Le LXIII Legislatura tu aprobartaj le paquete presupuestal ti’al u ja’abil 2023

2022-12-07

Tu noj kaajil Jo’, Yucatán 7 ti’ diciembre 2022

Tan sesión ordinaria le u mayoriai le u diputadosi le LXIII Legislatura tu aprobarto’ob le dictamen ti’ le Comisión ti’ Presupuesto, Patrimonio Estatal yéetel Municipal tu’ux ku jets’a’al le u presupuesto u Jala’achil u lu’umil Yucatán ti’al u ja’abil 2023, u jeltúumbensa’al le u a’almajt’aanil Hacienda, Código Fiscal, ti’ Presupuesto yéetel Contabilidad Gubernamental yéetel tu yóolal le Consejo Consultivo ti’ presupuesto

Ichil entrevista le u presidentei le u Juntai Gobierno yéetel Coordinación Política ti’ le Congreso Víctor Hugo Lozano Poveda   tu tsolaj le u lu’umil Yucatán ku máan táanil ichil tuláakal petlu’umilo’ob tu yóolal le Consejo Consultivo tu’ux ku aprobarta’al presupuesto tumeen táakpaja’an Cámaras jejeláas u múuch’kabil especialistas yéetel jo’olinta’an tumeen u Jala’achil u lu’umil Yucatán Mauricio Vila Dosal

Tu favor le dictameni le paquete presupuestal t’aanaj le u diputadoi PAN tu tsolaj, le ba’ax k’a’a’ana’an ti’ u kajnáalilo’ob táanilkúunsa’ab beey xan paklamtsikbalta’ab yéetel u integrantesi le Consejo Consultivo ti’ le presupuesto

Tu yóolal le u presupuestoi egresos wa xuup tu ya’alaj, ku na’aksa’al le u presupuestoi kaambesajil,ts’aakankil, transporte público, obras, programas yéetel ti’al seguridad publica

Le u diputadoi Nueva Alianza Crescencio Gutiérrez González tu k’a’asa’aj tan Tribuna le u noj tuukulil le paquete fiscal leti’e u jets’ik u chuunmeyajil yéetel jets’eknakil ti’ kajnáalo’ob

Tu yóolal le presupuestoi aprobado le u diputadoi PRI Gaspar Quintal Parra tu tsolaj, le u partido u k’áat u tojbe’ebtsilil keet ti’a tuláakal kajnáalo’ob yéetel programas ti’al u xu’ulsa’al u ja’atsal kaaj,yéetel pech’ óolalil

Le u  diputadoi PRD, Eduardo Sobrino Sierra  ku k’amik uts le u nonojkíinsa’al le u presupuestoi Yucatán tumeen Gobierno federal ti’al u ja’abil 2023 beey xan ku chíimpoltik le uts meyaj ku beetik u Jala’achil Yucatán tu yóolal le proyectos ku beetik tu yóolal u yutsil kajnáalo’ob je’ex le túumben hospital O’Horan kun beeta’alob

Le u  diputadai Movimiento Ciudadano, Vida Gómez Herrera tu ya’aj, le u voto tu yóolal le presupesto tu favor ba’ale yaan u chúuktiko’ob u xu’upul ti’al le ba’ax tukulta’ano’ob

Le diputada Fabiola Loeza Novelo tu tsolaj le u a’almajt’aanil ingreso ku taasik u páajtalil u nonojtal le u bo’ota’al impuestos tumen kajnáalo’ob ba’ale tu túuxtaj t’aan ti’ le jejeláas jolpo’opilo’ob ti’al u nu’ukbesa’al uts

Le u  diputadasi Morena, Alejandra Novelo Segura, Rubí Be Chan tu contra votarnajo’ob le paquete fiscal tumeen ku k’áata’al taak’ni chéen ti’al u xupa’al ti’ ba’ax ma’ k’a’ana’an ti’ kajnáalo’ob, ku nonojtal le taak’in ku k’áata’al chéen ti’al u xup gobierno

Le diputada Jazmín Villanueva Moo yéetel diputado  Rafael Echazarreta Torres tu contra xan votarnajo’ob tumeen ichil le paquete fiscal mina’an u tuukulil u tojbe’entsilil kaaj, mina’an plan de desarrollo turístico, ba’ale ku nonojtal u presupuestoi turismo.

Tan sesión desecharta’ab le u iniciativai u kaajil Izamal yéetel Tixkokob tu’ux ku k’áatiko’ob ka’achij ka’a cha’abak u majáantiko’ob taak’in

Aprobart’aba tumeen tulpaakal le diputadosob le u dictameni le iniciativa ti’al u nonjkíintaa’al le bukaj taak’in ku beytal u páxiko’ob le u kaajilo’ob Tekax yéetel Tinum tu yóola obras publicas

Aprobata’ab tumen tuláakal le diputadosob le dictamen ti’al u máansa’al tu k’áaba’ le u kúuchilil ts’aakankil tu kaajil Tekax ti’ le mola’ay Instituto de salud para el bienestar

Terna de magistrados

Tan sesión ti’ pleno túuxta’ab ti’ le Comisión ti’ Puntos constitucionales yéetel Gobernación le u listao le candidatas yéetel candidatos ti’al magistrados tu’ux yaan Carlos Cetina Patrón, Mauricio Tappan Silveira, Manuel Monforte Cuevas.  Eugenia Ávila Novelo, Mersy Arjona Díaz yéetel Aurelia Marfil Manrique.

 Ichil asuntos generales le u diputadai PAN Carmen González Martín tu k’ubaj u iniciativai ti’al u beeta’al le chíimpolal “Elvia Carrillo Puerto2 , unaj u náajalta’al tumeen máax ku ba’atetik u derechos políticos, kaambesajil xko’olelo’ob tu lu’umil Yucatán