Mejen ch’úupalal yéetel xi’i paalal ku nupik u t’aano’ob tu yóolal u derechos

2023-06-14

Tu noj kaajil Jo’, Yucatán 14 ti’ junio 2023

Le u  noj najil poder legislativo tu jo’olinta’ab le máak’inal  ceremonia de rendición de cuentas y entrega de la Declaratoria del 12° Parlamento de las Niñas y Niños de México tu’ux táakpaj u meje paalalil u lu’umil Yucatan bey legisladoras yéetel legisladores ti’ jo’op’éel distritos electorales federales

Le 12° parlamento beeta’ab tu wináalil mayo yiknal u noj mola’ay Congreso de la unión tu’ux táakpaj u mejen paalalil u pet lu’umil México, tu beetajo’ob propuestas ti’al u kalanil u tooj óolal yéetel u páajtalilo’ob

Le u presidentei le Junta Gobierno yéetel Coordinación Política le Congreso diputado Víctor Hugo Lozano Poveda tu chíimpoltaj le u yóol mejen paalal u táakpjalo’ob ichil le parlamento tumeen ku beytal u ch’enxikinta’al ba’ax ku tukultik yéetel ku ya’alik mejen paalal  ti’al u beytal u beeta’al nu’ukbesajil kalanil, tu tsáaj u diosbo’otikil ti’ le mola’ay Instituto Nacional Electoral uchik u beetik le paklamtsikbalob

Tu ya’alaj taytak u beetpajal le yáax parlamento infantil  wey Yucatán kun jo’olinta’al tumeen le u mola’ay CODHEY pa’tej yéetel le Congreso

Le vocal ti’ le  Junta Local Ejecutiva ti’ INE Yucatán Luis Guillermo de San Denis Alvarado Díaz tu tsolaj, le Instituto electoral u ch’a’atáantmaj le u kaambesajil cívica le óolal mantats’ ku beetik proyectos ti’al u táakpajal kajnáalo’ob

Ichil le k’iimbesajilob María José Kantún Tziú ku tal tu kaajil  Yokdzonot comisaría ti’ Valladolid bey u representantei le distrito 01 t’aanaj tu yóolal le loobil ku beeta’al ti’ redes sociales, tu k’áataj k’a’ana’an u ch’úukta’al ma’ u beeta’al yéetel u ka’ansa’al u nu’ukbesal uts tumeen mejen paalal

Romina Kuk Kú ti’ u kaajil Motul yéetel  representante ti’ le Distrito 02 tu ya’alaj ichil le comisión tu’ux táakpajo’ob tsikbalta’ab le u kaxanta’al bix u ch’éensa’al u seen to’opol ba’alche’ob yéetel u kaláanta’al sijnáalil

Ti’ le Distrito 03 ,t’aanaj  Giovanni Bautista Familiar ku taal ti’ u noj kaajil Jo’, Ciudad Caucel tu tsolaj, táan le Comisión tu jo’olintajob tsikbalta’ab ba’axten ma’atech u tsikbe’enta’al le chuunt’aanil perspectiva ti’ genero, le u táanilkúunsikuba xiibo’ob yéetel le u seen pech’ óola’alil kaaj, unaj u beeta’al campañas ti’al u keet áanta’al mejen paalal ikil u bin u líimk’ilo’ob

Dóminic Miranda Puch ti’ le  Distrito 04 ti’ u kaail Jo’, tu tsolaj bix uchik u yilik le 12° parlamento tu’ux tsikbalta’ab le ba’alo’ob yaan u yil yéetel equidad, igualdad ti’ genero beey xan le u k’a’ananil u ch’enxikinta’al u t’aan mejen paalal

Ti’ le Distrito 05 ,tal  María Uc Ruz ti’ u kaajil  Umán tu tsikbaltaj bix uchik u máansik le k’iimbesajilob, noj ba’alti’ tumeen kex chichane’ ku yilik ba’ax ku yúuchul tu bak’paachil u kuxtal le t’aan “ba’ax paalil kéen ak p’at yóok’ol kaab” junp’éel u nooy tuukulil ti’al u káata’al ti’ nojoch wíiniko’ob le u beykunsa’al u líik’sa’aj mejen paalal bey nu’uka’an wíiniko’ob

Táakpaj le jejeláas jo’olpo’opiloob ti’ Instituto Nacional Electoral, le directora ti’ le Instituto para la Inclusión de Personas con Discapacidad ti’ u lu’umil Yucatán (IIPEDEY), María Teresa Vázquez Baqueiro, le diputados Erik Rihani González, Carmen González Martín, Manuela Cocom Bolio, Dafne López Osorio, Fabiola Loeza Novelo, Raúl Romero Chel yéetel  Luis Fernández vidal