ikil u beeta’al iniciativas

Le documento ku jets’ik le u presupuesto Legislativo chen ti’al Congreso de $147,623,925.87, ti’al le Auditoria Superior de (ASEY) $94,786,207.75, tu ka’ap’éelal ku chukik de $242,410,133.62.

Ku nonojkíimpajal 5.2% ti’al Congreso yéetel 5.4% ti’al ASEY

Tan pleno múuch’ aprobarta’ab tumeen le diputadosob le dictamen túuxta’an tumeen le Comisión ti’ Puntos Constitucionales tu yóolal le chuunt’aanil Paridad Horizontal ti’al u tuusbeelta’al u ts’a’abal cargos ti’ xko’olelo’ob yiknal ayuntamientos

Le diputada ti’ PAN, Carmen González Martín tu tsolaj, le Legislatura ku táanilkkúunsik u tsíkbe’enta’al u tojbe’entsilil xko’olelo’ob ti’al u táakpajlo’ob ichil cargos

Le diputada ti’ PRI Karla Franco Blanco tu ya’alaj, chéemp’elak u káajal u ts’ikbe’enil le reformaob unaj u beykunsa’al u yantal cargos ti’ xko’olelo’ob tu’ux ku ch’a’abal táan

Beey xan le diputadosob tu aprobarto’ob le dictamen ti’ le Comisión ti’ Puntos Constitucionales tu yóolal le iniciativa k’uban tumeen le u diputadai Morena Alejandra novelo Segura tu yóolal mociones, bejlae jets’a’ab 7 minutos ti’al u na’akal tribuna juntúul diputado wa diputada ti’al u t’aan tribuna

Ichil asuntos generales le u diputado PRI, Gaspar Quintal Parra tu k’ubaj junp’éel iniciativa ti’al u jeltúumbensa’al le u noj a’almajt’aanil Yucatán  ti’al u chíimpolta’al u derechos políticos migrantes ti’al u beetikubaob candidatos, le diputada Rubí Be Chan yéetel el diputado Eduardo Sobrino Sierra tu táakbesubaob ichil le iniciativaob.

Le diputada ti’ Movimiento Ciudadano, Vida Gómez Herrera tu k’ubaj junp’éel iniciativa ti’al u tusbeelta’al u kájóolta’al le 19 ti’ noviembre bey “Día de la Mujer emprendedora” ti’al u chíikbesa’al  le u yóolil meyaj ti’al u táanilkúunsikuba xko’oleo’ob, ichil le niiciativaob tu táakbesubaa le diputada Fabiola Loeza Novelo yéetel le  diputado Eduardo Sobrino Sierra

Le  u diputadai Morena, Jazmín Villanueva Moo tu k’ubaj junp’éel iniciativa ti’al u jeltúumbensa’al u a’almajt’aanil kaambesajil tu yóolal u je’ets’el  tumeen u jolpo’opilo’ob kaambesajil bajux kun páajtal u bo’otpajal ti’ najil xook privadas ti’al ma’ u píitmáano’ob

Le diputada ti’ PAN, Dafne López Osorio tu k’ubaj junp’éel punto de acuerdo ti’al u túuxta’al t’aan ti Ayuntamientos ti’al u táakbesubaob ti’ le payt’aanil ku beetik Jala’achil ichil le Consejo municipal de salud mental, brigadas de salud mental beey xan le u beetik payt’aanil ti’al u nu’ukbesa’al tecnologías digitales ti’al u ch’úukta’al u tooj óolal tuukul kajnáalo’ob

Le diputado Rafael Echazarreta Torres (Morena), tu xokaj junp’éel punto de acuerdo tu’ux ku ejéentik le tak poolil ku beetik u noj jala’achil u lu’umil México tu yóolal le ts’oon ku seen kona’al tumeen Estados unidos ti’ k’aasil máako’ob

Le diputada Fabiola Loeza Novelo na’ak tribuna ti’al u t’aan tu yóolal u meyajil salud mental kex yaan programas ba’ale una u chúukpbesa’al u presupuestoi

Le diputado ti’  PRD Eduardo Sobrino tu tsolaj tan tribuna le u táakbesa’al tuláakal máax ichil le u yéeyajil le rector ti’ le noj najil xook UADY

Tu xuule’ le Mesa directivaob tu túuxtaj ti’ jejeláas comisiones iniciativas uch k’uba’ak ti’al u káajal u xak’alta’al

Xo’ok xan oficios k’ama’an ti’ le Legislaturas ti’ Campeche, Hidalgo, Chihuahua.