Le LXIV Legislatura ku k’ubik ti’ le x-ka’ansaj Maestra Violeta Asunción Arana Villalobos u chíimpolalil u meyaj tu yóolal u yutsil xko’olelo’ob

2025-04-23

Tu noj kaajil Jo’, Yucatán 23 ti’ abril 2025

Aktáan Sesión Solemne, le xka’ansaj Violeta Asunción Arana Villalobos tu k’amaj ti’ le LXIV Legislatura le chíimpolal reconocimiento “Elvia Carrillo Puerto”, ku k’uba’al tumeen le u noj mola’ay Congreso Yucatán ti’ le xko’olelo’ob ku jóok’olo’ob táanil kex yaan ba’al k’alik u beel  ikil u ba’atetik u tojbe’entsilil u láak’ xko’olel yéetel  ku meyaj ti’al u nu’ukbesik u derechos humanos, le igualdad ti’ género  ti’al u beytal u táakpajal ichil política yéetel social.

Le u k’u’ubul ti’ob jo’olinta’ab tumeen le  secretario General ti’ Gobierno, Maestro Omar David Pérez Avilés, máax tu bisaj u t’aan le u Jala’achil Yucatán Mtro. Joaquín Díaz Mena, bey xan le magistrada presidenta ti’ le  Tribunal Superior ti’ Justicia yéetel u Consejoia Judicatura ti’ Poder Judicial, María Carolina Silvestre Canto Valdés.

Ikil u k’u’ubul le chíimpolalo’ob le u presidentai le Comisión ti’al Postulación ti’ le Reconocimiento “Elvia Carrillo Puerto del H. Congreso del Estado de Yucatán”, le diputada Alba Cristina Cob Cortés tu xokaj u ts’íibilkuxtal meyaj, yéetel  le u ba’atelil tu beetaj Elvia Carrillo Puerto ti’al u yutsil xko’olelo’ob, bey xan tu yóolal le meyaj ku beetik le xka’ansaj a maestra Violeta Asunción Arana Villalobos, máax k’am le chíimpólalilob.

Láak’inta’an tumeen jejeláas  autoridades le u presidentai le Mesa Directiva, diputada Claudia Estefanía Baeza Martínez, le presidentei le u  Junta de Gobierno y Coordinación Política, diputado Wilmer Manuel Monforte Marfil, tu múul k’ubajo’ob le chíimpolal Reconocimiento “Elvia Carrillo Puerto” ti’ le xka’ansaj Violeta Arana Villalobos, yáax juntéenakil ku k’uba’al  chíimpólalob  

Ku ts’o’okole’ le xka’ansaj Arana Villalobos máan tu tribuna le u noj mola’ay Congreso t’aan, tu ya’alaj junp’éel noj chíimpolal  ku nojbalakúunsik le meyaj ku beetik tuláakal xko’olelo’ob yucatecas ku ba’atetiko’ob sáansamal le u ila’al le meyaj ku beetiko’ob ti’al u ts’a’abal keetpáajtalil yéetel xiib je’ex bix u tusbeeltik le u noj a’almajt’aanil  México.

Tu tsikbaltaj tuláakal le talamil ku máansik u kuxtal tu yóolal le meyaj ku beetikob, ba’alo’ob tu ts’aaj u muuk’il ti’al u ba’atetik u  derechos xko’oleo’ob, je’ex ti’ le máaxo’ob ku meyajtiko’ob lu’um tu kaajal  Muna.

Tu ts’aaj u diosbo’otikil ti’ le u láak’tsililo’ob, u baatsilo’ob yéetel ti’ le múuch’kabil escritores comunitarios uchik u ts’a’abal u páajtalil u náajaltik le chíimpolalilob, bey xan tu beetaj payt’aanil ka xokaka le ba’ax ku ts’íibtiko’ob tumeen ti’ yaan le u puksi’ik’al kaaj , ti’ yaan le u noj puk’si’ik’al  u lu’umil Yucatán

Tu xuulbal u t’aane le recipiendaria tu túuxtaj t’aan ti’ u láak’ xko’olelo’ob ts’íibta’ab u k’aaba’ ti’al u náajaltik le chíimpolalilob ti’al ma’ u lúubul u yóolol meyaj.

Ichil le  Sesión Solemne táakpajl le  u Banda de Guerra yéetel Escolta ti’ le Secretaría de Seguridad Pública (SSP), le u representantes  Fuerzas Armadas  way  Yucatán.