Ku ku’u’bul le Chíimpolal Reconocimiento a la Excelencia Docente.

2021-05-04

 Tu      noj kaajil Jo’, u lu’umil,Yucatán, 4 ti’ mayo, tu ja’abil 2021.

Le LXII legislatura  tu k’ubaj le chíimpolal “A la Excelencia Docente” ti’ le ajka’ansaj José Dolores Chan Cuevas tu yóolal le uts meyaj ts’aa xook ku beetik wey t- lu’umil, ikil u k’iimbesa’al le máank’iinal Dia Del maestro tu k’iinil 15 ti’ mayo

 
Táan Sesión solemne, k’u’ub ti’ le chíimpolalo’ob tumen le u Presidentei le Mesa Directivao Marcos Rodríguez Ruz (PRI), le u Xno’ojk’abil Jala’achil María Fritz Sierra, le u Secretaria Kaambesajil Loreto Villanueva Trujillo, le u Magistradoi le Tribunal superior ti’ justicia Santiago Altamirano Escalante, beey xan Jolpo’opilo’ob yéetel u láak’tsil le ajka’ansajo’ob

Le ajka’ansaj k’am le chíimpolalo’ob tu túuxtaj t’aan ti’ u láak’ ajka’ansajo’ob ti’al ma’ u xu’ulul u mantants kaambalo’ob ti’al u béeytal u ketikubao ichil le kuxtalil mantats’ ku bin u k’expajal ti’al u béeyikunsiko’ob u yantal ma’alo’ob kaambalil tumen junp’éel u páajtalil kajnáalo’ob

Tu tsikbaltaj, tu yóolal le coronavirus leti’e mejen paalal ku seen muk’yajtiko’ob loobil, le jun jaats meeyjilo’ob anchaj u k’exiko’ob bix kun meyajo’ob leti’e ajka’ansajo’ob, máaxo’ob kex yaan u sajbe’entsilil ti’ u tooj óolalo’ob ma’ xu’ulu u bino’ob ts’aaj xook ti’ mejen kaajo’ob ti’al ma’ u je’elel u kaambal mejen paalal, beey xan tu nu’ukbesiko’ob le túumben tecnologia ti’ información (TICs) ti’al u kaambalo’ob

Chan cuevas tu ya’alaj, tuláakal ts’oka’an u jelpajal ichil kaambalil, le siilas, mesabancos ka’ach de che’, le ya’ax pizarrón de gis, le áanalte’ob, le kúuchil xook, tak u xoknáalilo’ob, tumeen bejale ku xooko’ob tak ti’ pantallas, computadoras tak le pisos jats’uts’ u boonil, ba’ale le jk’anasajo’ob léeyli leti’o’obe

Le u Presidentei le Comisión ti’al Postulación ti’ le Chíimpolalo’ob, Miguel Rodríguez Baqueiro (PAN) tu tsolaj, le ba’ax ila’ab ti’ le ajka’ansaj José dolores Chan Cuevas leti’e u cha’ajo’oltik u nu’ukbesal le TICs, le u tuukulil táakmukil yéetel u ust kaambal xoknáalo’ob, óoxp’éel ba’al jach taabal tu yóol u kanik ti’ je’ex ba’ax cursoi, taller, tsikbal, diplomado wa maestria ti’al u ka’ansik chéen ti’al u ka’ansik ti’ u mejen xoknáalo’ob

Le Diputado tu tsolaj xan yéetel le chíimpolal ku k’u’ubula le noj molay Congresoi ti’ u lu’umil Yucatán, ichil u k’íimbesajil Dia del maestro ti’ u noj lu’umil Mexico ku ts’aik u diosbo’otikil ti’ ajka’ansajo’ob, ku chíimpoltik le úuchben meyaj ku beetiko’ob, tumen leti’ob pa’ajo’oltik u bejil ti’al u xíimba’al kaambal xoknáalo’ob