INFOMAYA

Le u Congresoi Yucatán ku nakpachtik “Distintivo Violeta” nu’ukulil ti’al u tóoch’besa’al yéetel u kaláanta’al u xmeeyjiloo’ob le noj mola’ay poder Legislativo

2023-01-31

Tu noj kaajil Jo’, Yucatán, 31 ti’ enero 2023

Ikil u ch’a’a’jo’olta’al le u yantal u nu’ukulil ti’al u kalanil xko’olelo’ob, le u k’ajóolta’al u páajtalil yéetel u chúukta’al ma’ u pech’ óoltalo’ob tu noj najil Congreso le diputadas yéetel diputados tu múultsíibto’ob le u yóolil wa carta compromiso pa’tej yéetel le mola’ay secretaria de las mujeres ti’al u táakpajal ichil le meyaj “ “Distintivo violeta”

Le u presidentei le Juntai Gobierno yéetel Coordinación política diputado Víctor Hugo Lozano Poveda tu tsikbaltaj u ki’imak óolil tu yóolal u nakpachta’al le compromiso ti’al u yantal junpéel uts kúuchilil meyaj ti’al xko’olelo’ob tu noj najil Congreso

Lozano Poveda tu k’a’asaj le ka’ach kuxa’an le úuchben xko’oleolo’ob Consuelo Zavala Castillo, presidenta ti’ le yáax Congreso Feminista; Elvia Carrillo Puerto,yáax ko’olel diputada local e éetel Antonia Jiménez Trava, yáax ko’olel ku jo’olintik le noj mola’ay le Tribunal Superior ti’ Justicia.

Le u coordinadori le u diputados PAN tu ya’alaj yáax juntéenakil nonoj xko’olelo’ob táakan ichil le Legislatura, le óolal ku k’ajóolta’al bey  “Legislatura de la Mujer” beey xan ku beetik a’almajt’aan ti’al xko’olel je’ex “Ley 3 de 3 Contra la Violencia”múul beeta’al yéetel kaaj, le óolal yáax congreso aprobartik

Le u xjolpo’opil Secretaria de las Mujeres María Cristina Castillo Espinosa tu ya’alaj ki’imak u yóol tu yóolal le compromiso ku ch’aik congreso, tu yóolal le múul meyajil ti’la u kaláanta’al xko’olelo’ob

 Le “Distintivo Violeta” ku muk’ank’uunsik u meyajil le u kaláanta’al u tojbe’entsilil xko’olelo’b ti’al u kuxtal xma’ pech’ óolalil, ti’al u nonojkíinta’al u presupuestoi tumen Congreso ti’al u beeta’al programas ti’al u yutsil xko’lelo’ob

Le u presidentai le Mesa Directiva Diputada Pilar Santos Diaz tu tsolaj mantast’ tan u chuumbesa’al le compromiso beet’ak tu yáax k’iinil meyaj le legislatura ti’al u kaláanta’al xko’olelo’ob yéetel u beeta’al meyaj ti’al u nojba’alkúunsa’alo’ob

Táakpajo’ob le diputados Karen Achach Ramírez, Manuela Cocom Bolio, Dafne López Osorio, Carmen González Martin, Melba Gamboa Ávila, Fabiola Loeza Novelo, Vida Gómez Herrera, diputados Erik Rihani González, Jesús Pérez Ballote yéetel Esteban Abraham Macari.

QUEREMOS SABER DE TI, DEJA TU MENSAJE