AKTÁAN PLENO KU K’UBA’AL INICIATIVAS TU YÓOLAL MA’ U SEEN ÚUCHUL DELITOS YÉETEL U MU’UK’ANKÚUNSA’AL SEGURIDAD WAY YUCATÁN.

2025-02-12

Tu noj kaajil jo’, Yucatán 12 ti’ febrero 2025

Aktáan Sesión Ordinaria k’ubab jejeláas iniciativas ti’al u ch’úukta’al ma’ u yúuchul  delitos wa Yucatán bey túunob ku nupa’al u meyajil yéetel le  programas ku beetik u Jala’achil u lu’umil  Yucatán tu yóolal seguridad. 

Tu yóolal le je’elob le diputadoi Morena  Wilmer Monforte Marfil tu tsolaj aktáan Tribuna  le u jach k’a’ananil ti’al beetpajal múulmeyaj kalanil  ti’al u yantal  ti’ tuláakal u kaajilo’ob Yucatán seguridad

Bey xan tu tsiikbaltaj ti’ le u k’iinil  viernes máanikob le u Jala’achil Yucatán tu túuxtaj t’aan ti’ Jolpo’opilo’ob ti’al u táakpajlo’ob uchik u káajbal le programa estatal Aliados por vida wáa nupa’ano’ob ti’al múul uts kuxtalil , jun jaats meyajil tu’ux ku táakpajal 100 programas  ku beetik Jala’achil  ti’al u beytal u kuxtal ma’alob mejen ch’úupalal, xi’ipalal, táankelemo’ob yéetel tuláakal baatsilo’ob yucatecas. 

Ichil túun asuntos generales, le  u diputada Morena Maribel Chuc Ayala tu k’ubaj le iniciativa ti’al u jeltúumbensa’al le u a’almajt’aanil meyaj Gobierno yéetel Municipios, le u jeltúumbensa’al le a’almajt’aanil ti’al Prevención Social ti’ Violencia yéetel Delincuencia ti’al u mu’uk’ankúunsa’al  le seguridad yaan way t- lu’umil 

Le xan u  diputadoi Morena  Eric Quijano González tu k’ubaj u láak’  iniciativa ti’ le Mesa Directiva ti’al u jeltúumbensa’al le u almajt’aanil meyajil Gobierno yéetel Municipios ti’al u je’ets’el tusbeelil meyaj tu yóolal seguridad. 

Bey xan le diputado  Daniel González Quintal ti’ Morena tu k’áataj ka’a jeltúumbensa’al le artículo 20 ti’ le u a’almajt’aanil  le Sistema Estatal ti’ Seguridad Pública, tu yóolal bix u much’ikubáa meyaj le consejos municipales ti’ seguridad pública. 

Le diputado Julián Bustillos Medina (Morena) tu k’ubaj iniciativa ti’al u jeltúumbensa’al le artículo 425 ti’ le u  Códigoi Familiar way Yucatán yéetel le  artículo 3 ti’ le u a’almajt’aanil Protección ti’  le u Derechos nojoch wíiniko’ob tu yóolal u kalanil u tuukulo’ob 

Aktáan le plenaria le u  diputadai PAN Sayda Rodríguez Gómez tu k’ubaj  ti’ le  Mesa Directivaob le iniciativa ti’al u jets’a’al le u k’iinil  3 ti’ marzo bey Día del Aviturismo way tu lu’umil  Yucatán. 

Bey xan le u diputadai PAN  Melba Gamboa Ávila tu k’ubaj aktáan le Diputadosob le iniciativa tu yóolal movilidad ti’al u yutsil xoknáalo’ob discapacitados

Le u diputadoi PRI, Gaspar Quintal Parra tu k’ubaj iniciativa ti’al u jeltúumbensa’al le Código Penal ti’al u beytal u ts’íibta’al ichil u tusbeelil le delitos ikil u seen to’opol ba’alcheob unaj u sáasilkunta’al tumeen le jolpo’opilo’ob kex mina’an u tak poolil de wáa  de oficio. 

Le diputada Larissa Acosta Escalante ti’  Movimiento Ciudadano, tu k’ubaj  junp’éel punto de acuerdo ti’al u túuxta’al t’aan ti’ le u jolpo’opil JAPAY, u jolpo’opil INCOPY, ti’al u yutskíintiko’ob le infraestructura ti’al ja’ potable tu kaajil Halachó, Umán yéetel u  comisarías, ba’ale máansa’ab tu láak’ sesión xak’altbij.

 

Aktáan plenaria xo’ok le jejeláas oficios túuxta’an, bey xan áaprobaarta’ab le acuerdo k’uba’ab tumeen  le u Juntai Gobierno yéetel Coordinación Política le  Congreso ti’al u ts’abal le cargo ti’ Martín Chuc Pereira bey coordinador ti’ Archivo ti’  Poder Legislativo. 

Jets’ab xan  le u beetpajal tu k’iinil 26 de febrero sesión tumen aktáan u Plenoi Congreso unaj u k’ubik le u informei u meyaj le u Presidentai le  Comisión ti’ Derechos Humanos  María Guadalupe Méndez Correa.