Le Comisión ti’ Puntos Constitucionales yéetel Gobernación ku káajesik u xaak’alil jejeláas iniciativas

2022-10-25

 Tu noj kaajil Jo’, Yucatán 25 ti’ octubre 2022

Tan sesión ti’ le Comisión ti’ Puntos constitucionales yéetel Gobernación káasa’ab u xaak’alil jun jaats iniciativas

Yáaxile’ u jeltúumbensa’al u noj a’almajt’aanil u lu’umil Yucatán tu yóolal u páajtalil wa derechos artesanos yéetel artesanas, bey k’uba’an tumen le diputadas Karla Franco Blanco (PRI) Manuela Cocom Bolio (PAN), le diputados Gaspar Quintal Parra (PRI) Rafael Echazarreta Torres (Morena).

Beey xan le inicaitva ti’al u táabsa’al túumben jaatsil le artículo 2, artículos 34, 37, 40, 56, 61, 63, 65, 77, 81,89 yéetel 96 ti’ le u a’almajt’aanil le mola’ay derechos humanos, bey k’uban tumeen le u diputadoi Nueva Alianza, Crescencio Gutiérrez González

Le iniciativa k’uban tumen le diputada pilar Santos Díaz (PAN) ti’al u jeltúumbesa’al le u a’almajt’aanil registro civil ti’al u tusbeelta’al u suta’al ichil maásewáal t’aan le actas

Le iniciativa ti’al u jeltúumbensa’al le códigoi administración publica tu yóolal u ch’úukta’al u meyaj mejen paalal, bey k’uban tumeen u diputadosi PRI, Karla Franco Blanco y Gaspar Quintal Parra

Táakpaja’an xan le iniciativa ti’al u jeltúumbensa’al le articulo 8 ti’ le u a’almajt’aani planeación ti’al desarrollo municipal, le articulo 79 ti’ le u a’almajt’aanil municipios Kuban tumeen le diputadai PAN Melba Gamboa Ávila yéetel Rafael Echazarreta Torres (Morena) ti’al u tusbeelta’al u p’íitkunsa’al le u nu’ukbesa’al ju’un ti’ oficinas gubernamentales tu yóolal le Gacetas municipales

Le iniciativa k’uban tumen le diputado Erik Rihani González (PAN) ti’al u jeltúumbensa’al le articulo 2 ti’ le u noj a’almajt’aanil  ti’al u tusbeelta’al u kaláanta’al u ja’il ek lu’umil

Tu ts’ooke’ le iniciativa tu yóolal representación popular ti’ migrantes k’uban tumeen le  diputadas Karla Franco Blanco (PRI), Rubí Be Chan (Morena) y le diputados Gaspar Quintal Parra (PRI) Eduardo Sobrino Sierra (PRD).