Le noj mola’ay Congreso ku k’ubik constancias ti’ le u kaambal xookil maayat’aan

2023-06-15

Tu noj kaajil Jo’, Yucatán 15 ti’ junio 2023

Le noj mola’ay congreso ku k’ubik constancias ti’ la máaxo’ob táakpajo’ob ichil le u kaambalxookil maayat’aan, ku k’aaba’tik Curso de Lengua Maya para mejorar la atención en el Servicio Público”, ikil u tojtáanta’al le u ka’ansal ti’ le u jmeeyjilo’ob Poder Legislativo ti’al u beykunsa’al u k’a’amal kajnáalo’ob chéen maya ku t’aniko’ob le kéen u xíibaltiko’ob le noj mola’ayilob

Le diputada Melba Gamboa Ávila, tu tsolaj, le máasewáal kaajo’ob leti’e chíikbesik kuxa’anob tak walkila, tu paachil bix u kuxtal ku yila’al ba’alo’ob suuk u beetik, u chuunil ti’al u k’ajóolta’al bix u t’aano’ob, ti’al u beetik u páajtalil u na’atikubáa máasewáal kaajo’ob

Le diputadaob tu ya’alaj,le u k’ajóolta’al, u kaláanta’al yéetel u mu’uk’ankúunsa’al le u úuchben t’aanil máasewáalo’ob junpéel u meyaj jolpo’opilo’ob

Beey xan tu ts’áaj u diosbo’otikil ti’ le presidentei le  Juntai Gobierno yéetel Coordinación Política, Víctor Hugo Lozano Poveda, ti’ le diputada Manuela Cocom Bolio, presidenta ti’ le  Comisión Permanente para el Respeto y Preservación de la Cultura Maya,ti’ le  director le  Institutoi Investigación Legislativa, Lic. Mario Maldonado Espinosa, ti’ le jefei departamento de promoción de la Cultura Maya, ti’ diputados yéetel ti’ le u jmeeyjilo’ob le Congreso

Táakpajo’ob le diputados Luis Fernández Vidal, Raúl Romero Chel, Eduardo Sobrino Sierra yéetel  le diputadas Dafne López Osorio, Vida Gómez Herrera.