Víctor Maravé Canché nuka’aj u k’amik le chíimpolal Reconocimiento “Diputado Profesor Pánfilo Novelo Martín”

2023-01-05

Tu noj kaajil Jo’, Yucatán 5 ti’ enero 2023

Víctor Maravé Canché, máax náajalt le chíimpolal Reconocimiento “Diputado Profesor Pánfilo Novelo Martín” ts’a’ab u yojéelt unaj u k’amik tan Sesión solemne tu k’iinil 9 ti’ enero 2023 tu yóolal le uts meyaj kaambesajil ku beetik, tu yóolal u meyajil deporte yéetel u miatsil ek lu’umil

Le u diputado  Luis Fernández Vidal presidente ti’ le Comisión ikil u k’u’ubul le chíimpolal Diputado Pánfilo Novelo Martín tu xokaj le oficio yéetel tu ts’áaj u ki’imak óolil ti’ le ajka’ansaj Víctor Maravé

Tu tsolaj yáax juntéenakil ku náajaltik juntúul nojolil kajnáal tumeen suuk u náajtala’al tumeen juntúul lak’inil kajnáal je’ex tu kaajil Valladolid

Le ajka’ansaj Víctor Maravé tu tsáaj u diosbo’otikil tu yóolal uchik u jets’a’al u náajaltik le chíimpolalob

Láakinta’an tumeen u yatam Libia Sosa Sánchez yéetel u paalal Leny yéetel  Zizinet Maravé Sosa, tu ya’alaj, tak tu chichnil jach uts tu yich le u miatsil ek lu’umil tu yóolal le ba’ax tu kanaj ti’ u noolo’ob yéetel u taatatsil

Akajna’ansaj ti’ educación, juntúul máak’ deportista káaj tu ja’abil 1970, tak bejlae ku jo’olintik le u beeta’al le ketlam áalkab tu kaajil Muna

Tu ja’abil 1971  tak 1988 tu jo’olbesaj le u beeta’al le kúuchil  Unidad Deportiva “Emiliano Zapata tu kaajil Muna

Tu ja’abil 1973 tu jo’olesaj u káajal u beeta’al le Carrera Atlética del Mayab ku káajal tu kúuchilil  zona arqueológica  Uxmal ku k’uchul tak tu kaajil Muna

Tu ja’abil 1977 táakpaj ichil u kaxanil úuchben ba’alo’ob ti’ u miatsil Yucatán pa’tej yéetel le antropólogo Luis Ramírez Aznar tumeen tu xíimbato’ob le u puukil Muna, beu ts’íibta’ab ichil le áanalte’ “Puuc”, tu’ux yaan u k’aaba’ Maravé Canché

U náajaltmaj le chíimpolal Premio Estatal del Deporte 2005”  bey promotor ti’ le ketlam áalkab Mayab